ملكتي قلبي

٧

ضليت افكر بس لا علاء راح يگل البابا ياخذني حسيت عيوني غوشت من الدموع رحت لزمت طرف ثوب ماما
..ماما ماما
..چنت مشغوله وممنتبها الها عبالي تريد تطلع او تشتري گتلها  ها ليال گولي
..ماما فدوه لتخلين عمو علاء يکل البالبا ياخذني مااريد اروحله مااحبه بابا مااحبه وبديت اصرخ
..ياروحي ماما منين جبتي هالحچي مراح ياخذج بابا انتي بنيتنه ياعمري
..سمعته عمو يگلج حيگل البابا
..فاهمه غلط حبيبتي يگله حته يهتم بيچ مو اكثر
..ضليت اشهگ وابچي سمعت علاء
..هاي شكوو منو مزعلها لوله بباتي شبيچ حبيبتي منو مزعلج ..طلعت مني هالكلمه وتندمت عليها بس صدگ حسيتها محتاجه اب واني قررت اصيرلها كلشي ومااحب تحتاج غيري
..عمو عفيه لتخلي بابا ياخذني ابقه يمكم اني
..ومنو حياخذج ياعمري انتي والله لو اخر يوم بعمري مااسمح الأحد ياخذج مني غير انتي الهوه
بستها ونشفت دموعها  خلي نطلع
طلعنه اخذتها للألعباب وبالي كله يمها
واليوم يجي عقيل بعد المغرب
رجعتها للبيت وفهمت امي على كلشي گتلها ديري بالج عليها
طبعا عقيل مطبيت بيته من ذاك اليوم بس لقائاتنه ابيت جدوو
رحت البيت جدي وقبل ليجي گلت افهم جدي
..السلام عليكم
..وعليكم السلام هلا بوليدي تعال يمي
..وبيك اكثر يابه شلونك انت والحجيه صحتكم
..الحمدلله على الله بعد ماضل بالحيل شي
..ونعم بالله بعدكم شباب يابه لتطردون عيون غمزتله ضحكنه شويه وكتله
..يابه جايك بموضوع حيل مضوجني
..خير يابه گول شخيرك
..يابه عقيل ..عقيل حيل تغيير وهمل بنته تمر اجازه وتجي غيرها وهوه ممهتم الها ولايشوفها يابه البنت كبرت وبدت تنتبه والبارحه حسيت حبها ولهفتها اله تحولت الكره
..الله يطيح حضه شبيدي عليه يابويه ليال الله عوضها بيك انت وامك
..ميخالف يابه بس هم واجب ابوها يمرها اريدك هسه من يجي تفتح الموضوع وياه واني اكمل
..صار يابه السالفه ماينسكت عليها
بقيت گاعد اباوع للساعه صار ساعه الا ربع وعقيل ماكو كمت افتر بالبيت لگيت روان سلمت عليها وگعدت يمها بالمطبخ على كرسي وضلينه نسولف
حبابه وبسيطه وتدخل للکلب ياريت تصير اخت الي
شويه واندگ الباب عرفته عقيل
السلام عليكم
..وعليكم السلام شلونك ابو ليال
..ياهلا بعلوان شخبارك مشتاقلك والله
..والله احنه المشتاقين ماكو لاتمر لاتسأل
دخلنه يم جدي وجدي فوت نص ساعه وبده
الأب..أي عقيل شلونك دوامك احوالك
..الحمدلله يابه كلشي تمام انت شلونك صحتك امي شلونها
اجت بيبي سلم عليها وگعدت يمنه
الأب..عقيل متحس نفسك مقصر متحس بنقص لك انت أب أنت لك بنتك شگد صارلك مشايفها
..من زمان يابه بس مطمأن هيه مرتاحه ومينخاف عليها وهيه عد علاء وأمه
..لك انت بشر طبعا مينخاف عليها وعلاء صايرلها اب بس يابه مو هيچ البنت بدت تفتهم وجاي تسأل عنك وتحس اكو فرق بينها وبين الجهال انت تعرف بنتك هسه تدوام مدرسه
..دنگت راسي لا والله ولا اعرف وناسي كلشي هاي زوجتي ابد ممريحتني والجهال الي هيه امهم مدمرتهم وبالي يمهم ومن اجي احاول اعوضهم قساوة امهم وليال بالي مرتاح من جانبها بقيت مدنگ سمعت علاء حاجاني
..عقيل ليال ذكيه وبدت تفهم وتسأل عليك وصارت اكو فجوه بينك وبينها لتخليها تكبر تره تحقد عليك واني عندي هيه بعز الهوه بس هم مو ممكن اعوضها حنان ابوها وهوه موجود لازم تحس بيك
..صار يابه وتدلل علاء صح اني غلطان بس لو تدرون بضروفي
الأب ..مهما كانت ضروفك متتخله عن طفله هاي عود انت ضابط ومأمنين بيدك بلد راجع نفسك عقيل انت مو عقيل انت هواي متغيير وعبالك مثوول
..ضجت حيل من كلام والدي گتله يابه يجرالك كلشي اني طالع اترخص
علاء..عقيل وين اوگف لحكته بالباب عقيل اريدك ترجع اخوي وحبيبي ذاك الي كلك حيويه عقيل اني بدونك هم ضايع حضنته وهوه هم حضني وراح
عقيل..
رجعت للبيت وافكر عبالك چنت بغيبوبه وصحوني وين اني وشنو تصرفاتي لكم بنتي شلون تاركها ليال حبيبتي هاي مجازاتي الأمج بس والله هالبلوه العندي طيرت مخي شلون بالله اگضي عمري هيج
بعدني افكر واجت
عقيل عقيل
..ها تغريد گولي
..ذولي جهالك خبلوني واني مااتحمل فوگ ضيمي وحبستي انوب قهرهم امدايه مثل حض هالبنات اني صديقاتي يوميه بالشمال ومگضيها سفرات واني من غرفه الغرفه تره طگت روحي مليت
..صوتچ يابنت الناس مقصر اني وياج عاز عليچ فلوس مانعچ من طلعه ليش متخلين الله بين عيونچ لچ اني دوامي متعب رجال عسكري اجي ارتاح ابيتي تتلگيني هالملگه تغريد اتأدبي وصوتچ بعد ميعله