ملكتي قلبي

١٣

شفتهم قربوو بدن دموعي ينزلن واحس نفسي ضاع بقيت اشهگ وعرفو بيه سمعت كلشي
اجت بيبي کالت
.بيبي لتخافين اني اعرف بيچ طاهره وجدج هم يعرف شنو انتي حته ابوج بس الي سامعه مو شويه
من سمعت كلامها علت شهگاتي اباوع بعيون ابوي بيهن غضب وبيهن حزن بيهن انكسار
جدي گلي بنتي لوله گولي العندچ خل ابوچ يسألج
التفت على ابوي گله احچي
..ليال اريد منچ جواب انتي شکايله التغريد واحجيلي الحچيتي الها حته اعرف اتصرف
..انهاريت كمت اشهگ والعبره تكسرت بصدري لأن سؤاله حسسني هوه واثق من تغريد اكثر مني
گتله مكايله شي وهزيتله راسي
..ليال احچي لتخافين مراح اكتلچ بس گولي حته منتصرف غير تصرف
..بابا والله مااعرف الي تگوله مااعرف
..مو أنتي گايله الها سكت شلون احچيها هسه تحسر وجرله نفس أنتي مو گايله اني مو بنيه گالها بعصبيه
..بچيت وچنت اتمنى ميته ومااسمع هالكلام من والدي گتله بابا والله ماكو هيچ شي والله علاء يخاف عليه اكثر من اي احد علاء بعمره مضايقني بابا ليش هيج تصدگ الي گالته الك تغريد شايف شي عليه
..يعني هسه انتي محد طاخج
..اي والله بابا صدگني
..لعد نخلي طبيبه تفحصچ
. بجيت لا بابا لا عفيه ليش هيج تتصرف
..ليش خايفه اذا انتي بنيه
..يابه صعبه والله صعبه
..لعد ماعندي غير تتزوجون انتي وعلاء وتفضينه
..يابه ودراستي واني بعدني طفله بابا ليش هيچ تتصرف وياي
..بابا بعد الي صار مااگدر اخليج هيج الكلام راح يزيد واني هم ماارتاح الا بهالشي
..مااگدر بابا مااكدر
..ماعندي غير هالكلام وخلص بهذي اجازتي كلشي ينتهي
جدي گله افتهم من مرتك وخلي تحچي الي تعرفه حته اذا مو صادقه نواجها
..وشلون نواجها والشرطين رافضتهن ست ليال ماعندي غير اما طبيبه تشوفها حته اطلگ تغريد او علاء يتزوجها وينطينه الدليل واواجها بي
ماعندي غير هالحلين والثاني افضل لأن احتمال الكلام يكثر اذا عرضناها ع الطبيبه
..بهذي اللحضه حسيت نفسي شگد رخيصه واهلي حيل مرخصيني مااريد ابقى يمهم اريد علاء اريد اشكيله اريد اعتذرله على كل لحضه عاندته بيها وچنت حاسبه اكو وراي سند غيره
بقوو يتشاورون واني بس دموعي تنزل جدي خابر علاء كله تعال
مااعرف شكله علاء بس سمعت جدي جاوبه اغضب عليك اذا ماحضرت وتنسه عندك اب
شويه واجه علاء تفاجأ بوجودي وركز بملامحي چنه يسألني چانت عيونه مو مثل كل مره مخيم عليها الحزن يمكن هوه مثلي هم انجرح مو يمكن اكيد هوه جرحه اكثر
من گله جدي بالشرط الأول باوعلي وگل الجدي مستحيل ليال تكشفها طبيبه بخصوص هالموضوع مستحيل
گله بالشرط الثاني رجع وخله عينه بعيني حسيته يسألني اشرتله بعيني بمعنى خلصني
بده يحاچي ابوي بس عينه بعيني وميباوع بوجه ابوي گله
..تعرف كلش زين هيه هاي امنيتي وهذا الحلم الي چان صعب تحقيقه بالنسبه الي بس اكتشفت تحقيقه اصعب من الحلم صح هذي امنيتي وهذا حلمي بس متمنيت بهيچ ضروف ولا تمنيت الصار يصير
راد يحچي ابوي اشرله بمعنى اسكت لتكمل گله اني اذا ليال موافقه ماعندي مانع بس بدون موافقتها تعذروني احارب نفسي واحاربكم واحارب الدنيا علمودها والشي الأهم تنطونه فرصه ع الأقل تكمل ثاني متوسط مباقيلها شي وتكمله
فرحت من سمعته هيچ گال تحولت دموع الحزن الى دموع الفرح
جاوبه ابوي گله تكمله عندك شكو بيها وجدي اگد كلام والدي
علاء هز أيده وجاوبهم كل الي يهمكم كلام الناس وتغريد بس ليال ابد مهتمتكم لو تهمكم ماسويتو السويتوه
جدي كله هذا العدنه جاوبه علاء شتريد ليال اني انفذ واي واحد منكم ميهمني

رجع جدي سألني شگلتي
گتله شنوو
گال تقبلين بالزواج كتله اي متركتولي غير حل
من حجيت ركزت بملامحه حسيته اختنگ من گلت اخر جمله
گلهم يلله خلصتوو اني طالع
حاجاه ابوي وين بعدنه ممتفقين
..على شنوو نتفق لتخاف كلشي حسب الأصول مهر وذهب وحاضر وغايب وكلشي لعيونها يرخص
..علاء مو هذا قصدي
..لعد
..شوكت العقد وشوكت تاخذها اريد كلشي قبل التحاقي يخلص
..صار وتدلل ماعندي شي اني من باچر اجهز الضاهر مستعجل ابو ليال وبعدك لحد الأن ضنونك تاكل بروحك
..علاء اني حقي
..عن أي حق تحچي عقيل عوفني الله يخليك طلعت بدون لاانتضر احد يبارك ولا سلمت على جدي
رحت وحچيت كلشي الأمي وگتلها ابدي التحضيرات بس احس روحي مسلوبه ماكو اي فرحه  الغصه الي بداخلي ذبحتني اعرف ليال مرايدتني بمزاجها  ومااريد اضلمها اكثر سمعتها شگالت الجدي متركتولي خيار
بس شلون اتصرف وهيه يمي وزوجه الي مااعرف الي اعرفه لازم اتركها هيه تقرر ومدام متريدني مراح اضايقها ابد
رجعت افكر بعقيل ليش هيچ يضن بيه وهوه يعرفني كلش زين حسيت نفسي تعبت اني بدوامه من الصبح وهسه صار الليل
اجيت اريد بس انام مااعرف شلون نمت يمكن اول مره انام بدون مااحسب هواي مثل كل ليله يمكن زواجي منها حته لو على ورق. هوه راحه الي
نمت ومااعرف باچر شنو ينتضرني
گعدت الصبح على صوت امي تصيحني يوم شلونك ضل بالي راح الوكت مو عوايدك
..ليضل بالچ يوم كمت  يوم اخذي ليال اشتريلها الي بخاطرها ولو هيه مريضه بس حاولو تكملون حته نخلص من هالشي قبل لايلتحق ابوها
امي هنا طايره بزواجي واني ساعات افرح ساعات احسب غير حسبات بس الجرح الي جرحونياه چان اكبر من كلشي والمه يذبح بصدري
عقدنه ثاني يوم وصار العقد وهيه مكسور خاطرها حته ممبدله
گتلهم عوفونه وحدنه نسولف
طلعوو وخلونه گتلها
..ليال اعرف الي صار متردي واعرف كلش زين الي صار صعب عليج وعليه اصعب بس اتأكدي مراح اجبرج على شي
تستمرين بدوامچ الى ان ادخلج احسن كليه
ونبقى اني وياج اصدقاء ابقى الچ اب واخ وكلشي تردي خلي ابالج التردي اسوي غيره متجاوز  وياچ ابد 
..دنگت  علاء اني ليش وياك احس بالأمان
.ماعرفت شكلها بس فاجأتني وفرحتني
.. لأن روحي ترخص الج افضلج ع الكل حته على نفسي ليال متعرفين شنو الي بگلبي وشنو حبي الج اريدچ بس تنطيني الثقه واوعدچ ترتاحين ومحد بعد يتحكم بيچ ابد ولتخافين مني تره مراح اوصلچ ابد
..كالت شلون وجدي
..مااعرف اني ادبرها لتفكرين بشي ارتاحي وبس

..حسيت روحي ارتاحت من گلي هيج رجع کلي
..ليال تعرفين اني طبيب وجماعتي هواي واني اريد اعلن زواجي واسوي حسب الأصول بس اريدچ تكملين وياي ومتركيني وتخلينه نقنعهم بزواجنه وهم انتي كرامتج عندي اهم شي وهذا يحفض كرامتج
شفتها وافقت وقررنه نسوي العرس بعد اسبوع الكل بده ينشغل واني ماكو شي يشغلني غيرها