البارت الثامن ..
#حاولت_الهروب
بقلمي #شمس
فارس .. يارا اشو فرحانه .. شتقصدين بكلامج ..
يارا .. شوف حبيبي اذا فسخت هسا ورحنا مراح تحصل شي واصلا شغل ماكو وتعيين هم ماكو فشلون راح نعيش .. الافضل انه تتزوج بنت عمك بس بشرط متتقربلها بس زواج ع الورق .. ومن تستلم شغل والدك والحسابات .. ذيج الساعه نگدر ناخذ الي نريده ونروح منا .. وتفتحلك مشروع بأربيل ونتزوج .. #شمس
فارس .. شنو يعني اسرق ابويه وتعبه يارا .. شنو تسرق حبيبي .. هذا حقك وانت دا تاخذه مو احسن مماتخسر كولشي ..
فارس.. انتي شلون تقبليها اتزوج غيرج عمود الفلوس ..
يارا .. اولا .. اني ماقبلت عمود الفلوس بس حتى نبني مستقبلنا ..
وثانيا .. اني واثقه بيك وادري متحبها لان طفله ومو من مستواك الفكري وتحبني اني ومستحيل تعوفني .. وبوستني وخدرت بين ايديها وقنعت بكلامها عندهه وسيله للاقناع مو طبيعيه .. فرته الراسي وخلتني افكر مثلها ..
#شمس
شهد .. بدأت امتحاناتي واني كولي حماس اخلص امتحانات حتى اتزوج بحبيب طفولتي .. ويصير الي ..
رنا مرات تجي تقرأ ويايه واسألهه عن فارس .. تگولي دا يجهزون للزواج ومشغول ..
فرحت حيل يعني مهتم للزواج ومراح يفسخ مثل مگلي .. اكيد حتتغير مشاعره ويحبني ..
سألتني رنا .. ليش انتو متتخابرون ..
شهد .. لا نتخابر بس اني مشغوله بالدراسه وميحب يأخرني عن دروسي .. كذبت عليها..
وخلصت امتحاناتي ع خير والفرحه خلتني اقرأ واجاوب واكيد حجيب معدل زين.. #شمس
وبديت اجهز للزواج اشتريت ملابس نوم كوله قصير ومشلح حتى اخبله لفارس وخاصه الابيض اشتريته قصير ومفتوح من الصدر حتى يغري باول ليله النا ..
بقينا كل يوم نطلع اني وماما والبنات نشتري ونجهز وهمه هم يشترون ..
ورحنا للصالون صبغت شعري وخصلت خصل شانيل طلع حلو .. #شمس
والبنات هم صبغو وگصوا .. تونسنا حيل لان مابقى شي ع الزواج بس كم يوم ..
فارس .. العد التنازلي بدأ لزواجي من شهد وخايف من هذي الخطوه شلون راح اخذ فلوس من والدي وشلون راح اكسر بنت عمي .. بين اهلنا ..
بس الحب اعمى مثل ميگولون حب يارا عماني .. ومااشوف ولا اسمع غيرها .. احبها مو بيدي
الوالد سوالنا الطابق الفوگ النا مثل السويت او مشتمل غرفتين وحده كبيره وحده صغيره عود الاطفالنا بالمستقبل 😂😂 وصاله وحمام وتواليت ومجهزه من كولشي حتى ثلاجه وتلفزيون بالصاله .. حتى صار احلى من الطابق التحتي .. هذا كوله ..لان راح اتزوج بنت اخوه لو اتزوج غريبه ماكلف نفسه ويسوي هيج ..
بس خليها تفيدهم .. كلها شهر بعد الزواج واطفر .. #شمس
خلصت التجهيزات وحددوا يوم الزواج .. ويارا توصي دير بالك تحلى بعينك وتتقربلها .. عوفها وتعال يمي. واني اونسك بس لتبقى يمها ..
فارس تحجين صدوگ انتي مو گتلج. زواج ع الورق اطمأني ..
يارا .. ههههه مثل العقد وطلعتو راگصين سوه وحاضنها ..
فارس .. تباوعتلها بذهول. وانتي شعرفج ..
يارا .. بعد خطوبتكم اجتي رساله من شهد دازتلك بيها صور واني ضجت حيل ومسحتهم كولهم ومارديت عليها وهذا اكبر احتقار الها .. #شمس
فارس .. يارا انتي دا تخوفيني منج معقوله شفتي صوري ومامهتمه بوقتها وهسا حجيتي .. لعد شلون تحبيني ..
تعاركنا بيومها اني وياهه وهي بالگوه راضتني .. وگالت مردت اضوجك وماقنعت بكلامها بس قنعت نفسي او قشمرتها النفسي لان احبها ..
#شمس
يتبع... .
