*الفصل الثالث والعشرون*
وبعد ماسجد وسلمى خلصوا دروسهم
سلمى: مش هاتيجى معايا برضو
سجد:معلش ياسلمى تعبانة جداا والله يادوب اروح اكل وانام واصحى الفجر اذاكر بقى انا مش هاركز غير فى نفسى ومذاكرتى وبس الحقى روحى انتى بقى سلام
_طب ياسجد...سلام
وتروح سجد البيت طبعا بعد ماكلت وتدخل تنام وقفلت موبايلها بس مايجلهاش نوم فضطر تدخل تاخدلها شاور
وتوصل سلمى لمكتب المحامى وفعلاً زى ماتوقعت انها هاتلاقى عبد الرحمن ومعاه جابر
سلمى:مساء الخير...انا جيبت البطاقة اهى
عبد الرحمن: حلو ااوى استنى شوية كده وهاندخل
جابر:هى..هى سجد ماجاتش معاكى
سلمى بتكلمه بقرف: لا ماجاتش ومش هاتيجى تانى
_طيب انا هانزل تحت شوية
عبد الرحمن: رايح فين بس
_هانزل شوية وراجع
وبعد مايمشى جابر
سلمى: انا ماكانش قصدى خالص انى اتكلم معاه كده بس انت لو شوفت سجد والله تضربه بالجذمة..يووه انا اسفة
_لا عادى ماتتأسفيش هو نفسه دماغة جزمة
والله هو كان جاى معايا علشان يكلمها هى ماجاتش علشان اللى حصل اخر مرة صح
_اه دى مانامتش من ساعة مارجعنا امبارح
_طيب يلا ندخل بابا بيتصل اهو
استنى اتصل بجابر بس
_ ايه يابنى يلا اطلع
_لا خلصوا انتوا وانا مستنيكوا تحت
_ماشى اوعى تمشى هنخلص بسرعة
وبعد ساعة ينزل عبد الرحمن وسلمى يشوفوا جابر واقف وعبد الرحمن يبص لسلمى
سلمى: جابر ماتزعلش من الطريقة اللى كلمتك بيها فوق دى انا..
جابر: انا عارف ياسلمى على فكرة انا متضايق زى ما انتى مضايقة برضو طيب انا عايز اكلمها
_تكلمها...استنى اتصلك بيها، موبايلها مقفول
هو انت صح تعرف كريم منين
عبد الرحمن:معانا فى الجامعة
_ازاى وانتوا فى حقوق وهو فى تجارة والبنت اللى جات المطعم امبارح دى شوفناها مع كريم تعرفوها منين برضو
_ده حوار طويل تعالى بس اركبى وجابر هايقولك كل حاجة فى العربية
وبعد ماجابر حكى لسلمى كل الحكاية
سلمى: يااه معقول كل ده يحصل...ده سافل بجد بس سجد مظلومة يا جابر والله وعلى فكرة كريم ده كان فعلا هايتقدملها وكانوا بيحبوا بعض زمان وكمان عمتها كانت عارفة بس لما عرفت انه بتاع بنات كتير وكده وحست انه هايلعب بيها هى اللى خلصت من موضوعه ده
_ايه...سجد قالتلى الكلام ده قبل كده هو كريم اللى كان هايتقدملها
_ هى حكيتلك طيب كويس علشان تكون عارف انها مش زى ما افتكرت فى دماغك
_انا مافتكرتش حاجة عن سجد هى هى زى ماعرفتها فى الاول
عبد الرحمن: خلاص بقى يا سلمى جابر عرف وفهم الموضوع، يلا وصلتى
وتنزل سلمى من العربية وتمشى
جابر: وصلنى اى محل بيبيع هدايا
_ليه؟؟؟
_هاروح لسجد
_انت عبيط ياجابر..تروح لمين؟
_يلا بس انت ومالكش دعوة وصلنى لاى محل بيبيع هدايا وامشى انت
_ماشى...والله انت بتستهبل
_ويدخل جابر محل هدايا يغير رأية: هاجيب هدية بصفتى ايه؟، طيب اجيب ايه؟
وخرج برة المحل يشوف محل ورد جنب محل الهدايا
ويخرج منه وهو مشترى ورد ابيض وفيه وردة واحدة حمراء
"قدام باب بيت سجد ويخبط "
تفتح عمة سجد: مين؟..ازيك ياجابر؟
_انا اسف ياطنط انى جيت فى وقت زى ده اصل انا بخبط على بيت رحمة ف محدش بيفتح
_اه هما تقريبا سافروا البلد امبارح بليل
_ده بجد ماعرفش
ويفرح جابر لأنها جاتله وزى مايكون الموضوع مترتب وكل شئ يُشاء بمشيئة ربنا
_طيب ادخل استريح ياحبيبى تعالى اتفضل
_انا والله ياطنط مش عارف اقول لحضرتك ايه بس انا ماعرفش انهم سافروا
_ياحبيبى ما ده بيتك برضو جرا ايه يا واد يابن اجلال..اهو تقعد تشرب العصير اللى ماشربتهوش المرة اللى فاتت
وتخرج سجد وتقول: عمتو ماشوفتيش الميشط فتتفاجئ بجابر
عمتة سجد: ادخل البسى الاسدال بسرعة واخرجى اقعدى مع الضيف بدل مايقعد لوحده يلا
_وانا اقعد معاه ليه؟ وهو جاى ليه اصلا؟
_جيه لرحمة ومالقاش
فقولتله يدخل اهو نضايفه
اخلصى ادخلى واخرجى اقعدى معاه عقبال ماعمل العصير
_خلاص طيب
وتدخل سجد اوضتها تلبس الاسدال وتخرج
عمة سجد فى المطبخ تدعى: يارب يكون من نصيبك ياارب ياسجد يارب
جابر: انا عرفت كل حاجة
_وانا مايهمنيش انك تعرف حاجة
_سجد..انا مش جاى لرحمة ولا حاجة انا جاى علشانك والله العظيم جاى علشانك
وتفرح سجد: والورد ده ليا اقصد يعنى عادى انت جاى لعمتو... تقعد تشرب عصيرك وتمشى
وتظهر على جابر ملامح الفرحة: ايوة ياستى جايبلك الورد ده بس مش هاينفع نتكلم هنا ماشى
_ماشى بس دى اخر مرة علشان اركز فى مذاكرتى
_انا اقدر يعنى اشغلك عن المذاكرة دى اخر مرة علشان خاطرى
_خلاص..ماشى
_يعنى صافية دلوقت
_يعنى مش اوى لغاية بكرة ونتكلم
_طيب وخودى بقى الوردة دى
_لا انا عايزة الحمرا الوحيدة دى يعنى ماتجيبش غير كله ابيض وواحدة بس هى اللى حمرا
_انتى بتحبى الاحمر
_اه
_خلاص ياستى هاجيبلك بعد كده كله احمر
وتدخل عمة سجد عليهم
_اتفضل ياجابر العصير
_شكرا ياطنط...اه طعمه حلو تسلم اديكى
_بالهنا والشفا يا حبيبى
ويخلص جابر العصير
_انا هانزل بقى عن اذنكوا
_لسة بدرى اقعد شوية
_لا معلش علشان الحق اروح ورايا محاضرة بكرة بدرى
_ماشى ياحبيبى سلملى على اجلال..طيب والورد ده يابنى
_اه الورد..لا اعمل بيه ايه بقى خليه حضرتك
_يابنى خده ده شكله غالى احنا مش بتوع ورد
_لا انا عارف مين هايحافظ عليه..سلام
_مع السلامة
وبعد ماينزل جابر بشوية تاخد سجد الورد وتدخل
عمة سجد: خودى هنا يابت،واخدة الورد ورايحة بيه فين؟
_ايه ياعمتو انا بفهم على فكرة فى الورد هاخده معايا الاوضة لو عايزاه اهو عندك انا داخلة انام
_لا هاعمل بيه ايه خوديه معاكى
وتنتش سجد بوكيه الورد من على الترابيزة وتدخل الاوضة
وتبدأ تنام وهى مبسوطة واسعد من أى سعادة
أنت تقرأ
الابتسامة تصنع المعجزات
Romansa(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
