البارت التاسع ..
#حاولت_الهروب
بقلمي #شمس
بيوم الحنه .. سويبه بالقاعه واحتفلنا وجماعتي فرحانين بيه والوالد مامصدگ عازم العشيره كلهه .. اختنگت من الهوسه…
شهد .. سويت الحنه بالبيت وعزمت صديقاتي كولهم. وفرحانه حيل والبس كل ساعه بدله ورگص وونسه .. نسينا نفسنا .. للمغرب .
خلصنا دخلت سبحت ورتبت ملابسي لان حيجون ياخذوهن وماما وسمر تروح وياهه ترتبهن.
البنات ماقصرن وياي عبالك اخواتي واكثر .. #شمس
نمت من وقت بيومها لان باجر هم صالون وتعب ..
فارس .. دخلت للبيت لگيت مرت عمي وجنتها يردن يطلعن سلمت عليهن وصعدت اسبح وارتاح لان تعبت حيل .. فتحت الكنتور لگيت ملابس شهد مرتبات بقيت اگلب بيهن ذوقهه حلو صارت عيني ع ملابس النوم يسودنن آه هاي لو يارا تلبسهن تطلع تخبل ..
دخلت سبحت ونمت لان تعبان حيل ..حتى يارا مااتصلت عليها ..
ثاني يوم الدنيا مگلوبه البيت عباره عن ناس ..
نزلت من فوگ وبدت الهلاهل والدگ والرگص كلها تشتغل وتتلوى 😂 ..
للعصر رحنا نجيب العروس احنا حاجزين بالفندق يعني مو بالبيت ..
#شمس
شهد .. اجيت من الصالون كولها منبهره بالتسريحه والبدله عبالك مال اميرات هي مخصره وبيها فيونكه من. وره وطويله تخبل ..
اجو بيت عمو والناس ولمحت فارس شطالع يخبل .. شكرت ربي لان حققلي الاريده اجه وگف يمي واخذولنا صور .
وطلعنا لزم ايدي ومشينا وگلبي يدوگ شعور حلو ادري بي ميحبني بس اكيد بحبي اله حخليه يحبني حضنتني ماما وتبجي والبنات هم وطلعنا
فارس .. مااتوقعت اشوفهه بهيج جمال وحلاوه الطول والرشاقه محلياتهه اكثر ..#شمس
اخذتها ورحنا للفندق بعد مانزلنا للاستوديو واخذنا صور ولقطات حسيت نفسي وي يارا ..
دخلنا الفندق .. دخلت سبحت وطلعت لگيتها گاعده ع السرير منتضرتني .. حاولت ابعد عنها حتى مااضعف ..
گولتلها ادخلي اسبحي بين مااطلب عشا ..
شهد .. هو گلي ادخلي اسبحي واني تحايلت عليه .. گوتله اوك بس افتحلي السحاب مال بدله مااگدر ..
فتحها وبقى يتباوع .. #شمس
فارس .. من فتحت السحاب وشفت ضهرها انثولت اول مره اشوف هيج جسم .. بهذي الاثناء دگ موبايلي عفتها ورحت تباوعت هاي يارا گلبها حاس .. شهد دخلت للحمام واني رديت ..
الو حبيبتي
يارا .. وين انت
فارس . بالفندق
يارا .. شنو. بالفندق هسا تطلع تعال يمي ماتبقى يمها ادري حتقشمرك وتخليك تتقربلها #شمس
فارس .. حبيبتي شبيج صدگيني ماكو شي ..
يارا .. ما حتى اذا ماكو شي ماتبقى يمها .. طلعلك حجه وتعال يمي اني اعيشك احلى ليله ..
فارس .. اذا هيج الحجي اوك جاي ..
طلبت العشا الشهد وبدلت وحاجيتها من ورى الباب گولتلها شهد طلبت العشا واني نازل جوه شويه واجي انتي تعشي هي مردت ..
بدلت وطلعت ..#شمس
شهد .. اني بالحمام وگلي طلبتلج العشا وحطلع .. صدوگ بقيت ابجي اعرفه مايحبني بس كان المفروض يبقى يمي ..
فارس طلعت گبل اليارا . فتحتلي الباب بيت خالتهه نايمين ودخلتني الغرفتهه وبقينا اني وياهه للفجر تالي غفيت شويه وهي نايمه يمي فزيت الدنيا كاشفه بسرعه لبست ملابسي وبوستها وطلعت قبل ليگعدون بيت خالتها ..#شمس
گلتلي فارس بعد مااوصيك هي كلها شهر ورايحين مو يوزك الشيطان ..
نطيتها بوسه هوائيه وطلعت ..
رحت للفندق لگيت العشا مثل ماهو مماكله شي ..
ولابسه سيت نوم ابيض قصير ومفتح اوووف شأسوي تقربت ع كيف ونمت بطرف السرير بعد مابدلت ملابسي ..
سويت نفسي جاي من زمان .. شويه وگعدنا الموبايل الوالد ..
فارس .. صباح الخير يابه
فاضل .. صباح الخير وليدي الله يسعدكم بس مو تتأخرون الناس منتضرتكم ورانا غدا وعمامك من المحافضات هم اجو . #شمس
فارس .. صار يابه شويه واحنا يمكم .
شهد .. سمعته يحجي بالموبايل گمت عدلت نفسي .. واتباوعتله صباح الخير
فارس .. صباح النور . الكل منتضرنا بدلي بسرعه .. بس قبل كولشي اريد احجي وياج ..
شهد . منصيه راسي وگوتله تفضل
فارس .. شهد انتي اول ماوافقتي تدرين اني مااريدج بس الامور مشت وحدها وتزوجنا يعني لتطلبين مني اكثر من هيج مااگدر .. واذا سألوج اهلج او اهلي فهميهم السالفه فضت
شهد . هزيت راسي اله وگمت وگلبي يتگطع ..
#شمس
يتبع…
