وتانى يوم الصبح جابر يروح الجامعة ويخرج من الاوضة
ينزل على ايد والدة ويبدأ يبوس ايده
_ادعيلى يا حاج وادعى للى قولتلك عليها
_اها بدعولكوا والله يابنى ربنا ينجحكم وتجيب مجموع كبير
والدة جابر: هى مين دى اللى تدعيلها يا صالح؟
_قولها بقى
_طيب انا نازل علشان الحق الامتحان وعقبال ماادور على المكان اللى هايمتحنونا فيه
_ربنا معاك ياجابر وتجيب تقدير حلو يابنى..هى مين ياصالح اللى كنت هاتدعيلها
_انا نازل اقعد مع حاج عبسلام شوية
_يوه شوف الراجل هو والواد بير غويط ماشى بس هاعرف
وفى عز الامتحانات الثانوية والجامعية وتمر الايام يوم ورا يوم لغاية ماتخلص الامتحانات
وعند باب شقة جابر يخبط شاب اسمر اللون طول بعرض ملامح طيبة،عيون بنية فاتحة ومعاه شنطة سفر ولابس لبس صاعقة
وتفتح والدة جابر:ايوة؟...محمد؟؟محمد يابنى ياحبيبى
وتاخده فى حضنها:ياصالح...صالح محمد جيه يا صالح
والحاج صالح يطلع من الاوضة جرى وكذلك جابر يخرج من اوضته
صالح: محمد ابنى... محمد
_ازيك يابا ؟؟واحشنى
جابر:محمد
ومحمد ياخد جابر فى حضنه
_ازيك يلا واحشنى
وبعد ماتنتهى لحظة الاشتياق من عودة محمد يدخل ويقعد وحوليه جابر والحاج صالح ووالدته
حاج صالح: وتطلع مين دعاء دى كمان
_الحاجة دعاء فاكر اللى جوزها كان لواء فى الجيش اللى اتوسطلنا علشان يدخل ابنك،جارة رحمة خطيبته
_ايوة ايوة عرفتها خلاص
محمد: يا يا امى والله عايز اشوفها دى ليها جمايل عليا قد كده
وانا رايح لرحمة هاعدى اسلم عليها وبالمرة لو انا ورحمة اتفقنا على المعاد هاعزمها
ويسمع جابر ان محمد هايعدى على جارة رحمة اكيد هايشوف سجد ويقول: طيب انا هاروح معاك
اجلال: تروح معاه فين انت بتنزل مع صاحبك ابن المحامى ده وتروح تدرب فى مكتب ابوه هو هايروح علشان يتكلم مع خطيبته انت تروح تعمل ايه
ويدخل الحاج صالح: ماتسبيه يا اجلال هى جات من يوم روح يا جابر وسلم على جارة رحمة كمان
_حبيبى انت اللى فاهمنى والله يا حاج..م
جات من يوم يا اجلال
طبعا جابر لما رجع من الجامع هو وابوه لو تفتكروا كانوا رايحين للكبابجى وهما هناك يحكيله موضوعه هو وسجد والحاج صالح يتقبل الموضوع بكل سعادة وقلب رحب ومليان بالطيبة
وفى بيت سجد
عمة سجد:هى نتيجتك هاتظهر امتى
_مش عارفة يا عمتو تقريباً اول او تانى يوم العيد ربنا يسترها انا خايفة ماتفكرنيش ياعمتو ونبى
_خلاص خلاص بلاعة مش هافكرك تانى يلا تعالى علشان تحضرى معايا السحور ادخلى قطعى طماطم على الجبنة وأمرى العيش يلا
_حاضر
ويتصل جابر بسجد
سجد: الو؟ اتسحرت ولا لسة؟
_جابر: لا لسة بيحضروه جوة وانتى
_انا اللى بحضره
_ههههههههه ياختى حلوة اكيد فول
_لا جبنة وهأمر العيش...عمتو هى اللى عملت الفول
_ماشى انا هاسيبك بقى علشان ماتتشغليش بس عايز اقولك صح
_قول!!
_بكرة فيه مفاجأة
_يخربيت مفاجآتك ربنا يستر
_بقى كده طيب غورى
_غور انت
وتقفل سجد وهى مبسوطة هيييئ الرغيف اتحرق طبعا دى اول المفاجأة
"تانى يوم" بعد الفطار بنص ساعة
محمد: يلا يا جابر ادخل البس علشان نروح بسرعة
ويجرى جابر على اوضته كأنه مستنى محمد يتكلم
_هو الواد ده عبيط ولا ايه؟
الحاج صالح: سيبه اهى مرة احسن من مرواحه لللمكتب كل يوم
ويروحوا بيت رحمة ويتفق محمد مع رحمة ووالدتها مع المعاد ولا تحصل اى مشاكل
واول مايخرجوا من بيت رحمة جابر يخبط على بيت سجد
محمد: ايه يابنى ماتستنى لما رحمة تقفل الباب حتى
جابر: ياعم عادى ما انت قولتلها جوة انك هاتعدى عليها خلاص بقى
_بس بس فتحوا
سجد: ايوة
محمد: ايه ده مين دى؟
جابر: دى سجد
_سجد اه ومالك متنح كده ليه انت تعرفها
عمة سجد: مين ياسجد
مش معقول محمد
_ازيك يا طنط دعاء انا قولت ان حضرتك نسيتينى
_انساك ايه بس يابنى تعالى ادخل تعالى ياجابر
_انت جيت انهاردة
_لا انا جاى من امبارح بس علشان كنت جاى لرحمة يعنى نحدد ميعاد كتب الكتاب و الفرح
_بجد الف مبروك ربنا يتمملكوا على خير يارب انتوا تستاهلوا بعض وكل خير
_البركة فى حضرتك والله لولا حضرتك ماكونتش عرفتها
_ماتقولش كده بيا او من غير كنت هاتعرفها علشان كل واحد منكم يستاهل الخير وعقبالك يا جابر
محمد: المهم انا جاى لحضرتك انا عارف والله انى مش محتاج اعزم حضرتك بس كفاية جمايلك عليا وامى ورحمة هايأكدوا حضرتك بس انا قولت اجى الاول هو ان شاء الله هايكون4 يوم العيد
_ربنا يتمملكوا على خير
تعالى يا سجد تعالى...دى بقى سجد يا محمد فاكرها
_اه ده انا كنت اعرفها ايام ماكانت فى 5 ابتدائى بقيتى فى سنة كام دلوقت
_انا لسة مخلصة امتحانات الثانوية من اسبوع
_كبرتى...انا والله ماعرفتها لما فتحتلنا الباب
وجابر قاعد جنب محمد يبص لسجد وسجد واقفة جنب الكرسى اللى قاعدة عليه عمتها واكيد بتبص لجابر
_طيب استنوا بقى لازم تشربوا حاجة ولا اجيبلكم كنافة بعملها زى العسل دوقوها والله
محمد: لا ياطنط كنافة ايه، احنا نشرب عصير وكفاية كده والله احنا اتنفخنا جوة
_ازاى بس انا عندى حاجة تانية والله لازم تاكلوا الكنافة
جابر: خلاص ياطنط مش هانقدر نزعلك هانشرب عصير وهناكل الكنافة كمان
_والله يا جابر انت اللى بتجبر بخاطرى اقعدوا بقى خمس دقايق
محمد:خلاص ياطنط مش هانزعل حضرتك
وبعد ماخلصوا
محمد: يلا يا جابر...عن اذنك ياطنط وبتمنى انك تشرفينى فى الفرح
_اكيد طبعا يا حبيبى...ده انت ابنى وكفاية جابر انه بيسأل برضو
_ان شاء الله عن اذنكوا
_اتفضل يا حبيبى
وتعدى ايام رمضان بسرعة زى ماانتو عارفين
وييجى اول يوم العيد
تعالى ياسجد حطى شوية سكر على الكحك
_هاحط لمين يا عمتو وهو حد بيجيلنا
_الله لينا يابنتى اهى سلمى طالعة
أنت تقرأ
الابتسامة تصنع المعجزات
Roman d'amour(ملحوظة) كل حلقة متصلة بالحلقة التى قبلها وليست منفصلة واتمنى بأن تنال اعجابكم😍❤ هدف قصتى لازم يتقال:اى بنت نفسها تعيش حالة حب من غير ملل،او حتى تحس ان وجودها تقيل عاللى بتحبه،اى بنت بتتمنى تعيش قصة حب زى اللى جوة الرواية دى ومع شخص زى اللى جوة فال...
