البارت الثاني عشر
#حاولت_الهروب
بقلمي #شمس
طبعا المحلات بعد ماانهزم فارس تدهورت وخسرت هوايه بس بابا وعمو واخواني يشتغلون ليل نهار حتى يعوضون الخساره ..
واني التهيت بالتقديم وببالي الدراسه وبس حتى انسى فارس .. #شمس
فارس .. مر اسبوع واني بالفندق گاعد .. يارا عرفتني ع اهلها .. وابوها گلي شاركني ونسوي نشروع بس اني مااقتنعت وگتله انطيني فرصه افكر گضيناهه طلعات وونسات وباليل تبات وياي بالفندق .. من اجينا الاربيل تغيرت بس تريد طلعات وونسات حتى المشروع والزواج نستهم ..
واني بس بقى بالي ببغداد ويم اهلي واريد اتصل واتردد مااعرف بس رقم امي لان الخط كسرته من انهزمنا .. #شمس
حتى شهد مااعرف رقمها ..
شهد . طلعت القبولات وانقبلت طب بالحله .. فرحت لان هناك خالتي متزوجه وابقى يمها حتى ابعد وانسى ..
بديت ارتب اموري .. بس گمت احس معدتي موتتني بس استفرغ ومصدعه دايما .
ماما والبنات لاحظن عليه گالن شكلج مو طبيعي حتى وجهج اصفر لازم تراجعين ..
بعدين ماما صفنت عليه ..
گلتلي بس لا حامل .
اني 😮😮 استغربت وشكيت اي صار شهر ماكو وتذكرت ذيج الليله ..
گلتلها ماادري يمكن
ماما .. العصر نروح نسوي تحليل ونتأكد .. #شمس
رحنا العصر للمختبر حللنا .. واني ادعي يارب مااطلع حامل مااريد طفل واني بهذا الوقت ..
وطلعت النتائج وگلولي حامل گمت ابجي وحضنت ماما . قبل شويه ادعي ربي مااطلع حامل .. بس من گلولي حامل فرحت مااعرف ليش يمكن حتى يذكرني بفارس او اني لسا احبه بعد كل الي سواه ..
رجعنا للبيت وماما بشرت بابا واخواني والبنات وفرحوا ..
بابا . اتصل ع عمتي وخبرها وفرحت كولش .. وطلبت تشوفني ..
رحت شفتها وتگلي الله عوضني بهذا الطفل اصرت ابقى يمها بس گولتلها اني حسافر للحله لان طلعت قبولاتي هناك .. #شمس
اصرت ااجل السنه وابقى بس ماقبلت .. مااريد شي يرجعني للخلف حتى طفلي بالعكس نطاني القوه انه اكمل واوصل حتى اوفرله الحياة الحلوه ..
فارس .. تعاركت وي يارا وگلتلها انتي جبتيني لهنا عمود الفلوس لو تحبيني كان طلبتي الزواج. بسرعه صارلنا كم اسبوع وانتي بس تردين تطلعين ووتونسين والمفروض انتي الي تلحين ع الزواج خاصه بعد الي صار بقت تعيط وتبجي وگالت يالله خلينا نتزوج بسرعه ونعيش سوه ..
وصدوگ طلعنا شفنا شقه اجرناهه وفتحت محل ملابس بمجمع هم اجرته وباقي الفلوس اشتريت بيها بضاعه وجهزنا للزواج . #شمس
شهد .. حضرت كولش وسافرنا للحله اني وبابا وماما توصي بخاله وخاله گلتلهه بعيوني . نطاني بابا فلوس واتفق وي جيران خاله عنده خط يوصلني ويرجعني . رتبوا كولشي وماما گالت راح اجهزلج منا للعطله وتجين تولدين عندي .
داومت اول يوم واني كولي طاقه واصرار ماخليت فارس
يكسرني .. تعرفت ع بنيه حبابه اسمها ولاء من الديوانيه ورده وتطورت علاقتي بيها وسولفتلهه قصتي وانقهرت عليه .. بس گلتلي خوش سويتي من مخليتي يكسرج ..
ولاء .. ولسا ماعرفتو خبر عنه ..
شهد .. لا حتى يمكن مايعرف ابوه توفى . #شمس
ولاء .. زين اذا اجه فد يوم وراد يرجعج او يريد ابنه او بنته ..
شهد.. هههههه مستحيل اصلا بس يجي ارفع دعوه عليه ولو هو اذا عرف ابوه توفى بسببه مستحيل يبقى ..
بقت حياتي مقتصره ع الدراسه والكليه وطفلي الي لسا مااعرف جنسه بعده صغير .. #شمس
فارس .. تزوجنا اني ويارا بحفله صغيره .. وصرنا ببيت واحد بس مشاعري متغيره من ناحيتها من اتقرب منها اتخيل شهد وعطر شهد مو مثل قبل كنت مشاعري كولهه اليارا . دايما اطلع العطر واشم بي واتذكرها ..
اهل يارا كولش طماعين .. كل يوم عدنا وعشاهم وطلعاتهم عليه حتى ماعندي خصوصيه وي زوجتي وبدت مشاكلنا تكثر .. بسبب هذا الشي هي تحب اهلها وشيردون تسويلهم واني امكانيتي محدوده هو بس المحل وياللة مطلع مصاريف يارا ومصرف البيت ..
#شمس
يتبع
