البارت الخامس .
#حاولت_الهروب
بقلمي #شمس
فارس .. گاعد بالاستقبال وعيني ع الباب ومنتضر هاي بس لاتفلتها وتگولهم .. وشويه ومااحس الا اجت امي وعيونها تجدح .. وگالت يالله عيني ابو فارس شهوده اليوم تعبانه خطيه نجيهم غير يوم ان شاء الله ..
#شمس
وغمزت الابوي .. معناهه گوم
اني فرحت گلت اكيد رفضت وامي ضاجت منهم واجت ضايجه وگالت الابويه نگوم ..
طلعنا .. والطريق كوله اباوع الامي ضايجه وابويه يگولها شبيها شهد وشگلتلج ..
امي تگله بالبيت نوصل وافهمك ..
#شمس
وصلنا البيت ودخلتنا امي للاستقبال .. وسولفت الابويه شنو حجيت وي شهد .. اني استغربت .. معقوله هيج تسوي وتروح تحجي وتتمسكن واني نبهت عليها متحجي ..
فارس .. يمه انتي تصدگين بهاي الطفله اني ماحجيت هيج وياهه بس صدوگ الله كشفها الي قبل مااتورط ..
دخلت رنا .. مو الي گالت اني گولتلهه ..
فارس .. هزيت براسي الها.. بسيطه رنا هواي صايره تتدخلين بحياتي ..
#شمس
ابوي عصب وبقى يعيط وانفعل .. لك تحجي ع بنت عمك هيج ع الاقل اشرف من هاي الي تعرفها من الجامعه شعرفت منها بالله ..
اسمع غصبا ماعليك تتزوج. بنت عمك لو مااشوف خلقتك بعد .. انفعل ابوويه كولش وفجأه وگع ..
ركضنا عليه انحرك ماكو بسرعه صحت بيت جيرانه وشلناه للمستشفى وانخبصنا ..
خفت ع ابوي حيل وامي تلوم بيه ارتاح يفارس موتت ابوك .. الطريق كوله تبجي وتحجي .. بساعتها گمت الوم بروحي اني شسويت هو مريض وانفعل عليه كان المفروض اتصرف بحكمه واقنعهم بهدوء ..
وصلنا للمستشفى ودخلوا الوالد گبل للانعاش طلعت ضاربته جلطه وحالته تعبانه .. امي من سمعت ضربتني راشدي .. وگلتلي اطلع منا ومااشوف خلقتك الا لمن تعقل وترجع تراضي ابوك .. #شمس
امي من النوع الحازمه ومتقبل ع الغلط تعادل مليون رجال .. حتى ابويه يستشيرها بهوايه امور ..
طلعت من المستشفى وضايج حيل وصار الليل وين اروح هسا ..
صعدت گعدت بلسياره وشفت عمامي وولدهم اجو .. ارتاحيت ع. الاقل اكو احد يم امي وحدها ..
بقيت گاعد بالسياره .. امي طردتني واريد اطمأن ع ابوي .
تالي اتصلت بعمي سالم هذا عمي الصغير .. سألته گال زين بس انت وينك گوتله اني رحت يم رنا خطيه وحدها بالبيت واخواتي هم راح يجن ..
اقتنع بكلامي بس اني مناوي اروح ..
بقيت افرفر بالسياره تالي اتصلت ع صديق وياي وگلتله اريد ابقى عندك .
شويه واتصلت يارا وحجيتلها كولشي گالت تعال يمي بيت خاله طالعين ماكو احد .. #شمس
يارا گاعده ببيت خالتها .. اهلها كولهم بأربيل ..
رحت يمها شويه گعدنا بالحديقه ع المرجوحه هي نايمه ع صدري واني اسولف .. بوستني وگلتلي حبيبي لتضوج. .. ساير ابوك ووافق ..
فارس .. ياوعتلهه بغضب😡 معقوله هيج تحجين اني حاربت اهلي عمودج وانتي قابله .. #شمس
يارا .. ياعمري قابل اني مضايجه اصلا حموت بس احسن مماتخسر كولش وهي هسا بس خطوبه بعدين نحلها تالي گولو مااتفقنا وفسخنا ..
فارس .. رفضت الموضوع وهي تقنع بيه تالي بالگوه قنعت ..
طلعت من يارا ورحت البيت صديقي نمت عنده ..
#شمس
يتبع..
