#حاولت_الهروب
بقلمي #شمس
البارت الاول...
فارس .. الله يخليج يوم لتضغطون عليه .. هذا زواج مو لعبه انتو تقررون عني ..
ام فارس .. يمه شهوده ماتتعيب اشو عبالك هنديه تخبل وبنت عمك وتعرفها ورابيه ع ايدينا ..احسن من الغريبه ..
فارس .. يوووه يمه اني اريد الغريبه احبها ليش تمشوني ع كيفكم .. خبري ابوي قراري بعد مااتنازل واني طالع جماعتي ينتضروني..
ام فارس .. روح يمه روح بس احسب احسابك هاي الكرديه ماتطب بيتي .. #شمس
مرحبا اعذروني تلگيناكم بمشاكلنه اني فارس الوحيد ع اهلي قبلي اثنين بنات كبار متزوجات منى وحلا وبعدي اجت رنا عمرها 18 سنه عمري 28 سنه ادرس بايلوجي هاي السنه الاخيره الي بالگوه يالله وصلت الجامعه گضيت الاعداديه كل سنتين بصف وبالسادس مدرسين خصوصي وخبصه يالله طلعت بايلوجي .. حالتنا زينه والحمد لله ابويه تاجر جبير من تجار قبل عدهم محلات هواي بالكراده وعمامي وولدهم هم وياه يشتغلون يعني ورثه كولهم بي من جدي الله يرحمه .. بس هم يحترمون الوالد وماقسمو المحلات بقوا يشتغلون سوه .. #شمس
حبيت وحده وياي بنيه اصلها من اربيل اسمها (يارا) .. صار سنتين وياهه ومخبلتني بلبسها واناقتها ودلعها وحبيتها .. وردت اخطبها اهلي مقبلوا ويردون يخطبون بنت عمي حازم (شهد) الي هي بگد اختي رنا حلوه بس مو بحلات يارا وصراحه احسها طفله اني مامختلط بيها هواي لان طبعي يختلف مااختلط هواي ببيت عمي الولد اشوفهم بالشغل يعني للبيت مرايح هواي ..
خلي تعرفكم شهد ع نفسها وارجعلكم .. #شمس
شهد .. هلاو تعرفون اسمي عمري 18سنه بالسادس علمي عائلتي حلوه وبسيطه حالتنا ميسوره والحمد لله اني اصغر اخواني والوحيده الاهلي ع ثلاث ولد .. والثلاثه متزوجين احمد الكبير عنده اثنين ولد وطالع وحده ومحمد الوسطاني متزوج وعنده ولد واحد وعبودي الصغير اكبر مني بسنتين هستوه تزوج مصارله شهر بنت جيرانه يحبها وهي صديقتي اسمها سمر .. فرحت حيل لان ماعندي اخوات والله عوضني بأخوات مرت محمد اسمها فاطمه حبابه هم مخلتني اشتغل ابد تگولي نجحي وطلعي معدل يفرحنا .. بابا واخواني يشتغلون وي عمو فاضل بمحلات جدو لان ماكو تعين تخرجوا وگعدوا بس عبودي مامكمل ..
وماما طيبه حيل وتحب بابا وماترفضله طلب وبالبيت ماكو جنه وعمه لا فاطمه وسمر يصيحولها ماما لان تحبهم حيل عائلتنا كولش حلوه وماعرفنا الزعل والمشاكل بيبيتنا .. #شمس
نسيت اگولكم مواصفاتي .. اني حنطاويه بس ع بياض مو ع سمار طويله جسمي حلو احب العب رياضه ومحافضه ع وزني شعري طويل يعني مواصفات عاديه .. #شمس
من تزوج عبودي اخويه اجو بيت عمو وشافوني لان اني مااطلع هوايه ورگصت هوايه بحنه عبودي هم اخويه وهي صديقتي .. هوايه خطبوني بيومها ههههه بس من خطبني عمو من بابا .. نرفضوا البقيه.. بابا يحترم عمو حيل .. واني فرحت كولش لان من صغري احلم بفارس هو وسيم وطويل مواصفاته تعجبني .. وافقت من غير مااعرف اذا هو يحبني او لا .. گالوا الزواج بالعطله لان عندي سادس وامتحانات... هذا كوله حددوا واني مشفت فارس ولا اجه ..
