الابتسامة تصنع المعجزات

حكاية امى

افتكروا معايا كده فى اخرها سجد اتفاجئت فأمها (احلام)ونفسها تعرف الحقيقة واخيرا هتحكيلها امها
احلام بتحكى بالامبالاه:من ساعت ما مات ابوكى و عقد الايجار بتاع الشقة انتهى والراجل صاحب العمارة طردنى وانتى كنتى لسة على ايديا كان عندك 5 سنين لسة بعديها بشهر خدتك وروحت اعيش مع اهلى ماكانش ليا غيرهم امى قعدت تتحايل عليا انى اتجوز بحسبها انها عايزة تسترنى انا وانتى بدل ما انا متبهدلة بيكى لأ دى كانت عايزة تجوزنى لأى حد علشان تخلص من مسؤليتى وغير انها كانت دايما واقفالى على الواحدة ولو فكرت افتح نور الاوضة بس تبهدلنى علشان مابدفعش معاها النور روحت اشتغل فى مشغل ملابس صغير صاحب المشعل كان عايز يتجوزنى فى الحرام وعايزنى ارميكى وامى كانت فرحانة بيه ف مقدرتش ولا طيقت العيشة فسيبت الشغل وواحد ابن حلال رايدنى تحت راية ربنا سافرت معاه اسكندرية ووصيت عمتك تخدك فى رقبتها ليوم القيامة حتى انا مش راجعة اخدك منها لا يابنتى انا جايبالك اخواتك تشوفيهم ويشوفوكى
_ وابويا...ده حتى عمتو بتقولى انك كنتى بتحبيه هانت عليكى بابا
_كنت...انا ربنا يعلم بحب مجدى لحد دلوقتى يابنتى ابوكى كان طيب وجدع وعمرى ما اشتكيت منه معقولة معقولة ياسجد بعد كل ده لسة ماعرفتيش انى لسة مظلومة يابنتى
_طب وايه اللى فكرك بيا دلوقت؟
_واحشانى يا ضنايا مقدرتش احوش نفسى عنك ومن كتر مابحكى لخواتك عنك بيسألونى اكتر من مرة فى اليوم ونفسهم يشوفوكى ياسجد
_حكيتلهم عنى...انتى ماتعرفيش يا ماما انا كنت محتجالك قد ايه
_وانا جنبك يا حبة عينى
عمة سجد:تعالوا يابنات سلموا على اختكوا
وتتكلم سجد:انتوا هاتباتوا معايا انهاردة
البنتين:اه هانبات معاكى...ده سريرك؟
_اه سريرى
وتتكلم بنت من التوأم: انا بحب اللون الاحمر مش بحب اللون ده
سجد:وانا كمان بحب اللون الاحمر جداا خلاص هافرشلك ملاية حمراء
عمة سجد:يلا انا داخلة احضر العشا
والدة سجد:وانا داخلة معاكى يا دعاء

وسجد تلعب مع البنتين كأنها طفلة ولقت نفسها

وفى المطبخ
احلام:الحمد لله سجد حنت عليا يارب احمدك احمدك ياارب
دعاء:مش قولتلك حنينة وزى ابوها هو لسانها الطويل شوية زى لسانك ده بس من جواها ابيض ونبى
وكويس حبت البنات والبنات حبوها
_ربنا يحببهم فى بعض دايما يارب

وفى بيت رحمة بعد ما خلصوا الغدا وشربوا الشاى
جابر يكلم ايمان بصوت واطى:تعالى عايز اكلمك فى البلاكونة
_طيب ماتقول هنا
_لأ مش هاينفع عايز اقولك حاجة مهمة
_ماشى

وفى البلاكونة
_عايز تقول ايه؟
_شوفتها شوفت سجد
_سجد؟سجد مين؟؟
_يا ايمان سجد اللى قولتلك عليها
_اهاا افتكرتها..بجد شوفتها فين؟
_تعرفى طلعت مين؟ عمتها هى طنط دعاء
_طنط دعاء؟؟
_اللى متجوزة اللواء اللى فى الجيش جارة رحمة ايه طنط دعاء
_لا ياشيخ طنط دعاء...طنط دعاء اللى خلت رحمة تتخطب لمحمد
_ايوة.. عمتها جارة رحمة وطلعت ساكنة معاها فى نفس البيت كمان
_مش معقول بجد...سبحان الله زى مايكون حكايتكوا مترتبة
_طيب انا عايز اى حجة بقا ندخلها
_حجة ايه؟وندخل بصفتنا ايه؟
_اتصرفى ده انا ماصدقت....عايز اخد نمرمة تليفونها
_مالك خليك تقيل كده
_طيب يلا يلا
_يعنى اعمل ايه؟؟
_طيب خلاص ادخلى انتى سبيها عليا
_هاتعمل ايه بطّل يا جابر هبل وادخل معايا
_ياستى مالكيش دعوة ادخلى انتى كلى بسبوستك وسبينى
_والله الواد ده اتلحس فى دماغه ولا كأنه فى2اعدادى معقول

*الحلقة الجاية هاتعرفوا فكرة جابر الجهنمية