ملكتي قلبي

١٧

..جاوبي ليش سكتي بشنوو مقصر وياچ
..بقيت أشهگ
..اي ليش تبچين لچ احارب الدنيا كلها حته مااشوف دمعه من دموعچ تالي مني ينزلن گليلي بشنوو قصرت حته افهم مو والله احتاريت وروحي طلعت
..علاء أنت ممهتم بيه ولا معتبرني زوجه هسه منوو الي معتبر نفسه اب الي واني بنت وبس اني لو أنت اني گمت افهم تره وكبرت وكمت افرق بين الزواج وبين التبني أنت هسه متبنيني مو متزوجني ضليت اشهگ ويجوز أنت انجبرت عليه وهذا حقك بس لتخليني بموقف محلوو ومفاهمه شي مثل الثوله گلي يابه اني مااريدچ وانجبرت واني عندي غير وحده

..تفاجأت بكلامها والفرحه الفرحتها بساعتها اكثر من فرحتي لمن صارت الي
اوگفي اوگفي بربچ انتي زعلانه وضايجه لأن ترديني زوج حقيقي الچ يعني كل شروط الزواج نطبقها لو شنوو اني ماافهم هسه دخت
..اي هذا الردته
..بدون تفكير رحت شلتها ورفعتها صارت مثل الطفله بيدي وضليت اضحك لج من شوكت غيرتي رأيج

..ضليت ابجي من ثاني يوم زواجنه
..الله عليچ تحچين صدگ انتي
.ولچ اني شريد اكثر من هيچ لچ ليش مبينتيلي ليش مخليتني متعذب وانتي شايله بگلبچ عليه
..انتي تعرفين شيصير بيه يوميه اموت الف موته وانتي يمي واني مااگدر احضنچ واخذ حقوقي بس غير متحمل الخاطرچ واني منطيچ وعد
ضربتها على كيف على راسها بعدين اني تاركچ مو اهمال مني تاركچ من خوفي عليچ
..منين متعلمه هالرومانسيه شلون تعرفين تصارحين لچ هوه هيچ الي يصارح يضل يدورله عركه غير تسمعيني كلمه حلوه تصارحيني بغير طريقه تگليلي يابه يارجال صرت مره وگمت احبك واريدك
..مااعرف وضحكت والضحكه مختلطه بدموع اني ضجت كلش گلت عرف غيري ويگولون الموضفات وياك حلوات گلتها ولويت حلگي
..هههههه وغيرانه هم اووويلي
ربي اليوم انجلط من الفرحه لچ ياموضفات يروحلچ فدوه كلهن
غسلي حبيبي هالعيون مااريدهن يدمعن صدگي لعيشچ عيشة الأميرات والله وصار عدنه السان وگمنه نحچي قهرتيني تگليلي محد غيرك زاعجني وعبالك بس احتياجات توصلني يعني بسعاده ههههههه والله لعيشچ بسعاده تحلم بيها كل بنيه
هسه تبقين هيچ واگفه لو تجين تسمعين دگاته هذا راح يطلع اشرتلها على گلبي
..ههههه دنگت اروح الماما عفناها وحدها
..هاا وين السانچ ام السان بدينه نشرد هههههه
لچ تعالي بس بوسه والله ماأخرچ واني نازل وياچ ع الغده
..رحتله حضنته باسني ببراسي وخدي الأيمن رجع للأيسر نزل الشفتي جرني علي وباسني على كيف بس طول حسيت احتاج نفس وخرت وهوه هم گام شفته تغيير وملامحه تغيرت ردت اضحك گتله ليش من البدايه تزغلط مو گلت وحده
..ضحكت مازغلطت بس لاحاسبه الخدود والراس عليه لچ ذني ضايگهن اليوم ضگت غيرهن وغمزلي نزلت ع السريع ونزل ورايه
كملنه غده ورحت سبحت وبدلت وتحضرتله صعد تفاجأ بيه وحاچاني ليال اكيد مستعده والرايدته من گلبچ ماكو احد مسمعچ حچي او عرف بشغلتنه والأتفاق
..اي اكيد وماكو احد عرف لتخاف عليه اني كبرت وهسه ثالث متوسط ماعدت طفله
..حبيبتي ياكبرتي انتي بعدچ صدگي ماردتچ بهالعمر بس الضروف جبرتنه واذا عليه لتخافين اصبر العمر كله
..بس اني اريدك انت اريدك يمي مااريد تتركني ولااريد نعيش بنفس المكان بس بعيدين
..ياعمري مراح اتركچ الأخر يوم بعمري 
من هذا اليوم حياتنه تغيرت مية درجه علاء صار كلشي بالنسبه الي مدللني ومرتاحه وياه بكلشي
بقينه نأجل موضوع الأطفال وتفرغت الدراستي
حياتنه حلوه بس ماتخله من الغيره لامني ولامنه اني اغار من دوامه وكشخته وهوه يغار من لبسي حاولت البس الي يريده بس من نطلع يضل لازم ايدي بقوه وعينه يشغلها تراقب كلشي يحيطنه مع هذا مخانكني مخليني براحتي من يوصلني للدوام گوه اخلي اغار من الطالبات والمدرسات احسهم ياكلوو بنضراتهم
صارحني على الموضفه الي وياه ومحاولتها وشلون صدها وعلى دكتورة مرام وكتله ابتعد عنها افضل وهوه هم قرر يبتعد الحلو بعلاقته وياي يعاملني أكبر من عمري ومنطيني اهميه بكلشي اني وياه رغم الغيره البينه بس احنه اصدقاء كلشي يصير بيومياتنه نگوله البعض يمكن الي صار ويانه غلط وبهيچ عمر صعب الزواج ومؤذي للبنت اكثر من الولد بس وياه ماحسيت بكل صعوبه ولا چنت احس اني ناقصني شي او اخذني من عالمي وحياتي وسلب طفولتي كان يحاول يحسسني بكلشي ودائما احس بي خايف ندمان مكسور على كلشي صار وياي ويحاول يعوضني بطريقته الخاصه
علاء..
بذاك اليوم الي عرفت بيها رايدتني فرحتي چانت متنوصف ليال طفله ربيتها على ايدي وهسه عقلها بده ينضج وچنها اكبر من عمرها الحمدلله مريحتني من كلشي بس هيه تغار زياده اني هم اغار عليها صح بس مخانگها هيه لو بيدها تداوم وياي هذا الشي شويه مضوجني اتمنى تصير ثقتها بيه اكبر من هالشي
انسجامنه حلوو وحلم عمري صار حقيقه الحمدلله
وصار الزواجنه سنه وعلى زواجنه سنه ونص تقريبا
وعلى زواجنه الفعلي ست اشهر
موضوع الجهال اجلته خوفا على صحتها ومستقبلها الدراسي
عقيل بده يرجع علاقته وياي واني الصراحه مشتاقله بس مجروح منه اخليها للأيام بلكي الي بگلبي يروح اني مااحب الحقد بس مااعرف ليش وي عقيل طولت يمكن لأن جنت اعتبره اخ وصديق الي وانصدمت منه
تغريد تخاف مني ومتتقرب الليال بس هم دائما اوصي امي عينها على ليال بوجود تغريد
كلمااصفن وافكر بنعمة ربي عليه احمده الف مره
معقوله ليال يمي وزوجه الي وتتلگاني الضهر من ارجع تودعني الصبح حياتي صار الها طعم غير بوجودها
مرام ابتعدت عنها  كلهم عرفو حبي الزوجتي ومستحيل افضل غيرها عليها او اخونها ولو بنضره
بس هيه غيرتها تذبح وهم عاجبتني رجعت للبيت بيومها چنت خفر
..السلام عليكم
..وعليكم السلام شلونج يوم
..هلا امي شلونك اسويلك ريوگ
..لاحبيبتي راسي مصدع ومااگدر راح اصعد ارتاح
..حبيبي ماما ارتاح
..دخلت على كيف شفتها نايمه ماردت ازعجها بدلت واني تعبان جوو الغرفه يخبل هدوء وضلمه شلت الغطه اريد انام شفتها شعرها ع المخده ودايره وجها الذيچ الجها وحاضنه المخده
..همستلها يابخت المخده شلون حاضنتها لعد يوميه ليش متحضنيني لو اني احضن لو ابقه هچي
..سمعته ابتسمت گتله يوميه اكتفي بحضنك  اصلا گوه يلله نمت متعرف كل خفاره الك اني معناها ماكو نوم
..طبعا اعرف لعد منو اكل راسي بالتليفون
..ممم شوف اذا خابرتك بعد
..أموت عليك من تزعل جريتها الحضني ونمنه
گعدنه الضهر
طلعت للحمام غسلت واجيت ابدل وامشط واتعطر
شفتها متخصره وراي
..ياساتر هذي الوگفه متبشر بخير گولي حضرة الضابط شنوو عندچ
..هاي الورقه شنوو
..ضحكت ورقه يعني شنوو حبيت استفزها
..اعرف ورقه شنوو الرقم الي بيها
..وحده رقمتني اجتني ضربه على ضهري
..اخ لچ هاي ليش تمدين ايدچ عليه مااسمحلج تصرفين هيچ وياي 
..لا والله خاف تسمحلي وتزعل هذا الرقم شنوو
..لچ ليلوو لتأخريني ع العياده عندي هواي مواعيد
من ارجع نسولف
..علاء گلي هالرقم شنوو
..ياعيني گتلچ بنيه رقمتني خليتها الوكت الشده بأمتحاناتج اتركچ تقرين وهيه تلهيني تعودت ع الغزل اني خو ماابقه هيچ
..بسيطه علاء الوكت الشده موو بسيطه
..ههههه چنج كمتي تهددين يابه اعلن انسحابي جريت سويچي وگتلها والله هذا رقم ولد صديق غيث يريد اقدم موعد العمليه الزوجته واذا گدرت اقدمها اتصل علي شبيچ بسرعه تصدگين
انطيني بوسه حته اطلع
بقت واگفه قربت بستها ورحت

رحت للعياده كملت المراجعين ارد اطلع دخل عقيل
السلام عليكم
رفعت راسي تفاجأت بي
..وعليكم السلام
..علاء اني اعرف بنفسي غلطان واجيت اعتذر منك وصار فتره احاول وياك وانت تبتعد صح غلطت بس ننسه ذيج صداقتنه وعمرنه الي گضيناه سوه خلينه نبدي من جديد
..عقيل رغم الجرح الي انجرحته منك بس ماكرهتك ولاحقدت عليك وبعده گلبي يدگ من اذكر ايامنه وشبابنه البيناتنه اكبر من خلافاتنه اني وياك نتصافه بس ليال شلون حيل مجروحه منك شلون تقنعها
..اريدك انت تقنعها والله يشهد عليه بحجايه منها اطلگ تغريد اذا يرضيها اطلگها وتتصالح وياي اطلگ تعرف كلش زين شنو ليال بالنسبه الي مشكلتي ماعرفت اتقرب الها وافهمها بس والله هيه قطعه من روحي وگلبي طاگ عليها فدوه اروحلك ساعدني
..بسيطه احاول اجمعكم وانتوو تقررون
سلمنه على بعض وطلعنه
رجعت للبيت ليال ماكو سلمت على امي سألت عليها
گالت اليوم مانزلت
خاف مريضه
..عفتها مابيها شي
صحتها
..ليال ليال
وينج حبيبي
ماكو رد
اخذت سويجي وصعدت