البارت الرابع...
#حاولت_الهروب
بقلمي #شمس
عفته وگمت وجر ايدي ..
فارس .. انتضري اني اوصلج ..
شهد .. ماكو داعي اني اروح .
فارس .. لتعاندين اني حوصلج هسا ضهر وبعدنا عن اهلج ..
مشيت گدامهه وفتحتلها الباب صعدت وهي ساكته .. والطريق كوله محجت شي .. وصلت قريب شارعهم ..
شهد .. نزلني هنا .. نزلت وغلقت الباب وحتى مااتباوعتله ..
فارس .. نزلت بلا سلام عبالك خاطفهه .. هههه طفله ..
شهد .. دخلت للبيت تلكتني ماما .. وين كنتي لسا ..
شهد .. العفو ماما نسيت اگولكم عندي اضافي وتأخرت ..
دخلت للغرفه گبل مقهوره حيل .. فرحتي ضاعت ..
دخلت سموره مسويتلي غدا .. شافتني ابجي .. #شمس
سمر .. شهوده شبيج ليش تبجين صاير شي وليش تأخرتي..
سولفت الها كولشي لان هي صديقتي ومااضم عليها شي ..
سمر .. ولا يهمج هو الخسران عاف بنت عمه الي تحبه من صغرها وراح ورى وحده مامعروفه منين ..
بس اكولج شلون وهمه جايين العصر شراح تكولين الهم ..
شهد .. اكيد حرفض شلون اقبل بي بعد الي حجاه ..
سمر .. اوك لعد تغدي ونامي شويه ارتاحي والعصر الله كريم ..
طلعت سمر وحتى مااتغديت بقيت افكر .. بس بعدني احبه مااگدر مو بالسهوله انساه ..
فارس .. دخلت للبيت تلگتني امي . هايمه تعال تغدا لان العصر نروح البيت عمك مو تفرفح ابوك خطيه ليروح يصير بي شي ..
فارس .. عادي يوم الي تردوه يصير واني مطمأن .. واريد اسمع ابويه ..
#شمس
للعصر بدلنا ورحنا كولنا البيت عمي حازم ..
شهد .. صار العصر وحضرن البنات نفسهن ومسويات كيك وعصائر واني مامهتمه .. وافكر شلون حرفض وبابا افشله خطيه عمري ماكسرت كلمه البابا ..
اجو بيت عمو وفارس مااسولفلكم يخبل طالع صدوگ عريس .. اجت رنا بوستني كلتلي اخرتهم عمود اجي وياهم لان دوامي عصري .. ابتسمتلهه واني مالي خلگ احجي..
گعدوا وحجوا وفارس ساكت بعدين صاحو الي اجيت گعدت يمهم اني مقبلت ابدل بقيت بدشداشتي ..
بعدين عمو سألني .. شتگولين بابا شهوده ..
شهد .. بقيت صافنه مااعرف شأحجي وشلون اتباوع بعيون عمو وارفض وهو كبيرنا اذا بابا عمره ما رفضله طلب اجي اني هسا ارفضله ..
ماحجيت شي عفتهم وطلعت لان انحرجت ..
فارس .. من سألها ابويه اني مرتاح گلت هسا ترفض وتفض السالفه من غير اتدخل .. #شمس
بس اشو هذي اخذتلهه صفنه وعافتنه وطلعت .. اووووف ياربي شلون بهاي الطفله شيخلصها وياهه تتمسكن وتتدلل راح تشلع گلبي ..
شهد .. من گمت من يمهم دخلت غرفتي وابجي واجت ورايه عمتي وماما ورنا هم جايه وياهم وسمر وفاطمه .. يحاجوني ويگولولي شبيج تبجين واني مااحجي ..
گولتلهم .. مااگدر .. مااريد اتزوج ..
عمتي ام فارس .. ليش يمه مو البدايه وافقتي شنو الي خلاج ترفضين هسا .. اذا ع الدراسه تكملين سادس وتتزوجين والكليه هم تكملين بس خطوبه هسا ..
اني ماحجيت بس ابجي ..
سمر .. كافي ياعيني محد يستاهل دموعج ..
امي خزرتها .. معناهه عيب ..
رنا .. اگولج شهد اليوم اجاج فارس حجى وياج.
شهد .. باوعتلهه ومستغربه هاي شمدريهه .. #شمس
رنا .. والله عرفته راح يسوي شي من اخذ عنوان مدرستج ..
ام فارس .. شعنده اجاج فارس وشگلج .. گولي يمه ..
شهد .. ماحجى شي عمه . ولا اجى .
سمر .. لا اجه وطلب منها ترفض عبالك هي ذابه نفسها عليه .. اني صحت بيها سمر اسكتي ..
ماما تخبلت وحضنتني وگالت العمتي . عيني ام فارس انتو على عيني وراسي بس بنتي مابايره ..
ام فارس .. يصير خير ام احمد .. يالله. يمه رنا گومي .. #شمس
شهد .. طلعت عمتي واني بقيت اعاتب بسمر .. ليش هيج سمر هسا عباله اني گولت وياخذ عليه نضره ..
سمر .. واذا اخذ ليش شايلتله هم شنو قابل انتي شامره نفسج عليه ..
#شمس
يتبع....
