MUNTIK NA
Humulog na ang lamig sa kalupaan,
Ngunit ba't 'di yata halos maramdaman?
Ilang oras nang lumipas
Nakaupo, nakatingin sa labas—
Tinatanaw ang papalubog na araw;
Senaryong kumudlit sa balitawtaw.
Naaalala mo pa kaya?
Unang beses mata'y nagtama.
Ipit sa mahabang paghihintay,
Pag-usad ng trapiko sa tulay.
Noo mo noo'y nakakunot
Kausap si Manong Drayber na panot
Waring may inuungot,
Tama, ika'y nakabusangot!
Ikaw ay napatingin sa salamin
Sandaling nagtama ang ating paningin,
Ika'y biglang ngumiti sa akin,
(Sa akin ka nga ba nakatingin?)
Kilay ko'y biglang umarko,
Sandali . . . waring may lumukso!
Mga nakabibinging busina naglaho,
Tanging naririnig pintig ng puso,
Mukha biglang nag-init: hala . . . ano ito?
Humulog na ang lamig sa kalupaan—
Tuluyan nang walang maramdaman.
Ngiting inakalang sa 'kin nakalaan,
Isa palang malaking kahangalan.
Binalot na ng dilim ang kalangitan—
Siyang pag-usad ng trapiko sa daan.
Nanunubig na mata'y dumako sa unahan;
Naroon ka katabi'y matalik na kaibigan.
BINABASA MO ANG
Novice Thoughts
RandomWords swarming inside my head and can't be said, swims through my veins and get stuck on my finger tips - waiting to be written down. [LANGUAGES USED: English, Filipino and Bikol.] All poems written in this collection are CERTIFIED ORIGINALLY MADE a...
