ملكتي قلبي

١٥

ليال..
صدگ الطريقه موحلوه الي تزوجت بيها وچنت مجروحه من اهلي بس علاء چان ملاذي الأمن احلى احساس حسيته وياه اهتمامه رجعلي الثقه بنفسي
حسيت الخوف بده يتلاشه وكمت افكر شلون ابدي اتقبله كزوج .
طبعا عمري ابد مو مال زواج زائد انو اني ماعندي حته صديقه مقربه ولا اخت اكبر مني صح ماما ممقصره وياي بس ممطرقتلي بموضوع الزواج ولا فهمتني مااعرف چانت مخبوصه او ملحگت تشرحلي وتوضحلي بيبي چانت نصايحها على گدها نصايح امهات قبل طاوعي رجلج وسايري  بدليله وتعطريله دائما ولتخليه يشوف غيرج لتعاندين الرجال ميحب العناد صيري سباعيه ذني كلماتها البيبي
بيوم الحنه اجاني ومن كلمني بديت اخاف صح اكو فرحه بداخلي بس خوفي منه اكثر من گلي اشاقه فرحت ورجعت افكر لازم مااخاف منه والمفروض ابدي صفحه جديده والحياة گدامي واثنينه نريد نرتاح
ثاني يوم الصبح الي هوه يوم العرس كعدت على صوت الجهاز يرن
..ألووو
..صباح الحب صباح الخير على وجه الخير صباح الورد على احلى جوريه
..صباح الخيرات
..لچ كسوله اكو عروس تنام الهسه كومي گعدي وراج تحضير
..گعدت حروح احضر شوكت انت گاعد
..قبل شويه گعدت بس اني ماعندي شي انتي تحضيراتچ تطول لتنسين لازم نروح للقاعه من وكت
..صار مراح اتأخر هسه اتركني اگوم اشوف شغلي
..حبيبي اخذي راحتچ
علاء ..
بگد مامزعوج وروحي طالعه والموضوع كله معاجبني حاولت اسعدها بلي أكدر عليه ردت اخفف من كسرتها وياريت أگدر امحي كلشي مر عليها بهالأيام
گعدت الصبح واني سارح بخيالي اليوم شلون راح افضها جدي شراح اكله قررت مااسمح الأي احد يطلب مني دليل وهذا الشي يخصني الي وبس محد اله حق يشوف شي واني راح افهم جدي على كلشي
بدت التحضيرات ومر اليوم وصار موعد الزفه رحتلها للصالون طالعه ملاك
اخذتها ورحنه للمصور صورنه ورجعنه للقاعه والزفه كلش حلوه چانت
گعدت همستلها
..شلون الحلوه اليوم
..بخير وهيه يمك
..فرحت حيل بردها گتلها يارب دوم بخير
..امين
..لچ اني شگتلج البارحه هاي شطالعه
..هههه هم رجعنه
..ليش منرجع وانتي غضب گدامي اني شنوو احد گلج اني صخر
..لا أنت ورد
..لك انت الورد ياورد لچ هاي انتي تحچين لو غيرچ
..لا اني گلتها وضحكت
..فدوه الهالضحكه
بقينه نحچي الحد ما خلصت الحفله رجعنه للبيت صار وقت الزفه وزفوني للغرفه امي گالت محضره الكم كلشي اني ابات ابيت جدكم شتحتاجون اتصلوو بكل وكت اخذتني على جها
..علاء ماما علة كيفك وياها حبيبي تره ليال بعدهي طفله 
..شالقصه يوم معقوله توصيني اكيد مراح أذيها لتخافين
رجعت وصت ليال
..ماما ليال حبيبتي لتخافين علاء يحبچ صيري حبابه ولتعاندي
..هنا اني خفت يوو بس لاصدگ غير رأيه كتلها ان شاءالله
باركت النه وراحت شفت علاء سد الباب وگمت ارجف سنوني گامت تطگطك
..درت وجهي عليها شفتها خايفه وترجف
..ليال حبي لتخافين بعدني ع الوعد رغم شكلج ابد مو مال وعد وهالسوالف بس شسوي يگولون الرجال بكلمته وخاف اوگع من عينچ ضحكتلها وردتها تفك من خوفها شويه
لوله اني رايح اغسل اخذي راحتچ بدلي شنو تردين سوي علمااجي حته اجيب العشه ونتعشه
كملت اجيت لكيتها لابسه گلبيه وكلها خرز وثكيله مو مال نوم ضحكت
..لچ ليال شلون تنامين بهذي
..دنگت بس هاي مستوره الباقي قصير وبرمودات
..ههههه البسي من البرمودات لو القصير اني رجلج ماكو حرام وهم ميصير تخجلين الهالدرجه مدام عندچ حصانه والكلمه جاري مفعولها
..زين اطلع خل ابدل
..اطلع ليش مااطلع هوه اني هيج وروحي راحت تردين ابقه يمچ وانتي تبدلين شيصير بيه يمكن اگعد ابوي وهوه بگبره ههههه
رحت حضرت العشه وفاكهه واجيت كحيت بصوت قريب الباب حاچيتها ادخل
..تعال علاء ادخل
..صوفرت الها اوووويلي شگد غبي المفروض تلبسين مو بس گلبيه اجيبلج جادر لچ ياضالمه اسود واحمر لابسه ليش هيج
..دنگت خجلانه
..اموت بالخجلان اني حبيبي تعالي تعشي حته ترتاحين
وتنامين اكيد تعبانه
كملنه عشه وكتلها نامي ع الچربايه اني انام بالگاع عادي
نامت واني بقيت سارح بيها اباوع اني بحلم لو علم اكو احلى من هيج يارب هذا چان حلمي معقوله تحقق
نسيت كلشي نسيت الضروف الحكمت زواجنه والجرح الي نجرحناه بقه تفكيري بس بوجودها بقيت گاعد للصبح
ضليت اسرح بشعرها بأطراف اصابعي گعدت
..صباح الخير
..صباح العسل صباح الورد صباح القشطه لك اموت على هذا الصباح اني شلون مصباح حلوو واني مصبح بهالعيون
..شكرا علاء
..على شنوو شكرا
..على كلشي
..دنكت بستها بخدها على كيف شفت شفتها رجفت يمكن ارتبكت بعدت عنها وگتلها خل نتفاهم قبل لاننزل
..يلله اسمعك
..اني راح اطلع واكلهم كلشي خلص وانتي صرتي زوجتي وانتها الموضوع ومراح اسمح الأحد يطلب دليل الأريده منچ انتي نفس الشي ولو سألوج على الدليل گولي هذا شي يخصنه اني وعلاء ومالكم حق تدخلون
..علاء استحي المن اگول هيجي
..ماما متأكد منها مراح تسأل الموضوع الي حچيته اقصد بي تغريد صيري قويه وواجهيها علما اشوفلي صرفه وامنعها من دخلت البيت
..ان شاء الله
..يلله گومي حبيبي
رحت سبحت وبدلت وتمكيجت وانتضرتهن يصعدن واني مرتبكه

علاء
نزلت الجدي بسته وتباركلي وگال بشر
..كل الخير جدي باركلي كلشي تمام
..الحمدلله اشو ماكو البشاره
..مااحب اعرض هالشي وكلمتي كافيه اعتقد لو هم متصدگوني
..لايابه ليش منصدگك الف مبروك وليدي
الله يباركلك. اجه عقيل سلم عليه تصافحنه بس شايل هواي بگلبي عليه واكثر شي مضوجني تعامله وي ليال حته ماسلم عليها البارحه قبل العرس

ليال ..
بقيت مرتبكه اجت ماما بوستني وسألتني وگتلها كلشي فهمني عليه علاء
ودخلن وراها عماتي ووياهن تغريد
..مبروك ليال
..الله يباركلج ام احمد
..ياا غريبه اني حته تگليلي ام احمد
..غير هذا اسمچ مو احسن مااكلج تغريد
..خلف الله عليچ صدوك تعالي وين البشاره ماشفتها
..موضروري تشوفين هالشي بيني وبين علاء
..ههههههه بينچ وبينه لو مدبرتوها لو الله اليعلم
ضجت كلش من حچيها وانهضمت شوكت اخلص منها يارب 
امي كالتلها
..تغريد مكافي شلچ بهالحچي مو عيب هيچ تكولين شنوو مدبرها عيب هالكلام وشنو ال الله يعلم وين تردين توصلين
..ماكو شي عيني شبيچن چنت اضحك
شويه وطلعت وامي كالت لتهتمين الكلامها ولتوصلي العلاء.
بوكتها فهمت كلامها وعرفتها تريد تغثني بس ضجت من والدي ومنها وكرهت كلشي عرفت اني مالي غير علاء ولازم اتقبله كزوج هوه الأمان بالنسبه الي
صح اني واعيه وكلشي افهم يعني مو خامله وجنت السان وانتبه بالنسبه للبنات الي بعمري  بس عمري والبيئه العشت بيها ابد متساعدني اكمل زواجنه اجهل كل هذي الأمور احنه متفقين انو هوه زواج على ورق وبس بوقتها اني ردته زوجي صح مو ع الورق بس ماعندي فكره ع الزواج وشلون اتأقلم وعمري هم يحكمني بعد عندي الزواج مكياج وتبديل واسمع منه غزل واخجل وخلاص ماعندي طريقه اثبت بيها نفسي حسيت اهلي ضلموني مخلوني اعيش حياتي بالتسلسل طفولتي صح عشتها بدلال بس المرحله الأني بيها مرحلة مراهقه يعني كلشي يأثر بيه وكل ساعه براي ساعه اريد زواجي حقيقي وساعه لا اريد علاء كمربي وبس.. اريد حنيته وعطفه اريد ابتسامته الي دائما مرسومه على وجهه لما يشوفني اريد الغزل الي اسمعه منه على طول بس مچنت افكر اني شنو انطي لهذا السبب احس ابوي يتحمل مسؤلية الصار وزواجي الي بعمر ميناسب للزواج  الأثنين بوكتها ممستعدين صح علاء كان دائما يبينلي انو هوه رايدني ويحبني بس كان مخلي اباله ميصير زواج الا بعمر ١٨او اكبر
الي صار ضلمنه احنه الأثنين واهلنه همه السبب