البارت الثالث...
#حاولت_الهروب
بقلمي #شمس
طلعت من الجامعه من وكت حتى الحگ عليها اتصلت برنا ..
فارس .. الو رنا وين صايره مدرسه شهد ..
رنا .. وشتسوي بي ها لو غيرت رأيك اي هسا صرت خوش اخو بنت عمنا... وقاطعني ..
فارس .. بلا خرابيط وحجي زايد دگولي لا هسا اجيج .. #شمس
رنا .. اي هسا انطيكيا وبعد لتتصل بيه دوامي عصري واريد الحگ ابدل واجهز نفسي ..
فارس .. عاد انتي شلونج هسا يالله گولي اي دا اسمعج اوك لاتگولين اني طلبته منج ..
رنا .. وليش... طووووووط يا غلقه بوجهي الصوج بيه ..#شمس
فارس .. اخذت اسم المدرسه ورحت انتضرت بالباب .. شويه وطلعت المدرسه واني اباوع مااتذگر شكلهه كولش شفتها كم مره هيج ع السريع بزواج عبد الله اخوها ..
بقيت اتباوع والبنات كلهن يباوعلي واني گاعد بالسياره وعيني ع الباب وشفت وحده اي يمكن هي من بعيد طويله وجسمها رشيق ووجهه صافي وحنطاويه ولابسه شال صدگ من گالت امي هنديه ..
بس يارا حبيبتي احلى وشعرها الاشقر حلو وشويه تارسه مو رشيقه كولش ..#شمس
اتقربت يمي صحت شهد التفتت هي .. باوعتلي انصدمت ..
شهد .. اني طلعت من المدرسه ودا امشي وي بنات صديقاتي .. بيتنا مو بعيد بعد شارعين عن المدرسه يعني نتمشى .. وصاحلي ولد بأسمي التفتت هذا فارس احس جسمي كوله يرجف وبقيت مصدومه ..
ياربي اني بحلم لو بعلم .. البنات كولهم حاسديني ويباوعولي ..
سلمت عليه وگلي
فارس .. عندي حجي وياج اذا تحبين نروح المكان. او نسولف بالسياره ..
#شمس
اني من فرحي مافكرت گوتله بكيفك بس اهم شي مانتأخر اخاف اهلي يقلقون ..
فارس .. اوك مانبعد هوايه لتخافين ..
شهد .. هههههه وليش اخاف غير انت ابن عمي ..
گولت الصديقاتي لينتضرني حروح وي ابن عمو وهنا اشتغلن هنيالج ع هيج ابن عم .. وهاي الي تگولي امورج عدله وكذا .. 😂 بالگوه طردتهن ..
صعدت وياه بالسياره ورحنا اكو حديقه قريبه گوتله خلينا ننزل هنايه احسن مانبعد ..
نزلنا .. گعدنا جوه اكو مثل الكافتريا راد يطلبلي شي مقبلت ..
متحمسه اريد اسمعه ..
فارس .. اوك لعد ادخل بالموضوع گبل .. #شمس
شوفي شهد انتي بنت عمي ومااغشج .. اني اكبر منج بعشر سنوات تقريبا وانتي صغيره ..
شهد .. اني بس اسمع وخجلانه گوتله العمر مو مهم .. وياليتني ماحجيت
هو كمل .. بس اني عندي مهم اريد انسانه قريبه العمري تفهمني هسا اني احسج مثل رنا طايشه مااگدر اتخيل نفسي وياج ..
شهد .. اتمنيت الگاع تبلعني من الخجل والحزن احس بدموعي. تريد توگع بس لزمتهن بالگوه ..
واني منصيه گوتله .. لعد ليش خطبتوني ..#شمس
فارس .. الوالد والوالده تسرعوا حتى من غير مايخذون راي .. واني اريد وحده وياي وهم رافضيها ..
شهد .. اتباوعتله بغضب وشنو المطلوب مني لويش جايبني هنا حتى تسولفلي عن حبك ..
فارس .. اني اسف اذا جرحتج بس محد يحلها غيرج ..
شهد .. شلون
فارس .. ترفضيني انتي بحجه تردين تدرسين او بعدج ممفكره بالزواج يعني شوفيلج جواب مقنع بس لتگولين اني ججيت وياج ..
شهد .. اتباوعتله بغضب شگد اناني يفكر بس بنفسه ..
وگوتله .. اذا خلصت كلامك حتى اروح 😡
#شمس
يتبع....
