البارت الثالث عشر
#حاولت_الهروب
بقلمي #شمس
شهد .. مرت اربع اشهر ع حملي واجيت الاهلي اجازه وماما اصرت تشوف جنس الطفل رحنا والدكتوره تفحص بالسونار وتبتسم وتگول ماشاء الله . مبروك حبيبتي عندج توأم ولد وبنيه ..
شهد .. اني متحمسه اريد اعرف جنسه شنو تالي گلتلي توأم دمعت عيوني ممصدگه ولد وبنيه ماما حضنتني وتبجي .
تالي گمت ابجي وگلتلها شنو ذنبهم يجون بلا اب ..
الدكتوره گالت ياعيني ابوهم متوفي ..
گولتلها .. اي
وطلعت مهضومه ..
گولت الماما اخذيني البيت عمو اريد ايشر عمتي ورحنا بشرناهه خطيه تبجي گامت بس هي فرحانه وگالت لاتحرميني منهم ..
شهد .. لا خاله ان شاء الله بس اخلص هاي السنه واسوي نقل او اي شي البغداد وتشبعين منهم شوف ..
#شمس
رجعنا للبيت واهلي فرحوا وسمر هم حامل نسيت اگولكم بس هي شهرين ومتحمسه خطيه تريد تعرف جنسه وعبودي يگول ان شاء الله توأم بس شهد تورث من بيبيتي التوأم اني هم اريد كولنا ضحكنا عليه .. صحيح بيبي والده عماتي اثنين توأم يگولون تصير بالوراثه بعد ماادري او هي قسمه الله ..
بطني مو كولش كبيره يعني الي يشوفني ميگول بيه توأم .. لان اني طويله ورشيقه .. فما واضح عليه ..
#شمس
فارس .. صار اشهر واني مااعرف اخبار اهلي قررت مت اطلع من البيت اتجرا واتصل بس اعرف اخبارهم حتى اذا رزلتني امي ..
اتصلت ع ابوي . مغلق
رجعت اتصلت ع امي . اتأخرت بالرد تالي رفعته رنا ..
رنا .. الو منو تفضل
فارس . اني ساكت وبعدين گلت الو
رنا .. جمدت بمكاني منو انت فارس
فارس .. اي رنا شلونج
رنا .. الله لاينطيك وتسأل فوگاهه واخذت الموبايل مني امي واني بقيت اعيط ..
فارس .. الو الو سمعت صوت امي تبجي بالسماعه ورنا تعيط مافهمت شي
امي. . ليش يفارس قشمرتك وحده بعت اهلك
فارس .. اني بس ابجي
امي .. لك كتلت ابوك بايدك وضيعتنا كولنا ..#شمس
فارس .. يمه شبيه ابوي اعيط وابجي الناس كلها تباوعلي .
امي .. ابوك مات بيومها من عرف بگتها وانهزمت
فارس .. يمه سامحيني يمه ماردت هيج يصير ولا ادري
ابجي وامي تبجي ورنا تكلها اغلقي الموبايل لتحجين وياه ..
امي .. شلون اسامحك وانت السبب بكل شي عبالي عقلت وتزوجت بنت عمك طلعت تخطط تبوگ ابوك .حرام حليبي عليك ريت خلفتي بس بنات ومااجيت ..
فارس .. مااعرف شنو احجي بس ابجي واركع براسي والناس تباوع
صحت الو الو غلقت الموبايل ..
رجعت للبيت ودخلت ابجي واعيط تلگتني يارا شبيك فارس گلتلها ابويه مات بسببي مات وهو ماراضي عليه ..
يارا .. وانت شلون عرفت اتصلت البغداد احنا مو اتفقنا ماتتصل بس اكيد حنيت البنت عمك واتصلت. #شمس
شلت راسي وتباوعتلهه .. انتي شبيج لج اگلج ابويه توفى تگوليلي ليش اتصلت ماعندج احساس وين ذيج يارا الي حبيتها ومتت عليها وحاربت اهلي وبگت ابويه عمودج لج حتى جنازته ماحضرتها .
يارا .. يوووه عساس سوه جميل براسي اشو جبتلك فلسين واجيت هم حاسبها فلوس واني الي گلت من اتزوجك اعيش ملكه .
فقدت گمت جريتها من راسهه لج يعني ماتحبيني هاي خططج وسواياتج كولها عمود الفلوس خليتيني ابيع اهلي وبنت عمي وتالي طلعتي تضحكين عليه ..
مااتحملت حسيت نفسي مغفل طلعت قهري وموت ابويه بسببها كوله منها ضربتها وطردتها وگولتلها ورقتج تجي وراج انعل اليوم الي عرفتج بي ضيعتيني وضيعتي حياتي
وشمرت غراضها وراهه .. بقيت ابجي واندب حظي وقررت ارجع البغداد ولو مالي وجه بس لازم اخلي الكل يسامحني حتى لو ابوس رجليهم وخاصه امي وشهد اذا رضوا عليه ابويه يرضى صفيت شغلي كوله باربيل وبعت الاثاث ..
ولميت غراضي كولها ولگيت الذهب المشتري اليارا اخذته هم لان متستاهل ..
خلال اسبوع كملت كولشي ورجعت البغداد حالي حال وأكل بروحي بسبب يارا شلون گدرت تضحك عليه بس المفروض اني اشك بيها من يوم الي سلمتلي روحها بيها .. اني المغفل الي صدگت بيها .. #شمس
وصلت البيتنا .. دگيت الباب
طلعتلي اختي ام يوسف .. شافتني حضنتني وتبجي وتضرب بيه وتگلي ليش لك ضيعت نفسك وابوك وضيعتنا اني بس ابجي دخلت ورحت ركض الامي دنگت ع رجليها وهي تدفع بيه وتبجي تگلي انت مو ابني مااريدك واني ابجي واتوسل يمه سامحيني غلطت قشمرتني وحده وطلعت كل همها الفلوس ..
رنا ورايه تعيط وتگلي مو هاي نفسها الي بقيت متحاجيني عمودها .. ويتمتنا من وراهه
فارس .. جريت رنا وحضنتها وبست راسهه وابجي وهن يبجن ..
امي .. لا انت ابني ولا اعرفك اذا ماتصلح كولشي وتصالح عمك وبنت عمك وترجعهه
شلت راسي..
لعد شهد وين
امي .. شهد عافت البيت من اول يوم واعتبرتك ميت
فارس .. حقها يمه الي سويته بيها مو قليل بينما كنت اشوف الحب بنضراتهه وماحافضت عليها
امي .. ولا حافضت ع ولدك
فارس .. مسحت دموعي وباوعتلهم بأستغراب .
ولدي شنو
امي . يمه شهد حامل وبتوأم ولد وبنيه #شمس
فارس . ضحكت معقوله . ردت اگوم جرتني امي
شهد ماهي ..
فارس . لعد وين
رنا .. شهد طلعلها طب بالحله وتداوم هناك گاعده عند خالتهه ..
فارس .. وهي حامل
امي . بعد الي سويته البنيه حقها تسوي كولشي ومانگدر نحجي حتى اولادها اعتبرتهم يتامى وماعندهم اب يعني مو ذيج شهد التعرفها تغيرت بعد الي سويته بيها ..
بست راس امي وگلتلها سامحيني يمه حتى الله يوفقني وارجع مرتي وام ارلادي بس قبل كولشي اريد اروح ازور ابويه واعتذر منه
#شمس
يتبع…
