قصص رومانسيه

حياه قذره

اني بنيه ولدت من الخطيئة  وعشت في وسط الفساد والعاهرات اجلكم الله
سنة ٨٩انولدت
بنيه في بيت للكاوليات امها جانت مطربه وراقصه  مشهوره صوت وشهره وجمال تغني للنخبه الخاصه مو اي واحد السياسين والحزببن والتجار عايشه على المجون والاثم تتنقل من فراش لفراش كل فتره ويه شخص والتجار الي يريد ينطي لتاجر او مسؤول هديه حتى تمشي شغلته او ضابط يترقى لمنصب بس يودي جميله لذاك الشخص ليله وحده كافي جميله امي سمرى عيون كبار سود طول جسم مثل الجام جميله عائلتها مو من الكاوليه لكن حبت واحد من القريه وانهزمت وياه وهذا الواحد سوا إرادته وياها واجى غيره وغيره إلى أن وصلت للهي بيه ظلت امي على هذا الحال لحد ما تعرفت على تاجر عراقي عايش بالاردن بس يجي للعراق شافها بحفله عجبته الكاوليه من يروحن ويه واحد يأخذنا  احتياطاتهن خاف يحملن امي تعمدت بذيچ الليله متسوي اي شي احتياط رادت شي تذكار واني چنت التذكار التاجر ميعرف أن امي صارت حامل وحتى لو عرف مستحيل يعترف
اكو  ضابط كبير نقلها لبيت بمنطقه محترمه بغداد وياها الجوگه مالتها وفاضل واني هذا شغلته الضابط على الإعدامات كل خميس الفجر يروح يعدم بشر فحتى ينسى يجي عدنا للبيت سهر ونسوان وسكر للصبح  عنده بهذا البيت خدامه اسمها علاهن مره محروگ وجهه كامل وزوجها ذابها فتشتغل عد هذا الرجال وانطاها خدامه لامي مچنت اشوفها مشوهة بگد مااشوف امي هي القبيحه والمشوهه علاهن تولت تربيتي علمتي شنو الله والنار والحرام والعيب افتهمت امي شغلتها خطا ولازم مااصير مثلها وگامت تصيحلي زينب والكل نسى اسم غنوه وصار يصيحلي زنوبه
ويانا بالبيت ابنيه اسمها كوثر عمرها ١٢سنه امها ميته وجابنها الكاوليات من عمرها عشر سنين وبدن يدربنها على الرگص والحيل وكلشي بس البنيه چانت ضعيفه حيل ومريضه شربنها دكسن ونفخت البنيه بعمر ١٢صارت گمر الكل
يريد يكون اول واحد بس هي لا رادت تحافظ على نفسها وبس تغني بس بهيچ جو منو الي تگدر تحافظ على نفسها اتذكر ذيچ اليله چان عمري ١١سنه لبسن كوثر ومكياج وحفظنها اغنيه والبنيه فرحانه راح تصير مطربه وتشتهر رجعن الساعه خمسه الفجر كوثر مو وياهن كلهن سكرانات ميدرن شكو ريحتهن كريهه مكياج سايل الهدوم مگطعه سالتهن وين كوثر محد تجاوب سالت امي وين كوثر
ما جاوبت راحت لامها گعدت الصبح رحت للمدرسه ورجعت سالتهن وين كوثر گعدن يبچن شكو فهموني كوثر مغنيه وراگصه بس مگدرت تنطي نفسها واحد من الضباط مطلع مسدسه وضاربها طلقه وماتت وماخذين الجثه ميعرفن وين
.
.
.
.
.
:
تعقدت من هاي الحياة واني اشوف امي عايشه بنص الزلم والنسوان الفاجره ماعندي صديقات وتعرفون ليش اني بت كاوليه من تقبل تصير صديقتي اشوف النسوان بالشارع لبسها مستور شعرها طبيعي ليش اني امي دوم مصلخه ومكيجه وشعرها كل يوم لون وذني البنات يجن تالي الليل ويگعدن العصر ليش بس علاهن تصلي وتصوم والباقي لا بيوم من الايام
صار.  عمري 14 سالت امي
ماما فاضل ابوي                           
ليش تسألين.                           
ماما فاضل يراويني صور موزينه واشوف بالفيديو افلام هو يجيبها
فاضل مو ابوچ وهاي شغلته فاضل يعلمچ                                    
شنو يعلمني اني مااريد اصير مثلچ
زنوبه هذا كارنه عيشتنا شوفي الناس تتحسر على الخبزه النظيفه وانتي تاكلين موز وتفاح ملابس خدم وضباط بتلفون واحد اشيله على اي مسؤول اسوي الي اريده ولچ العز حلو شوفي هاي الزلم والرتب والحمايات تالي الليل تنزل على الرجلين تبوس وانتي اخذتي مني الجسم الفاير والعيون واحلى مني همين لان ابوچ چان حلو عجبني وچانت ليله متنسي وشوفي شلون انتاج يخبل
ماما منو ابوي خليني اروح عنده
ابوچ بطل يجي للعراق لان حصار  وعلى فگر ابوج ميعرفچ اسمعي كلامي وتعلمي رگص وغنى لچ وداعة عيوني لتسبين العالم سبايه واحتمال حتى للخليج ياخذوچ
ويجوز المصر هيچي ولچ زنوبه وتشتغلين بفلم مصري صدوگ يگعد حظنا
هاي طموحات امي وحچيها؟؟؟ الامهات تحلم بناتها تصير دكتوره مهندسه او حتى تتزوج وتنستر واني تحلم اطلع فلم مصري لله في خلقه شؤون
گمت مااطيق فاضل والشغلات الي يسويها رحت على علاهن     
خاله علاهن انتي مو گلتي الي تسويه امي حرام                                        
اي حرام بنتي ليش                             
لعد ليش باقيه عدها تخدمين امي وفاضل يريدون يسوني مثل كوثر
زينب اني چنت اخدم عد هذا الضابط من زمان وحترگ وجهي رجلي ذبني بس هذا الضابط خلاني عنده بعدين جاب امچ اخدمها وين اروح بهذا الوجه
خاله خلي ننهزم اني وياچ نروح الريف ونعيش حتى لو نگدي ولا نبقى هنا انتي گلتي امي تروح للنار واني مااريد اروح للنار
اقتنعت علاهن بالفكره وبدينا نخطط فاضل چان مراقبني وين مااروح
الخميس حفله عدهم والنسوان كلها متحضره..... بغداد دخلت انذار امريكا تهدد تضرب العراق والضباط كلها بالإنذار
الخميس قررنا ننهزم لان حفله والكل مشغول وسكران كل مره يجوون بحدود العشره باليل هسه صارت ١١ولا ضابط اجى ظلينا ننتظر انملى البيت زلم وكلهم يريدون ينسوون الحرب على الابواب ويمكن مناصبهم ورگابهم تطير طلعنا من باب المطبخ وصلنا الحديقه شايلين اهدومنه بعلاگه سوده فاضل چان يرحب بالضيوف الجايين لمحنا بين الأشجار  لكفنا و دخلنا جوا قفل الباب عليه وطرد علاهن بعد ماشفتها من خلصت الحفله امي عرفت وكتلتني وصدرت أوامرها يستعجلون حتى ادخل لعالمهم
.
.
.