ဒဏ္ဍာရီ

ပုံပြင်-၁၂

"Sehun....... ကျွန်တော် ဒီကို ရောက်တာ ဘယ်လောက်ကြာသေးလို့ Sehunက ခရီးထွက်မှာလဲ....."

Jongin မကျေနပ်စွာ မေးလိုက်မိသည်။

တကယ်တော့ Sehunလည်း ချစ်သူကို ထားခဲ့ပြီး မသွားချင်.....။ သို့သော် မသွားချင်၍လည်း မရ.....။ သူ့ရည်ရွယ်ချက် ပြီးမြောက်ဖို့ဆိုလျှင် သူအင်အားတောင့်တင်းမှ ရပေမည်။ အင်အားတောင့်တင်းဖို့မှာ သူ့အား နောက်မှ ထောက်ပံ့ပေးသူရှိမှဖြစ်ပေမည်။

"ကိုယ်လည်း မသွားလို့မရလို့ပေါ့....... ကိုယ် အရေးကြီးတဲ့လူတွေနဲ့ တွေ့စရာရှိတယ်....."

"ကျွန်တော်ရော လိုက်လို့မရဘူးလား"

"......."

"ကျွန်တော်လည်း မြို့တော်ကို တစ်ခါမှ မရောက်ဖူးဘူးလေ....... အဲ့တာကြောင့် လိုက်ချင်တယ်လို့...... Sehunက Sehun လုပ်စရာရှိတာလုပ်..... ကျွန်တော်က ဘာမှမပြောပဲ ငြိမ်ငြိမ်လေးလိုက်ခဲ့မယ်လေ...... နော်..... Sehunအလုပ်ပြီးသွားမှ ကျွန်တော်နဲ့ မြို့တော်မှာ လျှောက်လည်ကြမယ်လေ.... နော် နော်......."

"Kai....အချစ်...... ဒါ....."

"Aiyaa.... Sehunnnnn........"

Sehunရဲ့ ဘယ်ဘက်လက်မောင်းကို လက်နှစ်ဖက်နဲ့ ဆွဲကိုင်လှုပ်ရမ်းရင်း သူ့ကို တောင်းဆိုစွာ ကြည့်နေတဲ့ Jonginရဲ့ အညိုရောင်မျက်ဝန်းများကို သူ ခံနိုင်ရည်မရှိခဲ့။

"ahhh...... ဒါ မတရားဘူး Kai"

Jongin အောင်နိုင်တဲ့ အပြုံးလေးတစ်ခုကို ပြုံးလိုက်ပြီး

"ဒါဆို ကျွန်တော် သွားဖို့ ပြင်ဆင်ထားလိုက်မယ်နော်....."

~~~~~~~~~~~~~~~~~~~~~~~~~~~~~~~~

ပြောမရတဲ့အဆုံး Sehun Jonginအား ခေါ်ပြီး မြို့တော်သို့ ထွက်လာခဲ့လိုက်သည်။

"Kai..... အိပ်တော့လေ အချစ်ရယ်...... မနက်ကျရင်စောစော ထရမယ်လေ..... နက်ဖြန်ဆို မြို့တော်ကို ရောက်ပြီ......"

တည်းခိုခန်းတစ်ခုရဲ့ အခန်းလေးထဲက ခုတင်ပေါ်ဝယ် ဘေးချင်းကပ်လျက် လဲလျောင်းနေတဲ့ ကောင်လေးနှစ်ယောက်။

"Sehun...... ဟိုရောက်ရင် ဘယ်မှာနေရမှာလဲဟင်"

"စစ်သူကြီးParkကို မှတ်မိတယ်မလား..... သူ့အိမ်မှာ နေရမှာ..... ကိုယ် တွေ့ရမယ့်သူတွေကို သွားတွေ့နေတုန်း အချစ်က အဲ့မှာ ကိုယ့်ကို စောင့်နေနော်....."