وتانى يوم الصبح سلمى تقوم على صوت موبايلها تشوف على الشاشة رقم غريب بيتصل تدوس على زر القبول
وتتكلم بصوت نعسان:الوو؟
_صباح الخير ياسلمى
_ايوة مين معايا
_انا...ااانا عبد الرحمن صاحب جابر
_اه صباح النور
_انا متأسف انى كلمتك الصبح بدرى كده بس والدى كان عايز بطاقة باباكى علشان نتأكد من البيانات
_اكيد طبعا بس انتو عايزنها امتى
_اكيد انهاردة علشان ننجز الموضوع بسرعة
_خلاص ماشى هاجيبها في المكتب؟
_اه فى الميعاد اللى انتى عارفاه هناك..وبعتذرلك تانى انى ازعجتك
_لا عادى مافيش مشاكل انا كده كده كنت هاصحى لان ورايا درس وكويس انك صحيتنى
_طيب الحمد لله عايزة حاجة
_لأ متشكرة
_يعنى مش عايزة حاجة
_قولت لأ..باى
_باى باى
تقوم سلمى تغير هدومها وتروح سلمى بيت سجد وتخبط على الباب وتفتح عمة سجد
_ازيك يا طنط
_ازيك يا سلمى يا حبيبتى تعالى ادخلى ايه كل ده وماتجيش
_معلش ياطنط بقى ظروف وحضرتك عارفة
_عارفة وربنا يخرجكوا ويخرج ابوكى من المحنة دى ان شاء الله
_ياارب
_ادخلى بقى لسجد عقبال ما احضرلكوا الفطار اكيد مافطرتيش
_ده اكيد طبعا ياطنط
سلمى تدخل اوضة سجد وتصحيها
_سجد...بت ياسجد قومى
_ايه ياسلمى
_سلمى اشمعنى المرادى عرفتينى
شكلك صاحية من بدرى... ايه ومال وعنيكى حمراء كده ليه
_علشان مانمتش من امبارح اصلا
_ياخبر كل ده علشان جابر مايولع هو ودماغه
_بس ياسلمى ماتقوليش كده حرام عليكى
_حرام طيب انا هاستناكى برة...اه صح نسيت اقولك احنا لما نخرج بعد درس التاريخ هانروح مكتب المحامى علشان عبد الرحمن قالى انهم محتاحين البطاقة بتاعت بابا
_لا ياسلمى روحى انتى مش هاروح فى حتة
_ليه بس يعنى اروح لوحدى
_معلش ياسلمى علشان خاطرى كفاية انى هاحضر الدروس وانا مطبقة يوم بحاله
_ولا خايفة تشوفى جابر هناك
_ياسلمى بقى انا قولتلك مش هاروح وخلاص
_خلاص ماشى هاروح لوحدى وامرى لله يلا انا خارجة اخلصى وغيرى بسرعة ويلا
وتخرج سجد وتشوفها عمتها
_ايه ده ياخبر...سجد انتى مالك وشك اصفر وعنيكى ورمين ومحمرين كده ليه
_مافيش ياعمتو مانمتش كويس بس
_شوفتى علشان تاكلى بعد كده مانتيش نازلة الا لما تفطرى الاول يلا اقعدى ياسلمى
"وعلى كافيتريا الجامعة"
عبد الرحمن: ايه ياعم مالك فى ايه ماتفك؟
انا عارف انك متضايق انها كانت مصاحبة كريم الملزق ده بس ده مايمنعش انها برضو بنت محترمة وغير كده شكلها بتحبك بجد دى حتى وقعتك فى حبها ياعم وضحكت عليك اللى يسوى ومايسواش علشان بتحبها وانت عارف انها كويسة قد ايه ويمكن يكون كريم ده _ماعرفش معاها لا حق ولا باطل قال يدخل يدور فى الجامعات ولف حولين رندا طب بزمتك سجد تجيبها زى رندا
_انت بتقول ايه ياعبد الرحمن بس ايه اللى جاب سجد لرندا
_بسسسس اهو بانت عليك ياحلو والله انت بتحبها اسمع كلامى بص انت لازم تصالحها او تتكلم معاها والله شكلها بنت كويسة
_طيب اكلمها ازاى علشان اصالحها
_بص انا قولت لسلمى تيجى علشان تجيب بطاقة ابوها اكيد هاتجيب معاها سجد انت تيجى انت كمان وكأنها صدفة وكلمها اشطا
_اشطا؟؟ الله يحرقك ياشيخ
_يلا بقى ندخل المحاضرة بدأت
وجابر يصدق كلام عبد الرحمن وهايروح معاه فعلا المكتب بس جابر هايفكر لسجد فى حاجة حلووة تخليه يعرف يصالحها وده طبعاً بعد كلام سلمى اللى هايخليه يفكر فى الفكرة دى الحلقة الجاية بكرة هاتعرفوا
أنت تقرأ
الابتسامة تصنع المعجزات
Romantik(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
