ملاك من السما

2

#ملاك_من_السما
الجزء الثاني
بقلمي همسات الليل(ام آيه)

سولاف:امي كامت تنتبه اني  كبرت وحلويت..
وكم مره عباس يحجي كدامها ويكول اني طالعه حلوه مطالعه على امج واهلها..
وامي جانت تضوج واحسها تغار وكامت تشد ويايه ،،وبس كاربه شغل عليه واني سادس ودراستي صعبه..
عباس بده يهتم بيه من وره امي واني اصده يسمعني حجي واني مغلسه ونظراته متفاركني وحتى كام يجيبلي هدايه واني مااخذها وكمت اخاف منه حتى من انام اقفل غرفتي ..
ردت اكول لاامي بس ادري بيها تحبه وخفت متصدكني ويأذوني اثنينهم
وصيت ميس جابتلي سركي لباب غرفتي ودكيتها بالباب من الداخل  والمفتاح هم موجود حتى اكون مأمنه على روحي اكثر..
امتحنت ونجحت وانقبلت كليه زراعه .
ميس خطبها ابن عمها عادل واتزوجت لان جانت تحبه وكالت زواجي من حبيبي يسوه الكليه والدوام..
فرحتلها صحيح بس انقهرت بداخلي لان ثاني شخص احبه يعوفني بالاول ابويه الله يرحمه وهسه صديقه عمري ميس..
جان اكو بيناتنه كل فتره اتصال (من دخلت كليه جابتلي تلفون نوكيا وخط لان تعرف مااكدر اشتري)رغم امي ورجلها شايلين ابواللمس ماعرف شسمه وشلون يستعملوا..
هدته الي وكالت شوكت متحسين نفسج تعبانه ومحتاجتني خابري الله عليج..
داومت كليه ودخلت عالم ثاني غريب وحياه الكليه غير الاعداديه لبس شكل والشعر والمظهر ..
بس اني مغيرت شي بس رتبت نفسي على البساطه وحمره ورديه
جنت من امشي بالكليه احسن بنظرات الولد اليه بس مااهتملهم وعلاقتي جانت سطحيه ومحدوده بطلاب شعبتنه..
ويايه طالب بالشعبه منتبه يبقى يباوعلي من افوت واطلع بالشعبه بس اني ابد محاسه تجاها بشي مع العلم مبين مؤدب وتصرفاته تختلف عن الباقين..
المشكله بيه اني ماحب مجتمع الولد بسبب عباس..
جانت صيف وحاره رجعت للبيت روحي مفرفحه سبحت ولبست دشداشه خفيفه لان مشفت امي وعباس بالبيت..
واني داسوي اكل الي بالمطبخ لان امي تاكل هيه ورجلها اهم شي واني ماهمها،
الحمدلله جان الله هاديها وتنطيني مصرف ولو بسيط بس مقضيني يادوب مكفي روحتي وجيتي ولبسي (ملابسي جانت من الباله وحتى احذيتي)..
دسوي بتيته وبيض ،طبعا اني عايشه على البتيته والطماطه والبيض ..
لالحم ولادجاج لان الاكل الطيب الهم واذا رادوا يضمولي فيبقولي الفضاله..
اتعجب على هيج ام بحياتي مشايفه مثلها ابد متحن عليه..
كملت اكلي وداغسل المواعين وسمعت امي ورجلها اجوي واني لابسه خفيف راسا فاتو للمطبخ وعباس بقى يتفحصني بعيونه القبيحه وامي تباوع وتغلي
راسا رحت اركض لغرفتي وقفلت الباب..
وره فتره اندك الباب جانت امي وفتحتلها
امي :شنو هاللبس بعد البسي شي مستر انتي مو وحدج بالبيت..
مره نايمه وحسيت اليده مال الباب دتنفتح وبقيت خايفه بس اني قافله بالمفتاح والسركي وحاطه جوه مخدتي ساطور لان ماأمن برجل امي..حاول يفتح الباب بس مكدر..
تعبت اعصابي لان عرفت بده الشيطان يوسوسله
وبيوم من الايام لا اول مره جايب بيها كباب وصاحني وامي مقبلت اكل،
اسمعها تكله عوفها هيه تسوي اكل وتاكل .
صاحني كم مره يله جيت ومن فتت امي صاحتني كالت تعالي كعدي يمي..
مو حابتني بس علمودعباس ميباوعلي لان بصفها،
راح للمطبخ واجه جايب كوابه عصير وانطانه..
اكلت نص شيش ومكدرت اكمل لان خايفه منه وامي حاستها بس تريد تصرفني مع العلم مضايكه كباب سنين من جان ابويه عايش
جنت بس اشم الريحه بالشارع واكل باقي الخبزه ام الدهن الي يفضلوها امي ورجلها
امي بده راسها يثكل واشوفها مثل الدايخه مهتميتلها لان ماكو حنيه بيناتنه بسببها،توقعت ضغطها لان هيه عدها ضغط
كمت من الاكل وفتت لغرفتي تحججت عندي امتحان وقفلت بابي ونمت..
بنومتي تقريبا ساعه 2 بالليل اندكت باب غرفتي وبعصبيه
عباس:سولاف كعدي امج متخربطه ويمكن بيها شي دنوديها للمستشفى
سولاف :وبدون ماحن عليها ،يعني اني شسويلكم روح وديها انت

عباس :لج لازم ترحين ويانه علمود بالسيطره ميحجون..
سولاف:امري لله ،لبست تنوره مستره وقميص وفتحت الباب داطلع وبفتحته ماحس الا واحد هجم عليه وقفل الباب..
عباس:احبج سولاف واني ماكدر اتحمل بعد،انطيني نفسج واعيشج ملكه وامج اطلكها
سولاف:ادفع بي وابجي واني منهاره وخايفه هو ضخم عبالك وحش وجان فاقد وعيوني تخوف،
شمرني على الجربايه وشكك قميصي وشواربه القذره بركبتي اقاوم ومااكدر ،الله شجعني ومديت ايدي جوه مخدتي وطلعت الساطور وضربته براسه ودفعته بالكاع وبديت اضرب براسه بدون وعي ودمه سال بالغرفه واني بغير عالم واسمع امي تدك بالباب وتصيح واني بس ابجي،مشيت للباب واحس روحي مخدره وكوه فتحت الباب ..
الام:من تعشينا راسي ثكل و وراها محسيت بشي،حسيت على صوت صياح كعدت وشفت عباس مو يمي وكمت بوجهي لغرفه سولاف ادك ومتفتح سمعت صياح وبجي واني ادك واصيح لج فتحي والباب انفتحت وشفت عباس بدمه
سولاف:هجمت عليه وضربتني تكلي شسويتي الله لايوفقج انتي غويتي هو يحبني وميعيش بدوني
والله الا اموتج بيدي وكامت تضرب بيه وتخنكني واني دفعتها،كمت اصيح بلاوعي تبجين على واحد اعتدى على بنتج انتي شلون ام مايوم حسيت بحنيتج ليش هيج سويتي بيه
الام:اني.......

#تابع