#حاولت_الهروب

البارت الحادي عشر

البارت الحادي عشر
#حاولت_الهروب
بقلمي #شمس

ردت فرصه انفذ بيها خطتي وخاصه بعد ما لزمت الحسابات والشغل كوله ..
وصدفه فد يوم عمي حازم عزمنا بعد يومين ع غدا .. اني استغليت هذي الفرصه واتصلت ع يارا وطلبت تحجزلنا بعد يومين الاربيل ..
صارت يوم العزيمه گولتلهم روحوا واني اكمل الحسابات واجي بعدكم .. خليتهم راحوا فتحت الخزنه اخذت 3 دفاتر وطلعت رحت للبيت ماكو احد كولهه رايحه البيت عمي حتى شهد ماكو صعدت للغرفه لميت غراضي كولهه صارت عيني ع ملابس شهد بقيت اشم بيها عطرها حلو  تباوعت ع الميز لگيت عطرها اخذته وخليته بالجنطه وكتبت ورقه الها وخليتها ع الميز وطلعت بقيت اتباوع للبيت صارت صوره الوالد گبالي تباوعتله وگتله سامحني يابه انت الي جبرتني..
اخذت تكسي وطلعت للشركه لگيت يارا حاجزه ومنتضرتني صعدنا ورحنا ..
شهد .. كولنا منتضرين فارس وماكو صارت 3 ومااجه قلقنا عليه اتصلنا جهازه مغلق راحو الولد للمحلات لگوها معزله صار العصر وماكو انخبص الجو وكل واحد طلع بجهه يدور وعمتي تبجي وتگول خاف ابني مات لو خطفوه ماخلو لا مستشفيات لا شرطه اخر شي گولتلهم خلونا نروح للبيت ننتضره بلكي يرجع لهناك .. عمي راح هو وبابا للمحلات يحضرون فلوس خاف مخطوف ويخابرون ع فديه .. #شمس
واحنه دخلنا للبيت ندور ماكو صعدت للغرفه اريد احضن ملابسه واشمهن .. فتحت الكنتور ملابسه ماكو دورت مثل المخبله ماكو كولشي ماخذه التفتت لگيت ورقه قرأتها ..
شهد بنت عمي سامحيني .. انتي من البدايه تعرفين نيتي اني سافرت وي الي اختارها گلبي .. السبب مو اني اهلي الي جبروني .  شوفي حياتي واتمنالج السعاده والنجاح…

اني قرأت الرساله واني بقيت اعيط واملخ بروحي صعدوا البنات وعمتي وامي وعبودي هم واني الطم .. عمتي تهز بيه وتگلي شبيج اجاج خبر ع فارس شبيه مات وتبجي .
گولتلها عمه فارس موتني مو هو الي مات ونطيتها الرساله قرأتها ووگعت .. #شمس
واني ابجي واصيح ليش ليش يفارس هيج تسوي بيه عبودي اتصل ع بابا وخبره واني من گد الطم وگعت هم وماحسيت الا. الدنيا مخبوصه وكلها بالبيت جيران وعماتي وكلها ..
سمر يمي سألتها .. گالت فارس طلع من مهزم ماخذ 3 دفاتر واكثر مانعرف بعد بس عمج اول ماسمع اتخربط وهسا هو بالانعاش ..
دموعي تجري وگلتلها گومي وياي لمي ملابسي وغراضي ماابقى دقيقه وحده بالبيت #شمس
ماما ماقبلت وگالت عيب وشتگول عليج الناس .
شهد .. گمت اعيط شتگول بعد الناس هو عافني بعد وگامت تحجي .. وميهمني احد
ماما .. خلص ماما اخذي سمر وفاطمه وروحي وي عبودي ارتاحي واني ابقى هنا يم عمتج خطيه مرتفع ضغطها ..  #شمس
لميت غراضي وردت اطلع وحضنتني رنا وگلتلي .  لاتعوفينا شهد اخواتي يرحن وبابا مريض واحنا نبقى وحدنا ..
دموعي تجري وگلتلها مااكدر رنا اعذريني هذا البيت يصير گبري اذا بقيت بي سامحيني ..
وطلعت رجعت البيت اهلي ودخلت الغرفتي ابجي واندب حظي الى ان نمت ..

فارس .  وصلنا الاربيل متأخرين حجزنا بفندق يارا مارجعت الاهلها لان الوقت متأخر نامت وياي بالغرفه واني بقيت صاحي افكر بأهلي شصار وشنو سوو من عرفوا وشهد شنو موقفها وتذكرت عطرها طلعته اشم بس ذكرني بذيج الليله تخبل ماتنسي ..
شنو الي يخليني افكر بيها .. بعد خلص نهيت كولشي
بقيت افكر وماحسيت الا غفيت من التعب .. #شمس

شهد .. گعدت الصبح ع صوت وعياط طلعت من الغرفه لگيت عبودي حضني ويبجي وگلي عمي مات اني ماتحملت هم كمت اعيط والبنات يبجون احنه نحب عمو لان حنين كولش ..
دخلت الغرفتي عندي ملابس سود من وفاة جدو لبستهن . ليش هيج فارس موتت ابوك وضيعتني وضيعت اهلك هسا اذا سمعت شراح تسوي .. #شمس
واخذنا عبودي ورحنا البيت عمو اووووف البيت مگلوب هذا البيت الي قبل شهر ونص مليان فرح ودگ ورگص وهسا عياط وكولها لابسه اسود .
دخلت ع عمتي خطيه مصدومه لاتبجي ولاتحجي حضنتها وابجي واجت رنا حضنتها وهي تبجي واني ابجي گالت ابوي مات وفارس ماكو بقينا وحدنا شهد
شهد .. للاسف هم اثنينهم ماتو بنفس اليوم ..
زعلت بنت عمي اخت فارس ام يوسف .. وگالن ليش مفاوله ع زوجج .. #شمس
شهد .. فارس مات بالنسبه الي من يوم الي عافني وراح وي غيري .. وعفتها وطلعت النسوان يباوعلي بشفقه ويگولن خطيه بعدهي صغيره
وهاي الي تگول بعدها عروس وعافها حتى مشافت شي ووووو بعد مااتحمل نضراتهم الي گلت الماما ورجعت البيتنا لان مااگدر اصعد الغرفتي كرهتها تذكرني بفارس
گعدت وحدي بالبيت وابجي واحجي وي روحي واتباوع للصور مالتنا ..
خلصت الفاتحه ورحت اشوف عمتي وبابا وماما وياي .. #شمس
شافتني عمتي گامت تبجي حضنتها
گالت .. ماعندج نيه ترجعين
شهد .. لاعمه اعذريني مااريد شي يذكرني بفارس اني نتائجي طلعت ومعدلي عالي واريد اكمل وانسى كولشي ..
دنگت راسها وگالت مالي عين احجي وياج ..گمت بست راسها وگلتلها مالج ذنب عمه انتي وعمو الله يرحمه . بابا گاللها اي شي تحتاجونه اني حاضر المصرف والمسواك يجيكم كل يوم .  ورنا مسؤوله مني ..
#شمس
يتبع