سجد: انت هاتعمل ايه؟
جابر: بتصل بيه
_بتتصل بمين بالمحامى،لا يا جابر استنى
_شوووش رد...ازى حضرتك يا متر انا جابر صالح
انا الحمد لله...هو بس كان فيه واحد قريبى اعرفه يعنى اتمسك انهاردة بانه تبع جماعة إرهابية وهجموا عليه فى بيته وكسروا كل حاجة فيه
اه اتمسك انهاردة الصبح...تمام..تمام ..اتفضل حضرتك مع السلامة
_ايه قالك ايه؟
_ بيقولى لازم تجيلى حالا علشان يشتغل على القضية بسرعة...يلا
_على فين
_لازم نروحله المكتبوفى مكتب محامى من اهم المحاميين فى مصر "المحامى/ اشرف عبد الرازق المنشاوى"
سجد: دى ايه كمية الناس دى هو للدرجادى محامى شاطر
_اكيد طبعاً انتى مش شايفة البدل والفساتين القصيرة اللى جاينله من آخر الدنيا
_فساتين قصيرة،ماتحترم نفسك
_طيب قوليلى احترم نفسى تانى وانا هاحترم نفسى
_بس بقى هو ده وقته..وبعدين احنا جايين نحسد الناس فى ارزاقها
هو هانستنى كتير
_لأ مش كتير هما ساعتين الظبط اكيد بياخد ورق القضاية و خلاص وبعدين عنده مساعدين وراه بيعملو على كام قضية يعنى
_وانت عرفته منين
_ده ابو صاحبى معايا فى الكلية ده غير انى كنت بتدرب هنا من 2 بس رجعت بقى اشتغل فى المكتب الصغير بتاع ابويا ده غير ان ابويا كان مستشار قانون وزميله
_طيب كويس المهم هو يعنى من جهة الفلوي ايه علشان زى ماقولتلك حالتهم على قدهم وكده
_بصى ماتشغليش بالك بس ندخل الأول ونشوف رأيه علشان نلحقه زى ماقولتلك لتتحول لأمن الدولة بس انتى متأكدة يا سجد انهم ظباط مباحث مش امن دولة
_ماعرفش لأن سلمى وهى بتحكيلى كانت منهارة من العياط وبتحكيلى بسرعة فمستوعبتش منها ااوى واللى فهمته قولتهولكويدخل عبد الرحمن يشوف جابر هو وسجد قاعدين
جابر: ايه ده عبد الرحمن اهو
عبد الرحمن: جابر؟؟بتعمل ايه؟؟ ومين القمر الجاحد اللى معاك دى؟
_لأ احترم نفسك،دى سجد
_بتاعت ثانوى...هى دى...لا دى جامدة
_ماقولتلك احترم نفسك...تعالى اعرفك عليهاوبعد تعارف سجد وعبد الرحمن طبعا بواسطة جابر
_ايه انت كنت جاى ليه صحيح
_مافيش مشكلة كده مع واحد قريبى مسكوه بأنه ضمن جماعة ارهابية
_وابويا هايفضيلك بقى
_هايفضيلى بس اخرج انت منها
_ههههه ماشى يا عم..على فكرة يا انسة سجد جابر مع انه معايا فى نفس الكلية وشوفى فى نفس المدرج بس هايبقى من افخم المحاميين فى مصر ومش بعيد ينافس ابويا كمان ويقعدهولنا فى البيت
_بس بس ايه بلاعة واتفتحت..ده اونطجى والله
_لأ انت فعلا ممتاز ياجابر ومحامى شاطر كمان
_اووبا ايه ياعم دى طلعت رقيقة لا وكمان بتشكر فيكوبعد كلام سجد وجابر وعبد الرحمن بالساعات المكتب يفضى وجابر وزميله ومعاهم سجد يدخلوا
أنت تقرأ
الابتسامة تصنع المعجزات
Romance(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...