تانى يوم الصبح
سلمى تخبط على باب شقة سجد كعادتها
وتشوف دعاء(عمة سجد) :ايه ده؟...صباح الخير ياطنط
_صباح النور يا سلمى انتى جيتى انهاردة ليه بدرى كده سجد بتقولى ان عندكوا الدروس هاتبدأ من الساعة12
_اه...بس جيت اراجع معاها حاجات وقفت معايا وبعدين الساعة10 يعنى ساعتين زمن وخلاص هى سجد لسة نايمة؟
_استنىِ هادخل اصحيهالك...ولا ادخلى عقبال ماحضرلكوا الفطاروتدخل سلمى اوضة سجد
_سجججججججد....اصحى...انتى يابت
_ايه ياعمتو
_انا مش عمتك ياختى انا سلمى..يلا اصحى
_سلمى...ايه اللى جابك دلوقت لسة بدرى
على الدرس
_ماهو جيت بدرى علشان تقوليلى كلمتيه امبارح قولتيله ايه استنى بس اروح اقفل الباب
_اومال مامتك فين مش شايفاها برة
_سافرت انهاردة الفجر
_سافرت؟؟عادى كده
_سلمى بس بقا علشان مخنوقة هاقوم اغسل وشىويصحى جابر من النوم ويصبح على امه وابوه
والدة جابر: صباح الفل يا حبيبى ايه يا جابر كل ده نوم مش عوايدك يابنى
_معلش يا ماما انا تعبان من امبارح وغير صاحبى ومشاكله وكده
_ربنا يقومهوله بالسلامة يارب
_بحبك يا جوجو وانتى بتدعى لناس مابتعرفيهاش كده
_ياواد لازم ندعيلهم...علشان لو تعبنا فى يوم نلاقى اللى يدعيلنا
ويدخل والد جابر(صالح) فى الموضوع :جرا ايه يا اجلال بعد الشر عليكى
_يووه وانا تقدر اعيا ولا امرض من غيرك ياصالح
جابر: لا انا اسيبكوا مع بعض فى الحنية بقا انا ايه اللى صحانى من اساسه
صالح: انت مابقتش تروح المكتب ليه ياولا يعنى فاتحهولك علشان تشتغل فيه وفى الاخر تشتغلى كام شهر وتقفله
_ انا قافله من اول امبارح بس
_طيب كانت ام محمود اللى ساكنة فى البيت اللى جانبينا ابنها فى القسم اتخانق مع واحد نصب عليه كده فى محاميل تبقى تروح تحللها الموضوع
_يابا انا لسة بدرس وبتدرب فى المكتب ده لسة علشان لما اتخرج اشتغل فيه على طول تقوم تودينى اقسام من دلوقت
اجلال(والدته) : دى ولية غلبانة ومالهاش غير ابنها ده علشان خاطرى ما انت ياما سلكت ناس من اقسام وكل اهل الحتة بتحلف بشطارتك ووقوفك معاهم جات يعنى على دى
_حاضر هاشوف الموضوع ده
_انهاردة تروحلهم بليل
_حاضر يابا خلاص
ممكن ادخل بقا اغير هدومى وانزل الكلية
اجلال: روح يابنى ربنا يجعلّك فى كل خطوة سلامة وتلاقى اللى يقف معاك زى مابتقف مع الناس الغلابة ويحميك لشبابك يارب"فى بيت سجد"
سلمى:يالهوى ياسجد طلبتى منه تقابليه هاتتقابلوا انهاردة
سجد: ماتعلّى صوتك كمان اقولك اطلعى قولى لعمتو
_انتى مش هاتقوليلها
_هاقولها طبعا ماقدرش اخبى عنها حاجة بس لما ارجع
علشان كده بقولك اهو مش هارجع معاكى بعد درس الفلسفة تمام
_خلاص تمام
دعاء: يلا يا بنات الفطار جهز
_حاضر يا عمتو خارجين اهووفى كلية الحقوق
جابر يشوف زميله
_ايه يا جابر يابو الشوق...حبيبى
_ابو الشوق صح م انت جاى رايق من الرحلة المرادى كنت فين بقا؟
_كنت فى شرم كده مع شلة من تجارة على شلة من حقوق عارف شوفت مين هناك؟
وجابر يقول بتخمين: رندا؟
_يابن الايه عرفت ازاى ده انت متابع بقا يا معلم...شوفتها هى والواد الملزق بتاعها ده
_لأ ماهو قلب عليها قلبة سودة وعايزك انت بقا تخلصلى الموضوع ده
_موضوع ايه؟ انت لسة ليك علاقة بالبت دى
_تعالى بس ندخل المحاضرة ونخرج كده نشرب نيسكافيه وسندوتيشين جبنة بالخيار فاكرهم
_وهما دول يتنسوا ...ده اسبوع
أنت تقرأ
الابتسامة تصنع المعجزات
Romance(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...