ملكتي قلبي

٢٦ الأخير

علاء..
اخذت ليال للطبيبه
زميلتي بأيام الدراسه دكتوره شاطره وموهوبه بمجال عملها الي هوه اختصاص نسائيه وتوليد
اخذت منها موعد مسبق ودخلنه للطبيبه
..السلام عليكم مرحبا دكتور
..وعليكم السلام اهلا دكتور كل الهلا نورت العياده شخبارك صحتك
..بخير الله يسلمچ اعرفچ زوجتي ليال واني معرف ليال عليچ مسبقا وحاچيلها عنچ دكتوره شاطره وهي بأيادي امينه وياج
..اكيد اتشرف بيكم اهلا ليال تفضلي
..اهلا بيج دكتوره اجيت اتابع حملي وياچ
..الف مبروك وان شاءالله خير نتابع ليش لا
..اخذت سونر وبقت نضراتي على علاء والطبيبه تشرح بالأصل هوه يعرف يقره سونر بس هيه اكيد اضبط بمجال عملها قربت تشوف جنس الطفل شفته ابتسم
..مبروك ولد
..بداخلي چنت متمنيه يصير عندي بنت لأن ماعندي خوات ولا أم حبيت بنتي تكبر وياي بس من شفت الفرحه بعيون علاء وابتسامته الي حسيتها من كل گلبه فرحت حيل طلعنه فرحانين والدنيا مسايعتنه
بقينه فتره على هالحال وبده الدوام وداومت وبده تعبي يزيد اكثر دوام ودراسه وحمل تعبت بس علاء مهتم بيه هوه وماما بعد المشكله الصارت قبل گمت اخاول اختار كلماتي حته بساعة الأني بيها اعصاب
وتقريبا طبعه بديت اعرف شنو يفكر وشنوو يريد
مرت الأيام والأشهر ودخلت بشهري وبده الخوف والقلق عندي الأسوء من هذا كله علاء اجته بعثه لمدة شهرين وباقيله اسبوع على جيته بأهم الأوقات الي محتاجته بيهن سافر محبيت اعارض روحته سويت نفسي قويه وممهتمه بس يبقه دائما على اتصال وياي من دخلت شهري بده الخوف والقلق وماعدت اگدر اغطي اتصل عليه يريد يطمن
..الوو
..الوو هلا
..هلا حبيبتي شلونچ اخبارچ
..الحمدلله .بصوت حزين ومهموم جنت خايفه حيل
..حبيبتي شبيچ خو متعبانه
..علاء والله طولت اني خايفه
..والله طولت صح ومشتاقلچ حيل بس لتخافين مباقي هواي اقل الأسبوع اني يمكم انتي شلونچ تحسين بشي الام تجيج
..علاء اني خايفه اريدك يمي مااگدر وحدي والله خايفه
..حبيبي لتخافين بعدچ والله اني يمچ لتخافين شوكت متحتاجيني اني يمچ
..مشتاقتلك هواي
..اني اكثر ياروحي مشتاقلچ مشتاق احضنچ ياحلوه انتي لچ ليش هالصوت الحزين لتخافين صيري قويه المفروض تفرحين حمودي حيصير بين اديچ
..والله بگد خوفي فرحانه
..ليال لتخافين حبيبتي الخوف يأثر عليج لچ عيب والله شيگولون عليه زميلتي الطبيبات زوجة الدكتور علاء جبانه ههههه
..هههههه خل يگولون عادي اني اعترف اني جبانه
..لچ تخافين واني وراچ لتخافين اوعدچ حمودي ميصير الا واني يمچ وأول من يشيله اني لتخافين
لتخلين بالي يمچ بدون شي اني قلق
..حبيبي ان شاءالله ليضل بالك ارتاحيت من حاچيتك
..اني هم قبل لااتصل بيچ اتصلت بأمي وصيتها عليچ وگتلها بس تحس بشي انطوني خبر
..الله كريم حبيبي ليضل بالك
..حبيبتي يلله مع السلامه
..مع السلامه الله وياك
حته بعد مكالمته واني خايفه اجه ابالي اصلي وادعي ادعيه وقرءان وربي يسهل عليه
وشويه گمت احس براحه بس الثگل زاد ونفسيتي تعبت
اقل الأسبوع مرن عليه سنه الحد مااجه علاء وفرحت بشوفته وارتاحيت حته الخوف راح مني
وصار موعد ولادتي
وبديت احس بألام خفيفه مگلت الأحد لأن سامعه شغله طبيعيه الا أن زادت وگمت مااتحمل اخذني علاء وماما ورحنه للمستشفى وچانت طبيبتي مموجوده بس اتصل بيها علاء شگد ماحاول يهديني بس الخوف والأرتباك واضح عليه
علاء..
چنت خايف اكثر منها بس متمالك نفسي مااعرف ليش حسيت بالخوف تذكرت جيتي وي امها وخوفي بده يزيد لعنت الشيطان وبديت اناجي ربي اجت الطبيبه ماقبلت ولاده طبيعيه قررت تسوي عمليه وقعت ع العمليه
وقررت ادخل وياهم الطبيبه معارضت ودخلت العمليه جهزتها من كلشي
گتلها لتخافين اني يمچ بستها براسها وبده البنج ياخذ مفعوله
مااعرف اوصف احساسي بوقتها خوف برهبه بفرحه احس اديه ترجف واني بس اراقب چنت لازم ايدها واعرف هيه متحس بيه بس يمكن لزمة ايدها امان الي اني مو الها لأن هيه متحس بشي
وصار محمد أول فرحه الي واحلى فرحه خلو بأيدي
تعابير وجهي اختلطت ابتسامه بدموع اخذته وطلعت الأمي لبسنه الممرضات بعد مغسلوه قطعه بيضه ذكرني بشكل امه من انطوها الي اول ساعه انولدت طلعته الأمي مبتسم بس دموعي مااعرف احبسهن
بالمقابل امي بادلتني نفس الشعور
رجعت وبقيت يمها الا ان كملت العمليه وصحت من البنج احساس حلوو
وبقه محمد برعاية امي اكثر شي وليال كملت دوامها بس من تجي وقتها كله الي ولمحمد والليل نخليها تدرس واكثر المرات اني اراجع الها اخر ساعه قبل النوم صح تعبت بس كانت قويه وگدرت تسيطر
مرت الأيام وكبر حمودي وبقينه بس علي الا ان كملت سادس وعمر حمودي كان اربع سنوات والله رزقنه بحسن وبقينه نفس الخوف والقلق
حاليا ليال تدرس كلية طب اسنان مرحله ثانيه
والدتي الله نعم عليها بالجهال تقضي اكثر وقتها وياهم
اني كملت دراستي صرت اخصائي باطنيه
الشي الي المني وفاة جدي دائما چنت معتبره والد الي بس الحمدلله شاف اولادي محمد وحسن وارتاح من جانبي وجانب ليال
علاء صار عقيد بالجيش العراقي
تغريد تمرضت وطلبت السماح مني ومن ليال وسامحناها لأن ربنا الي يسامح والبشر مو معصوم من الخطأ مرضها خطر وربي هوه الي جازاها ميحتاج نجور عليها اكثر صار عدها اورام خبيثه بالدماغ وبالعكس ساعدتها بالي اگدر عليه احمد ومحمد اولاد عقيل كبروو وصارو اخوان الي والأختهم وكلش متواصلين ويانه ويحبون اطفالنه بيبي بعد وفاة جدي انتقلت يمنه وبيتنه صار بيت العائله عماتي واولادهن وبناتهم يجون يمنه الخاطرها افرح من اشوف لمتهم واشوف لهفتهم علينه
ليال بقت هيه احلى شي بحياتي حلم عمري الي حققته وصار اجمل واقع
كل ذكرياتي وياها تفرحني حته الذكرى الحزينه من الي صار بينه عندي شي حلوو
كبرت ليال وكل ماتكبر تحله وملامحها تحله اكثر وكل مايتقدم بيه العمر اعشقها اكثر
اشوف تصرفاتها وياي واتذكر كلام امي من تتربه على ايدك بعد سنين تفتهمك من نضرات عيونك
وفعلا حاليا تفهمني من نضرات عيوني
تعرف شوكت تتصرف
بس تبقه عنيده وعنادها يغريني اكثر تعرف شوكت تعاند وشوكت تدلل وشوكت تزعل
اكو زعل ويصير مشاكل بسيطه المشاكل هيه حلاة العلاقه بين الرجال والمرأه بس مشاكل بسيطه من تصير ونتراضه نحس بطعم الرضا وتتجدد العلاقه اكثر وتقوه اكثر واكثر
صح نزعل وتصير نقاشات بس مستحيل اخليها تنام زعلانه هذا اني وهذا حبي وهذا حلمي وطموحي
الحمدلله گدرت احقق الي اريده بمجال العمل والعاطفه امنيتي حاليا امي اكدر اوفي وعدي وياها وتحج
ويطلع اسمها
جهالي الحمدلله منطيهم من وقتي رغم ضيق الوقت بالنسبه الي
بقه قلبي ملك الها من يوم الي صارت وليال ملكت قلبي
اتمنى من ربي يحققق امانيكم ويسعدكم بالحلال
العبره من القصه حبيت الي عنده طومح يوصله مهما يكون الي يحب بصدق يعرف انو مستحيل يخون عمر الخيانه متصير وي شخص عاشق
والثقه حلوه ياريت البنات ينطن الأزواجهن ثقه ويتأكدن يلله يبينن ردة فعلهن
وياريت كل رجل يعتبر زوجته جوهره كان متزوجها عن حب والا لا الحب بعد الزواج اكثر شكد ماكنت احب ليال ورايدها بعد الزواج الحب غير وطعمه غير
الي اقصده الزوجه كرامتها من كرامة زوجها حافض على كرامتها بحضورها وبغيابها
هذي قصتي اتمنى گدرت اوصل الكم الفكره

النهايه..