ملكتي قلبي

٢

بالفتره الي بيها العزه الكل مشغول ومخبوص وأكثر اعتماد جدي عليه بأعتباري الوحيد من ولده موجود بس الشغلات الثگال چانو موجودين اقاربنه وياه..

اني
مجنت اسمي جدي جنت اسمي يابه
بوكتها واني مشغول وخدمة الخطار والهوسه بس بالي كله يم الطفله مااعرف الله خله الها مكانه بقلبي رغم الساعات القليله الشفتها بيها أول منولدت
چنت اترك كلشي بيدي واروح الوالدتي
..يوم ليال عينچ عليها لتجوع
..حبيبي ماما ليضل بالك رضعتها
..يوم خليچ يمها اخاف متسمعيها من الهوسه
..صار ماما اني يمها حبيبي انت بالك على جدك تره تعبان لتخلي وحده
..مو وحده يوم كلنه وياه اني ولد عمامي
..كواكم الله يوم
..اني رايح محتاجين شي
..لاحبيبي من اريدك ادز عليك
طلعت واني بالي كله يم الطفله وافكر بيها شنو حياتها ومنو الها .وتجي ابالي وصية حوراء
اصفن شويه وافكر بعقيل شراح يسوي من يعرف وشنو نگله
الهي انت تعرف احنه مقصرنه وياها بس هذي ارادتك 
ربي هاي الطفله انت اعرف بحالها الهي حنن القلوب عليها ربي حرمتها حنان امها عوضها بينه خير
كملت ايام الفاتحه
وصار اليوم الرابع للفاتحه مابقه احد غريب
بس عماتي واحنه
اتذكر جنت مخلي ليال بحضني اتأمل ملامحها وافكر بيني وبين نفسي شنو هالمحبه الي نزرعت بگلبي الها
چانت امي محللتها شويه خليت اصبعي بأيدها اتذكر شلون تمسكت بي چنت فرحان بوجودها
يمكن لأن اني وحيد ومشايف جهال گلت بگلبي لا شايف هواي عماتي ماشاء الله عدهم جيوش مافد يوم حنيت الطفل هيچ
بعدهي ليال متمسكه بأيدي ودخل عقيل چان جاي من الدوام الكل چان محتار شنو يگله

عقيل ..
چنت راجع من الدوام بس گلبي مقبوض احاچي نفسي ليش هالضوجه واني المفروض افرح هسه حوراء ولدت لو بعد هذي ايامها معقوله الگاها منتضرتني هيه والطفل
لو بعد واني الحگ على ولادتها حسيت الطريق طويل
وصلت الأهلي بس الوجوه حزينه اتذكر چانت دنيا ضهر بس الجوو چان حلوو شهر الثالث لا حار ولابارد كلش يعني العالم جانت طالعه اشوف اهل منطقتي سلامهم الي يختلف ومستغربين او محتارين شلون يسلمون عليه سلمت عليهم مثل كل مره ودخلت الأهلي طلعلي والدي گلي البقيه بحياتك الله يعوضك وليدي گلبي انقبض فكرت امي صار عليها شي
من طلعتلي أمي وبچت واول مشافتني نعت استغربت سألتهم منو المات واني ممستوعب الصار
گلتلي مرتك يمه حوراء ماتت اتذكر چنت واگف گعدت على حيلي اجن خواتي بجن وياي وعلاء حضني وبچه
كمت منهم رحت الغرفتي بچيت واني ممستوعب ماتت حوراء ليش وشوكت وشلون وبعد مااشوفها اباوع بالغرفه كلشي يذكرني بيها
انهاريت گمت ابچي بصوت عالي سمعت الباب يندگ مافتحته شويه وسمعت ابوي گلهم عوفوه وحده خل يرتاح
وره ساعتين طلعت الهم وگتلهم احچولي حچوو كلشي وبلغني علاء بالوصيه
گتلهم اني رايح للنجف رحت وبچيت وشكيت على گبرها
مرت الأيام والأشهر ورجعت الدوامي وبديت استوعب الأني بي هيه هاي الدنيا مهما كان الشخص قريب النه محد مات وره احد لو بيدي چا متت اتمنيت الموت وراها ايام ماشفت النوم بس هيه هاي الدنيا الله رحمنه بالنسيان بس اكيد النحبهم مننساهم لكن من الله نگدر نعيش بلياهم بس عيشه خاليه من اي طعم الا مرارة فقدهم
بهاي الفتره ام علاء تكفلت الطفله وعلاء هم متعلق بيها
علاء..
صار عمر ليال سبع اشهر صارت تجنن واني بالي كله يمها صارت روحي من الدنيا حته حليب تعلمت اسوي الها حته متجوع وهيه يمي اني وياها انسه نفسي دائما اريد سبب الحبي الها ماالگه
بيبيتها ام امها تجي تشوفها بس احسها متحن الها محملتها ذنب فقد حوراء وهذا الشي چان مضوجني
من وجودها اخاف تكبر وتزرع هالشي بنفسيتها
بقيت اهتم بدراستي وجنت متفوق بالدراسه بوكت ماادرس امي تلهيها وبوكت استراحتي هيه يمي
جنت مصرفي اخلصه العاب الها
مرت سنتين وصرت صف سادس علمي وصارت ليال دنفوشه
قرر والدها يتزوج وياخذها يمه بالفتره الراحت جنه دائما نعلمها انو عقيل ابوها وجان بأجازته ميتركها
وهيه هم من يجي تنسه الكل وتبقه يمه
من قرر والدها يتزوج حيل ضجنه لأن ليال راح تروح منه اتذكر شلون ضجت من سمعت بالموضوع بعدين فكرت بيها عقيل مو بعيد علينه وهوه من حقه وهيه هم من حقها تعيش برعاية ابوها بعد فقدان امها ضغطت على نفسي وجبرت نفسي اتحمل بعدها
اتذكر امي باليومين الأولى من راحت حته طبخ مطبخت چانت ضايجه وحته بچي بجت عليها
چنت اصبر عليها بس بداخل نفسي اني اريد الي يصبرني
صار الزواج وراحت بالبدايه زوجة ابوها تعاملها معامله حلوه والكل فرح بمعاملتها الها بس اني ماارتاحلها هالتغريد مااعرف ليش
المهم علاقتي چانت حلوه ابيبي وبعماتي جانت عد عمتي أقبال بنت اسمها روان جانت ازغر مني بسنه
روان جانت تحاول تتقربلي بس اني بالي مو يمها ولايم غيرها چنت اعرف وحاس بيها بس مسوي نفسي مااعرف لأن مااحب اجرحها ولا احب اضحك عليها
الباقي بيناتنه صداقه بالمعقول بحكم القرابه بس
اصدقاء ماعندي هواي صديقي غيث ابن عم ابوي
وعقيل الي اخ وصديق
عقيل بوكتها حس بيه ضايج على ليال كلي شوكت ميعجبك اخذها يمك
مرت الايام والاشهر وليال كل مالها تضعف من اسأل اني وامي تتحجج بحركتها وتگول وكحه وحركه وميفيد بيها الأكل
صار عمر ليال سنتين وسبع اشهر بهاي الفتره هيه هم حيل تعلقت بيه وچانت حيل تحبني اني وأمي لأن دائما نجيبها يمنه
فديوم رجعت من الدوام وگلبي حيل طاگ على شوفتها
دخلت للبيت
..السلام عليكم
..وعليكم السلام هلا يوم شلونك
..الحمدلله
..احضرلك الغده
..لا يوم رايح اغسل واروح اجيب ليال يمنه مشتاقلها
..لعد كمل حته احضر الغده بين متجيب لوله
صعدت الغرفتي غسلت وبدلت ورحت البيت عقيل بينه وبينهم بس بيت جدي هوه مشتمل طالع من بيت جدي يعني كلش قريب علينه
بس المشكله زوجته نحسه ومتقبل نجيبها كوه عليها تنطيها الي عود عقيل موصيها لو رادو ليال انطيها الهم
وصلت البابهم دگيت الباب دگيت ماكو اسمع صوت بجي ليال وبچي مو عادي صريخ قوي دكيت محد طلع طفرت الباب خفت اجت مية فكره ابالي
لكيت باب المطبخ مردود دفعته ودخلت
لکيت تغريد حاميه خاشوگه ع النار وتجوي بأيد ليال
الجويه الأولى بزندها شفتها شايله الجلد
فقدت دفعتها كل قوتي صحت عليها شجاي تسوين
گالت انت شجابك هنا شدخلك البيت
..ميخصج اخذت ليال وطلعت
من طلعت طلعت بوجهي للمستوصف گلت للطبيب اطفال يلعبون وميعرف ابن عمها جاويها
رجعت للبيت لگيت جدي واكفلي بالباب وچان حيل مزعوج
عرفتها موصلتلهم غير كلام
من شافني كلي ادخل جوه
دخلت للبيت واني صاير نار شفتها كبالي كتلها شجابج انتي هنا
صاح جدي انت ليش تتماده
لك اني وامك تعبنه عليك وربيتك احسن تربيه
صح متعلق بالطفله بس مو هيچ مينطيك الحق تتماده على مرت عمك
..يابه اذا احچي تصدگني
.. اي احچي اني اريدك تحچي
..يابه اني جنت مشتاق الليال واجيت اشوفها دگيت الباب منفتح سمعت بجيها وبچي مو عادي خفت عليها طفرت الباب ودخلت لگيت تغريد حاميه خاشوگة وتجوي بيديها
شلت الشاش وشوفتهم مكان الچويات جدي گلها الله يسود وجهج شمسويه بالبنيه كامت تبجي گلتله ارد اعلمها واربيها بيبيتي كلتلها ربينه اجيال مافد يوم چوينه
أمي گامت تبچي گالت اني الهسه ابالي وصية امها بس الخاطر عقيل تركت الموضوع وچنت مأمنه بيج وممتوقعه اكو هيج قساوه عند البشر
گلت الجدي اني ليال بعد ماانطيها اجت هيه تجرها من حضني ليال شبكت عليه
ولزمتني بكل قوتها
كتلها ديري بالچ  تلزمين طرف ثوبها وخري مني ليال امانه عندي وعقيل ميگول يبقيها يمنه ضلت تصيح جدي گلها كافي البنت تبقه يم علاء وأمه
اخذتها للبيت واني صاير نار بس من عيني تتلاكه بعينها اصير طفل وياها انسه نفسي بقت يمنه وصارت كلشي بالنسبه الي اكمل قرايتي واجي العبها حته اكل اوكلها يعجبني اكضي وقت فراغي وياها صارت هيه كلشي بالنسبه الي
مرات اسأل نفسي ليش هالاهتمام وشنو اسبابه
متعلق بيها بشكل يمكن الأب ميهتم ابنته بكد اهتمامي الها
حسبت الجيت عقيل يصادف باجر جيته
خفت لياخذ ليال مني وشلون اقنعه بس گلت اكيد من يشوف ايدين ليال ميأمن عليها يم مرته وهوه حيل يحبها
كلت لازم احجيله كلشي قبل تغريد اكيد راح تغيير الموضوع ومتحچيله الصحيج
بقيت انتضره بالشارع
شفته اجه لاكيته سلمت علي وطلبت منه يدخل يمنه حته احچي وياه بموضوع مهم
يتبع ..