ملكتي قلبي

١٢

علاء ..
مرت ساعات
ضجت من كلام جدي وضجت من نفسي لأن عليت صوتي بوجهه واني ممسويها أبد المفروض اسيطر اكثر على اعصابي رجعت حته اعتذر من جدي بعدني بالحديقه اريد ادخل سمعت صوت عقيل
..لك علاء اني اعلمك انت تكسر عيني
درت وجهي علي اريد افتهم شكوو شفته سحب السلاح من خصره بقيت جامد بمكاني مو خوف مچنت خايف بگد ماچنت مستغرب الي يصير چنت اريد استوعب اني بحلم لو حقيقه
رجعت انتبهت على صوته
..لك علاء اعتبرتك اخ الي مچنت اتوقع بيوم اكتلك بيدي لك انت متستاهل الثقه الي نطيتكياها
..عقيل فهمني شبيك شجاي تحچي أنت
..ابتسم ابتسامه باستهزاء ههه متعرف موو لك ليش بس اريد اعرف شوكت صار هالشي
..لك غير اعرف شنوو هوه عقيل تخبلت انت شبيك
..أي تخبلت اصلا اني مخبل من أمنت بيك وانطيتك بنتي خليتها سنين يمك عبالي تحميها من كل بشر
لك چنت اعرف بيك رايدها واتمنيت بيدي ازفها الك ليش تكسر ركبتها ليش حجاها ويصيح
هنا اني فهمت الموضوع يخص ليال
التفتت شفت امي وبيبي وجدي كلهم طلعوو
حاولو يتقدمون هوه شال سلاحه وأشر عليه گلهم اليتقربلي اكتله
اشرتلهم بيدي اوگفوو گتله عقيل خل نتفاهم
..لك شتفاهم واني صدمة عمري هذي
..عقيل مااعرف شنوو الواصلك بس الي افتهمته الموضوع يخص ليال صح
..اكوو غيرها الله ياخذك انت وياها بيوم واحد وهسه راح ابدي بيك وهيه يجي دورها
..عقيل لتتسرع ماكو شي من الي ابالك هنا اني احچي وياه وجدي بده يصيح وبيبي تضرب وجها وامي اشوفها بس تبچي
بديت افقد تركيزي خوفي على جدي جان اكثر وبدت افكاري تتشتت ومااعرف شلون اقنعه اريد اليمي يسكتون حته يهدأ اول مره اشوف عقيل بهالحاله
اشرتله بيدي عقيل انت متعرفني اني شنوو لك انت تعرفني اكثر من نفسي شلون تضن بيه هيچ
..لك هيه هاي المشكله چنت متوهم بيك متوهم
..عقيل وروح ابوي وهوه بگبره الي مشافته عيوني وروح ابوي وتراب گبره ماكو شي من الي ابالك بس اهدأ خل نتفاهم اهدأ وخل نسولف وراها شتريد تسوي سوي
..لك شلون اهدأ شلوون علاء اني راسي بالطين لك عمري ممتعدي على عرض احد ليش تعتدي على عرضي
..بديت افقد اعصابي واصيح عقيل كافي ياعرض الي اعتدي علي لك عرضك هوه عرضي لك انت راسك بي شنوو افهم مو اني الي يعتدي على العرض ومو اي وحده ليال تعرف ليال شنو بالنسبه الي لتصير غبي افهم هنا شفت جدي تقدم صار كدامي
گله
..عقيل قبل متكتله اكتلني اكتلني لأن معرفت اربي لك لو مربيك زين متسمع حچي النسوان لو مربيك زين من البدايه متركت بنتك لو مربيك زين متجي ترفع سلاحك بوجه ابن اخوك ابيتي لك لو مربيك زين جان اجيت وگتلي يابه انطيني حل واستشاريتني لك ابن اخوك هذا  عمركم ربيتو سوه وانتو اخوان شلون تفكر بي هيج
..يابه والله الي صار اكبر من تفكيري فدوه اروحلك خليني اريح بالي يابه اخوي غالي وابنه اغلى بس العرض اغلى من كلشي
...كافي جاي اگلك ماكو شي وحته اذا صار شي اكوو حل ابن اخوك رايدها زوجها اله وخلاص
علاء..يابه حته أنت حته انت خليت احتمال صاير شي هيچ اني بالنسبه الكم رجال مااتحكم بنفسي ومااحافض على عرضي ولكم ليش هيچ شسويتلكم اني شنو البدر مني ليال الي همتكم هسه ربت على ايدي هذا چتفي ياماشالها منو منكم سهر عليها الليل انت لو عقيل
وين جان عقيل عنها من چان گاعد ومرتاح ابيته واولاده بحضنه وهيه محرومه منه تجي اجازه وتروح غيرها وهوه بالجذب ميوصلها هسه صارت ليال تهمكم واني مو زين وماصنتها
لك عقيل ليال داومت ابتدائيه وانت متعرف بيها تداوم لو لا
صح لو غلطان اني احچوو صح لو غلطان تقدمت على عقيل اكتل اني اريدك تكتلني اكتل
اصلا الطلقه ارحم من حچيكم وارحم من ضنونكم
مااستاهل منكم كل هذا والله مااستاهل اكتلني وخلصني وصلت قريب اله ايده رخت وسلاحه نزل جريت ايده وخليتها براسي اكتل سويها اني مو خوش ادمي مو خوش ادمي بديت اصيح بأعلى صوتي موخوش ادمي فضلت اعيش بحلم حلم عمري چانت ليال حلم نضيف وطاهر مو ادمي لأن اخاف ع الكل الا نفسي ماكو فديوم فكرت بنفسي موخوش ادمي لأن متزوجت بس حته اربيها واخاف تجي زوجه وتعاملها مو خوش لك مو بيدي والله حبيتها مو بيدي حبيتها واحب كلشي بيها بس ماحبيتها رغبه ولا حبيت اگضي وقت وياها بالحرام لك تفكيرك هذا دمرني  ماردتها بس بالحلال وبرضاتها چنت اريد انطيها وكت كافي حته تقرر
هسه شنوو سويتو الي وشنوو طلعت اني بنضركم اكتلني وخلصني سمعت امي صاحت
..عقيل فدوه اروحلك مالي غيره هذا الطلعت بي من الدنيا لتسوي شي تندم طول عمرك عليه والله علاء طاهر وحبه طاهر مثله ماما علاء لتستلم دافع عن نفسك واثبت للكل انت شنوو وفهم ابوها الحقيقه
..يوم محد منهم يستاهل ابرر اله محد يعرفني غيرچ عبالي كلهم مثل گلبچ
اجت بيبي دفعت عقيل وحضنتني بيبي والله اني هم اعرفك التفتت على عقيل يمه عقيل سمي بالرحمان اعرف سوالف تغريد هاي ماكو غيرها يمه ماكو من الي ابالك شوف بتك شصاير بيهة لميتو العالم علينه خزيتونه تالي عمرنه ليش يمه هيچ ليش
ذب سلاحه عقيل شفت امي ركضت اخذته بدت دموعي تنزل كل دمعه تحچي قصة دمعه تحچي خوفي وتعب السنين ودمعه تحچي الحسره والخذلان الي حسيته الكل خذلني جدي عمي ليال نفسها الي خايفه مني كعدت وگفت رجليني وخليت راسي بين رجليني وبده شريط حياتي ينعاد بمخيلتي شنو الشفته اني وشنوو السويته الهم حته الكل يضنون بيه هالضن
..سمعت صوت جدي گل العقيل عقيل فهمنه شجابك من الدوام وانت بهالحال گله
..يابه اني مشغول واتصلت بيه تغريد اكثر من مره
..هم تغريد انعل ابوها لابو الي ملفيها
..يابه لتغلط وافهم الصار هيه ليال معترفه الها
..هنا اني انصعقت شنوو ليال معترفه اريد استوعب مسحت دموعي ماردت احد يشوفهن ورفعت راسي العقيل
.معترفه بشنوو
..أنت تعرف كلش زين لتغشم نفسك مو ليال قبل يومين گايلتلك خلصني من هالمصيبه قبل لاننكشف
..عقيل منين تجيب هالكلام ليال مشايفها صار ست اشهر واليوم يلله شفتها صدفه
..جدي بده يباوعلي ويريد يصدگني بس حسيته بده يقلق
عقيل .. وراها تغريد داخله الغرفتها وشايفتها مخليه صورتك على صدرها من محققه وياها گايلتلها اني وعلاء انحب بعض وسلمته نفسي ولتخليني احچي اكثر أنت اعترف
..ماعندي شي اعترف بي وكل الکلته مو مضبوط واريد افهم سلمت نفسها شنوو لك والله مطاخها من بدت تكبر ليال وهيه طفله گمت مااتقرب الها اخاف عليها من نفسي انت اب انت شلون هيچ تفكر أبنتك
..لك بنتي معترفه بلسانها
جدي كال الدليل القاطع عد ليال نفهم منها واذا صار ومقتنعنه نوديها الطبيب يتأكد واذا طلع الكلام مو صح ياعقيل مرتك مالها ضله ابيتك بعد
..ياريت يطلع موصح وطلاگ تغريد عندي اهون من هالمصيبه
علاء...هههههه ضحكت بمراره صدگ تحچون تردون تفحصون ليال انتوو تعرفون شنوو اليصير بيها تعرفون نفسيتها شلون تدمر مااسمحلكم تعرضونها الهالموقف
الجد.. علاء خل نتأكد
..يابه بشنوو احلف الك ماكو شي من هذا
..لعد تتزوجها
..يابه تعرف كلش زين هذي امنيتي وحلم عمري بس مو بهالضروف مااريد اجبرها ليال هيه الي تقرر واني مفكر اتزوجها بس مو قبل متكبر
الجد..علاء كافي تتزوجها وخلاص من اليوم تعقدون وينتهي الموضوع وياريت اذا تاخذها من اليوم حته نتأكد ونذبحها ع القبله
..والله انتو مو طبيعيين ابد انتو مو بشر ميصير الي تسوونه البنت هيه الي تقرر واني اگلكم مطاخها لمسه ملامسها ليش تطولون السالفه
الجد..هذا العندي بعد الي صار انت وليال لازم تعقدون
..موصح واني مو بكيفكم
عقيل ..بهذي طريقتك جاي تثبت النه مسوي عملتك وجاي تتهرب منها چنت تتمنى ليال تصير الك شنوو الغيرك هسه
..عقيل ومحمد هسه لو اكتل نفسي لو اكتلك واخلص اي متمنيها ورايدها بس مو بهالطريقه برضاتها رايدها مو بعد الي صار صعب كلش صعب
الجد..هذا العندي وانتضر ليال تگعد حته افتهم منها اذا بدت تماطل مثلك اعرضها على طبيبه ونشوف
..لا اله الا الله ليال مستحيل تنعرض على طبيبه وتكشف بكارتها ومتفحصوها الا على جثتي
الجد ..علاء بتصرفك هذا بديت اخاف وضنوني بدت تكبر
..هذا تفكيركم وهذي اضنونكم وانتوو حرين
طلعت درت البيتنه ورحت للغرفه سديت بابي وبدت اهمومي تثکل وبده خوفي يكثر على ليال وشنو موقفها لو عرفت بالي صار وخاف الي صار يخليها تكرهني

ليال ..
بعد الي صار وخوف علاء عليه رغم عصبيته حسيت بالأمان وياه وبده الخوف الي بداخلي يتلاشه
شفت القلق بعيونه انطاني مسكن ومنوم ونمت ماگعدت الا على صوت بابا جان معصب واني بعيده مااعرف على منو يحچي وشنو الجابه وبعد هواي الاجازته
شفته طول حاولت انزل من الچربايه مگدرت من الألم بقيت احاول انزل شويه شويه الا ان گدرت انزل بس گوه امشي صرت بالهول قريب ع الشباك وشفت كلشي شفت بابا رافع السلاح بوجه علاء حسيت رجليه خدرن والخوف سيطر عليه خفت على علاء اكثر شي وخفت خاف بيوم افقده ضليت ادعي يارب مالي غيره الكل يحبوني بس مو مثله يارب نجيه الخاطري مية حسبه ابالي ليش بابا هيج يتصرف الى ان اجت ابالي كلمات تغريد انتي مو بنيه اي عرفت بابا شبي اكيد هذي عمايل تغريد ردت اطلع افهمه سمعته يکله الله ياخذك انت وياها واكتلك ويجيها الدور اول مره احس بالخوف من بابا واكره وجوده قبل جان ميهمني بعدها تحسنت علاقتنه هسه رجعت النقطة الصفر
يعني بابا ماعنده ثقه بيه زين علاء ليش ميستاهل هيج يعاملوه
بديت افكر ماكو شخص يحبني مثل حب علاء
وبديت اقلق عليه اكثر من گلوله تتزوجون مااعرف شنو حسيت بس چنت اريد اروح يمه وخلاص اخاف بابا يمنعني منه وبعدين افكر شلون نعيش كزوج وزوجه واني ممتقبله الفكره او مجاي اعرف اوصل الفكره النفسي
شفته انقهر وطلع واني هم سمعت كلشي حسيت بالذل والاهانه من والدي الي مانستحق هالتعامل لا اني ولا علاء بدت دموعي تنزل وبده الم گلبي يغطي الم جسمي
شفت جدي اجه بقيت بمكاني لا اكدر ارجع واسوي نفسي نمت ولا اگدر اسمع منه هالكلام واواجهه
صح اني اعرف كلش زين وواثقه من نفسي بس صعبه مجرد الشكوك حولي صعبه ومن اقرب الناس الي واني بعدني عمري ١٣سنه مو جبيره وافهم شلون اجاوب چنت خجلانه حيل وخايفه ومجروحه صح تفكيري اكبر من عمري بس مو مال هيچ موضوع
شفت جدي اجه وابوي وبيبي وبقيت متسمره بمكاني متحركت
يتبع..