قصص رومانسيه

طفلة وعاشقها مجنون

اماسي الليل

كان يا مكان

اني زينب عايشه بقريه بأطراف بغداد  خلي احجيلكم قصتي
اني اصغر اخوتي وخواتي امي سوريه شيشانيه  توفت من ولدتني  عندي ٣خوات  متزوجات كبار بفرق عمر چبير و٢اخوه الاكبر مني بكم سنه حسين كلهم يحبوني وحنينين عليه الى درجه
ابويه ملا  تزوج ورا وفاة امي بسنتين زوجة ابويه متحبني وخواتي اشترطوا على ابويه من راد يزوج يجيبلي مربيه تربيني ما يأمنون بمرت الاب
وجابولي فهيمه مره مامتزوجه وجبيره بالعمر هي ربتني
توفت  من صار عمري ١١سنه /مرت ابويه جانت ظالمه بس خواتي واخوتي واگفيلها بالمرصاد
من صار عمري ١٣بدت قصتي
اني متوسطة الطول وبيضه الى درجه   وعيوني كبار كلش وزرگ وشعري بني فاتح طويل كلش الكرايب يضربون بيه المثل بالجمال
وبيوم جنت العب كدام البيت ويا صديقاتي ثاني يوم صاحوني خواتي گلولي زينب  راح نزوجج حتى تخلصين من تسواهن الي هي زوجة ابويه
اني ما افتهم كلشي ولا شنو ديحجون .
اسمي سامي :ابن تاجر  مشهور مخلص سادس علمي قبل يسموني الافندي لان متعلم
اني طويل كلش يعني من ادخل الباب مرات يطخ براسي جسمي رياضي لان خلال فتره دراستي ببغداد جنت العب رياضه القفز والسله وبقيت اشارك بأنديه
اول ما خلصت دراستي رجعت يم اهلي لمدينتنا  وسوولي اهلي  كعده عزموا بيها الگرايب
ومن خلصت الحفله خالتي رادت ترجع لبيتهم بس رجلها ميقبل ترجع وحدها رحت وياها حتى اوصلها وارجع
بس الي صار اول ماوصلت قريب على بيت خالتي فرق بيتين شفت بنيه ملكة جمال تلعب ويا صديقاتها حبيتها من اول نظره
رجعت للبيت ركض گتلها يمه اني اريد تخطبولي
الام :يمه يوم المنى بس منو ومنين
سامي :يمه شفت بنيه بشارع خالتي ملكة جمال وشعرها كاعده وهو بصفها
الام :يمه وين شفتها وشلون مطلعه شعرها  يمه هاي متفيدنا احنه هنا عرب ومحد يقبل تطلع بنته بلا شيله
سامي :يمه هي طفله مو شابه
الام :يا يمه شبيك صدگ تحجي
سامي :اي يمه صدك احجي اتزوجها واربيها على ايدي ومن تكبر يله اعاشرها
الام :يمه المنطقه متروسه بنات بس اشر وگول شلك بهالزعطوطه
سامي:يمه غيرها ما اخذ وانت الحجي وياج مجاب نتيجه راح احجي لابويه
وصدك رحت الابويه
گتله حجي اكو بنيه صغيره شفتها يم بيت خالتي واريد اتزوجها واربيها على ايدي
الحجي :يابه منين بت منو
سامي :ما ادري هي جوارين خالتي شفتها تلعب بالشارع
الحجي :يابويه اذا البت صغيره شلون تفهم بالزواج وشلون راح تتفاهم وياها
سامي: يابه اني اعرف شلون ارتب وضعي وياها بس انت وافق
الحجي :اخذ امك وروح على خالتك اسألوا هي بت منو
سامي :يمه تعالي نروح على خالتي نسألها على البنيه
ورحنا البيت خالتي گتلها خاله البنيه ام شعر طويل الحلوه الي قبل بيتكم بيتين هاي منو
الخاله :خاله هاي الحلوه زينب بت ملا حسن هاي يتيمه ومرت ابوها طول ما ابوها مو بالبيت اطلعها برا تلعب بالشارع وهي حلوه واخوتها وخواتها ميقبلون بس كلهم متزوجين وبس حسين اخوها ما متزوج لكن يدرس ببغداد وهي خطيه مربيتها الحجيه مره تقيه الله يرحمها خوش تربيه
ليش خاله دتسأل عليها
سامي :خاله اريد انزوجها
الخاله :يا يمه هاي صغيره عمرها ١٣وبعدها ما بالغله حتى حرام عليك هاي عود انت المثقف
سامي :خاله اني اريد اربيها ومن تكبر تصير مرتي
الخاله :خو انتظرها من تكبر اتزوجها
سامي :خاله هاي حلوه متبقى واذا راحت مني غير اموت
الام والخاله :يا شبيك شوكت عشگتها مصارلك ساعتين من شفتها تخبلت
سامي :اي تخبلت باجر روحوا اخطبوها اريدها نهاية الشهر هي مرتي
ثاني يوم
امي وخالتي راحوا على اختها الجبيره ام صالح وفاتحوها بالموضوع
جاوبتهم احجي ويا ابويه واردلكم خبر
ام صالح :يابه جايين خطابه على زينب ولد افندي ابن حجي جواد التاجر وخالته جيرانكم ام معن
الاب :بنتي زينب صغيره ما ازوجها هسه
ام صالح :يابه كلنا تزوجنا  بكدها بوقتنا وهسه كلنا نسوان وعدنا زلم ثانيا يابه تريد الصدك مرتك مو خوش ادميه وياها وانت ما تكدرلها واني اريد زينب تخلص منها ليروح يصير بالبنيه شي هي حلوه والي يشوفها يطمع بيها خليها تصير على ذمة رجال ماطول القسمه الي جايتها زينه
الولد مثقف واهله ناس احوال وامه المره معروفه بالمنطقه متدينه وتخاف الله بعد وين تلگى احسن من هالنسب
الاب :ماشي بكيفكم انتوا خواتها فهموها وشوفوها
زينب :اجتي اختي ام صالح جنت دا اللعب وصاحتني شوفتني صوره ولد گلتلي هذا حلو
جاوبتها اي مستعجله اريد ارجع اللعب
گلتي اوگفي تقبلين تزوجي
جاوبتها اي اقبل واني كلشي ما مفتهمه عبالي مثل من نلعب اني وصديقاتي مرات وحده منهم تصير هي الاب واني الام والبقيه بناتي الاب يشتغل ويشتري مسواگ  والام تطبخ هذا الي جنت فاهمته عن الزوج والزوجه من اللعب
ثاني يوم اجتي ام صالح غسلتلي وبدلتلي والعصر اجونا نسوان
اول ما دخلت المره الضخمه گالت اللهم صل على محمد شنو هالحوريه ما ينلام سامي من ذبح روحه
ام معن جوارينا :تگلها خيه هاي زنوبه كل الطرف يعرفها من ورا جمالها