بركان أنشقاقي

* الفصل الاول *

الساعه 6 المغرب في القاهره ،، التجمع الخامس ب التحديد .. بيقف تاكسي ، و بينزل منه أتنين .. ست في آواخر الأربعينات ، و بنت في العشرينات .. و بتحاسب الست السواق ، و بعد ما بيمشي بتمسك البنت من أيديها و بتمشي خطوات بطيئه ، و هي بتتكلم ....
نادين:فهمتي شغلك كويس ، و فهمتي حكايتك أيه ؟
- فهمت
نادين:و أسمك أيه من دلوقتي ؟
ردت البنت ب إرتباك ....
- چمانه .. أسمي چمانه
نادين:و لو غلطتي ، و لا وقعتي في الكلام ب أي حاجه .. عارفه هعمل فيكي أيه ؟!
سكتت چمانه ، و بصت في الارض و ماعرفتش ترد .. و كملت نادين كلامها ....
نادين:حسابك هيبقي عسير معايا ، و هرميكي في الشارع اللي جيبتك منه تاني
چمانه بخوف:حاضر .. مش هغلط أبداً
نادين:لما نشوف .. أقفي بقي عشان هنخبط
چمانه:أحنا وصلنا خلاص ؟
نادين:أيوه هي دي الفيله
چمانه:ماشي
وقفت چمانه ب هدوء .. و خبطت نادين علي باب الفيله ، و البواب فتح و أتكلم ....
( روايات بسوم )
- السلام عليكم
نادين:و عليكم السلام .. الست مادلين موجوده ؟
- أيوه يا مدام موجوده .. أتفضلوا
دخلت نادين و معاها چمانه الفيله ، و قعدوا في الأستراحه في أنتظار مادلين صاحبه الفيله .. و بعد دقايق خرجت مادلين ....
قامت نادين و چمانه وقفوا ، و مادلين أتكلمت ....
مادلين:أهلاً يا نادين .. أزيك
نادين:الحمد لله يا ست هانم .. أزي حضرتك
مادلين:تمام
قعدت مادلين علي الكُرسي ، و حطيت رجل علي رجل .. و أتكلمت ب تكبُر و هي بتشاور علي چمانه ....
مادلين:مين دي يا نادين !!
نادين:دي الشغاله اللي كُنتي طلباها مني يا هانم
مادلين بإستهزاء:و لسه فاكره !
نادين:دول هُما كلهُم أسبوع يا هانم ، و كان لازم بردو أدور ل حضرتك علي بنت تكون قد الأمانه و الشغلانه
بصت لها مادلين ب تفكير ، و ردت بعد لحظات ....
مادلين:و أسمها أيه و جايه منين ؟!
نادين:جايه من أسكندريه .. أبوها و أمها متوفين من زمان ، و كانت عايشه مع خالتها ، و خالتها جالها مرض و ماتت ، و ما كنش ليها حد بعدها في أسكندريه
مادلين بتفكير:و عرفتيها منين !
نادين:ما انا كُنت صاحبه خالتها يا هانم ، و كُنت بكلمهُم دايماً .. و لما لقيتها ما لهاش حد بعدها قولتلها تيجي القاهره هنا و أشغلها .. خصوصاً أني واثقه فيها و مش هلاقي أحسن منها يشتغل عند حضرتك
مادلين:أممممم جميل
سكتت مادلين ، و بصت ل چمانه ، و أتكلمت ....
مادلين:أسمك ايه بقي ؟
في اللحظه دي .. ردت نادين بسُرعه ، قبل ما چمانه تتكلم ....
نادين:أسمها چمانه يا ست هانم
مادلين:حلو .. هتقعدي هنا علي طول يا چمانه ؟ ولا هتحبي تمشي يوم أجازه كُل أسبوع ؟
بصت چمانه في الأرض ، و ردت ب هدوء ....
چمانه:انا ما عنديش مكان تاني أقعد فيه هنا في القاهره
مادلين:يعني هتُقيمي معانا هنا ؟
چمانه بخجل:ياريت
مادلين:تمام
بصت ل نادين ، و كملت كلامها ....
مادلين:خُديها يا نادين و روحي وديها أوضتها .. أنتي عارفه مكان أوضه الشغاله القديمه
نادين:تحت أمرك يا ست هانم
سكتت و بصت ل چمانه ، و أتكلمت ب عُنف ....
نادين:يالا يا بت
مسكت نادين چمانه من أيديها ب عُنف ، و أخدتها ل أوضتها ....
( روايات بسوم )
أول ما دخلوا الأوضه ، وقفت نادين و أتكلمت ب تهديد ....
نادين:عارفه يا بت أنتي لو ما شوفتيش شُغلك عدل أو لو الست هانم أشتكت منك .. هيكون نهارك أسود
چمانه بضعف:يا ست نادين انا مش هعمل حاجه غير أني أشوف شُغلي و بس ، ليه كُل شويه تهدديني !! أنتي شاكه فيا ليه بس ؟!
نادين:انا مش شاكه فيكي .. انا بس بفهمك اللي مُمكن يحصل
چمانه:و انا فاهمه .. ياريت ما تقلقيش
نادين:مش قلقانه .. ظبطي حاجتك بقي في الأوضه و انا همشي ، و تنفذي اللي هتقولهولك الست هانم ب الحرف
چمانه:حاضر .. تحت أمرك
بصت لها نادين بتحدي ، و خرجت و قفلت الباب ، و رجعت الأستراحه عند مادلين و أتكلمت ....
( روايات بسوم )
نادين:فهمتها يا هانم كُل حاجه
مادلين:فهمتيها أيه !
نادين:فهمتها أزاي تشوف شُغلها ، و عرفتها أنها لازم تسمع كلام حضرتك ب الحرف
مادلين:تمام .. هي شكلها بنت هاديه و مش هتتعبني
نادين:اها هي كويسه و هاديه أوي
مادلين:تمام
سكتت مادلين و مسكت فلوس و عطيتها ل نادين و هي بتتكلم ....
مادلين:روحي أنتي
نادين:تحت أمرك يا هانم .. بعد أذنك
مشيت نادين .. و مسكت مادلين موبايلها علشان تعمل مكالمه ....
( روايات بسوم )
___________________________________