البارت العاشر
#حاولت_الهروب
بقلمي #شمس
بدلنا وطلعنا من الفندق .. رحنا للبيت كولها تلگتنا بالهلاهل والرگص والرمي .. ذبحوا جوة رجلي خروف واني خايفه وفارس يضحك عليه تباوعتله شلون يضحك يخبل ..
دخلت لگيت امي ونسوان اخواني حضنتها حيل اشتاقيتلهه .
اتباوعتلي .. ماما بيج شي
شهد ..لا ماما بس اشتاقيتلج .
ماما .. كملتو كولشي تمام ..
شهد .. هزيت راسي وابتسمتلها
صعدتني سمر الغرفتي وتعجبت عليها تخبل سويت كامل .. بس اكو حزن بيه فرحتي ماكامله .. #شمس
سمر .. شهد متقنعيني بيج شي صديقتي واعرفج .. شكو سولفيلي
شهد .. بس توعديني متحجين الأي شخص ..
سمر .. والله مااحجي گولي
شهد .. بجيت واني احجي لج البارحه عافني وطلع ماادري شوكت رجع لان نمت وماحسيت ع روحي الا وهو نايم ع السرير ..
سمر .. وين راح .. اكيد الها مخبلته بسوالفهه .. وتلگيها تتمسكن
لج شهد صيري مثلها واكسبي زوجج . تدلعي وسوي حركات خليه يتقربلج ..
شهد .. ماادري مااكدر افكر احلى ليله بعمري هيج ..
دروحي خلي اغسل وجهي واعدل نفسي لتجي ماما وتشوفني وتبدي تحقيق .. #شمس
للضهر .. صعد فارس تعبان نام تباوعتله وگلت بداخلي . انت الي جنيت ع نفسك استاذ فارس راح العب وياك لعبت توم وجيري . دخلت للحمام وادندن اني صوتي حلو وخليت الباب شويه مفتوح صحيح استحي واخجل بس لازم اتحمل لان زوجي وحلالي واريده ..
فارس .. اني نايم واسمع صوت حلو يغني درت وجهي شهد ماكو طلعت بالصاله ماكو .. تباوعت الحمام مفتوح بابه .. گلت معقوله عايفه باب الحمام مفتوح .. بقيت امشي ع اطراف اصابعي تباوعت ع كيفي وجمدت بمكاني .. مااسولفلكم خرررب هي التفتت اني طفرت للغرفه ..
شهد . حسيت عليه يباوع جمدت وگلبي حيل يدوگ متت مستحه التفتت اريد اقفل الباب لان حسيت نفسي بالشارع وكلهه تباوعلي هو طفر بسرعه ودخل للغرفه. .
اني دخلت للغرفه بالبرنص هو نايم ومخلي ايديه ع عيونه طلعت ملابس وتعمدت ابدل مقابيله وهو يشوفني لا ماادري .. #شمس
بدلت وسرحت شعري وخليت ميك اب ونزلت جوه يم الناس بعدها موجوده ..
تلگتني عمتي ام فارس . هايمه شو عفتي رجلج ..
شهد .. لاعمه خطيه نايم
فارس . هاي البنيه ناويه تموتني دور ماكفاهه الي شفته بالحمام اجت تبدل گدامي اني مخلي ايدي ع عيوني بس فاتحهن شويه واتباوع ولو بيدي اسوي هجوم .. يعني هي مرتي وحلالي صحيح احب يارا بس شي يجذبني الشهد عندها رقه وهدوء يختلف ..
ردت انام مانمت من المنضر كل ساعه اتذكرهه بالحمام ومن تبدل…
بدلت ونزلت .. شفتها گاعده بالصاله تباوعتلي وضحكت ودارت وجهها ..
فارس .. بداخلي تضحكين مو وتلعبين ع اعصابي بسيطه ..
بقينا اسبوع احنا ناس تطب وتطلع ماارتاحينا .. #شمس
ويارا خابصتني وتگلي لتنام وياهه بالغرفه نام بالصاله .. وصدگ بالصاله نمت بالليل ..
شهد .. عافني ونام بالصاله گلت اكيد مايتحمل يمي ..
لبست ثوب نوم كوله مشلح وشعري طويل وبقيت اروح لحمام واجي لو اشرب مي وهو يتباوع تالي نمت بس ماتغطيت ..
فارس .. شردت منها بالصاله وهاي كل ساعه جايه تمشي گدامي والشيطان شاطر وادور المنظر مال حمام لسا ببالي 😂
بردت بالليل طلعت اجيب بطانيه من الغرفه وشفتها شلون نايمه اجيت گعدت يمها شعرها نازل ع وجهها. رفعته شويه وتقربت اشم بي ونسيت نفسي وياها ..
شهد .. اني نايمه فتحت عيني شفت فارس يتقرب مني عبالي بحلم وتقربت منه وحضنته وگولتله فارس احبك لتعوفني وسويت كولشي بنفسي وياه بالحلم وكان احلى حلم ..
فارس .. بس تقربت منها اشو هاي نايمه حضنتني وتقربت مني وگلتلي احبك نسيت نفسي وياهه وصدگ ارتاحيت ونيمتها بحضني ونمنا للصبح .
شهد .. گعدت الصبح لگيت نفسي بحضنه وبوضع 😥 #شمس
اتذكرت بس اني عبالي حلم ..بسرعه گمت ودخلت للحمام .. شلون راح اتباوع بوجهه استحي .. واني تجرأت حيل وياه عبالي بحلم ..
فارس.. گعدت الصبح تباوعت شهد ماهي وتذكرت البارحه حكيت راسي .. اوووف هاي اني شسويت وعدت يارا مااتقرب بس صدگ ليله تموت ..
طلعت من الحمام تصرفت وياهه عادي ودخلت سبحت وبدلت لان لزمت الحسابات وكولشي بشغل الوالد
سلمت ع اهلي وتريگت وطلعت اتصلت عليه يارا .. تعيط. وتگلي بعد مااتحمل الشك يكتلني لازم تستعجل بسرعه ونفذ خطتنا ونروح نتائج واستلمنا وتخرجت واهلي يردوني اجي واني حجيتلهم عنك ومنتضرينا خلال يومين اذا مااخذت الفلوس تنساني ..
فارس .. احبها اليارا ومااكدر اتركها عيوني عميه وگلبي يسمع الها ليش ماادري . ومن جهه بنت عمي الي مصيرها مااعرف شنو وخاصه بعد الي صار ..
ضربت ع راسي هسا لو مامتقربلها كان عندها فرصه تبدي حياتها ..
بعدين تراجعت وگلت اروح وي يارا واهلي يتحملون كولشي مو همه جبروني ..
#شمس
يتبع
