جابر واقف زى المسطول مش عارف ايه اللى حوله كده فجأة لقى نفسه راح لسجد وسألها هو انتى ضحكتك دى ايه؟
سجد استغربت ووقفت مش عارفة تعمل ايه ده اول مرة تقع فى الموقف ده..ده واحد متخلف
بنت من صحابات سجد اللى واقفين معاها :هو فيه حاجة حضرتك احنا بنضحك وواقفين قدام مدرستنا على فكرة انت مش محترم هو ايه الضحكة يعنى وانت مالك
جابر طبعا بعد ما فاق من البوقين الحلوين دول: اه ه ه انا اسف والله ما كانش قصدى انا اسف يا انسة
وكل ده سجد مافتحتش بوقها بكلمة اتصدمت يا عينى
_طب يلا ندخل يا بنات الطابور هايبدأ..بلا قلة ادب انت مالك انت
وجابر كل ده مش مركز غير عليها عليها هى وبس
وبعد ما دخلوا المدرسة
سلمى صاحبة سجد الروح بالروح دايما مرافقاها فى كل مكان فى كل حتة بتروحها وفى احداث الرواية هاتعرفوا هى قد ايه صاحبة جادعة وقد ايه هى الاخت بالنسبة لسجد آه وع فكرة هى ساكنة جانبيها كمان
سلمى :ايه يا بت...سججد..سجد
سجد :ايه؟؟
_مالك ده واحد عبيط يعنى ماتركزيش
_ماركزش ازاى بس ده جيه وسألنى سؤال عمر ماحد يسألهولى عارفة واشمعنى انا بقى هو مالقاش غيرى ويقولها كده ما انتو كنتوا واقفين معايا
_تصدقى معرفش صح اشمعنى انتى بس سيبك سيبك يا شيخة تلاقيه صاحى ع الصبح مدهول بس البت نورا ظبتطوا
_طب خلاص يلا بقى نمد علشان الطابور
_يعنى ملتزمين بالطابور اوى ياختى
من مدرج كلية الحقوق اللى دايماً بتلاقوا فيها اى طالب مزنوق بلاش تريقة بقى
(فى محاضرة الجنايات) فى 3صف شاب شارد فى وسط المتشردين يعنى فى وسط السرحانين شاب بيفكر فى البنت اللى سحرته ووهمته (بإبتسامة) اللى جابتلها مشكلة بس فى يوم بس هى مش مشكلة دى فرحة بترسمها للناس علشان ترسم على وشوشهم فرحة
ويسمع صوت غبى علشان بيفقوا من سرحانه الجميل :جابر..جابر اتزحزح شوية يلا
_اهو اترزع
_اترزع وسرحان لا مش مرتاحلك انا
_مش مرتاحلى ف ايه!؟
_لا لا مافيش لما نخرج ولا ارغى هو حد شايفنا
_لا خليها برة احسن لما نقعد ف الكافيتريا
_اشطا برة برة كده كده هاعرف
وبعد ما المحاضرة خلصت جابر وصاحبه خرجوا يقعدوا فى الكافيتريا ومن هنا هايحكيلو وتعرفوا *اشمعنا سجد*
_ها قولى بقى الموضوع
_موضوع ايه يابنى هاهه
_موضوع اللى مواديك فى الباى باى كده ومخليك سرحان
_هاحكيلك بس ماتتريق
_يا عم احكى بس
_شوفت بنت..بنت زى القمر قمر ايه لا دى كوكب تانى بحاله وعليها ضحكة
ويقاطعه صاحبه: آه وايه تانى؟؟
_استنى بس لما شوفتها ماتعرفش كأن جردل ميه ساقعة وادلق على راسى
_ودى شوفتها فين
_شوفتها قدام مدرستها
_مدرستها؟؟؟
_آه ماهى فى ثانوى
ومن هنا صاحبه ضحك ضحك سخرية لا ليها اول ولا آخر فرجت عليهم الكلية
فى ثانوى يا نهااار ...بنت فى ثانوى تعمل فيك كده طب عيب عليك
_طب انا غلطان انى حكيتلك عيل معفن
بس انا متضايق اااوى روحت قولتلها حاجة غريبة
_ايه؟ قولت ايه؟
_يلا ياض انت عيل فضحى
_قول بس
_قولتلها ايه ضحكتك دى؟
بس غصب عنى
وصاحبه يضحك اكتر من ضحكه
_بس بقى الله ينعلك والله هاخليك تحاسب على المشاريب لوحدك
_لا خلاص يا عم طب وهاتعمل ايه؟
_مش عارف
_طب ماتروحلها تانى قدام المدرسة وتعتزرلها
_صح هاروحلها تصدق صح
وبكرة جابر هايروح المدرسة لسجد بس المسكين مش هايلاقيها لأنها مش هاتروح تانى المدرسة وده لسبب معين
أنت تقرأ
الابتسامة تصنع المعجزات
Roman d'amour(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
