ملاك من السما

5

#ملاك_من_السما
الجزء الخامس
بقلمي ام ايه
همسات الليل(ام آيه)

حيدر:بيت العروس ناس معروفين بالنجف
هناك بالمشيه شفت صديق الي باايام الاعداديه اني انقبلت كليه عسكريه وهو قانون ...
حيدر:السلام عليكم حضرتك مهند لو اني غلطان
مهند:اي اتفضل ،اذا الله ممجذبني انت حيدر
حيدر: اي هو
مهند:لك هله بحيدوري الورد مشتاقين..متغير وصاير شايب ...لتصدك بعدك شباب اشو صغران واحلى من قبل صاير
حيدر:فرحت بشوفه صديقي وعرفت صاير محامي..
وفرح بيه لان صرت ضابط وتبادلنا الارقام..
صارت مشيت ناصر واتفقوا على امور الزواج..
ومرت الايام ورجعت للدوام وبقيت اشوف سولاف من بعيد..
كلبي وروحي مفرفحه عليها وعقلي يرفض الروحه الها..
ظليت عايش بصراع بين عقلي وكلبي..
واخر شي غلبت العاطفه على العقل..متحملت بعد ورحتلها ...
سولاف:عدت ايام بالسجن اليوم بسنه عليه بس شسوي لازم اتعود هذا عمر ولازم ينكظي..
بديت اختلط شويه بالبنات بس ماعمق لان هوايه ..واشكال والوان وكلمن وتفكيره واسلوبه..
فقدت الامل بمساعده الضابط الي وقررت اسلم امري لله...
كاعده بالظهريه بساحه السجن ولمحت الملاك مالتي .
وحسيت الدنيا متوسعني ولو بيدي اركض بحضنه
ظليت بمكاني وارقب وكام يتقدم بااتجاهي ممصدكه الى ان وصل يمي..وسلم
السلام عليكم شلونج سولاف شنو اخبارج
الحمدلله سياده الضابط
احجي وحيلي يرجف بخير اشكر الله.
حيدر:والله العظيم من شفتها انكلب كياني ..
شدتسوي بيه هاي البنيه ،خرب حظي بحياتي كلها محبيت ومن دك كلبي ..دك الوحده حياتها كلها بالمكلوبي..
حيدر:ان شاءالله اني على حجايتي واساعدج اذا الله راد بس صبريلي شويه لان يرادلها صبر...
سولاف: بهمس رحم الله والديك والله يستر على شبابك ..ويرزقك بنت الحلال
حيدر:ضحكت ...امين بس عندي وحده(بله اني شكتلها وشخربطت...اهو...
يله حتى متتعلق بي وبلكت اني اصحى شويه)
سولاف :صدمني بس محسسته...الله يسعدكم ويرزقكم الذريه صالحه
حيدر :الحمدلله عندي 3 بنات اكبر وحده ثالث متوسط...
سولاف:شكد فرحت بشوفته شكد مااتكطعت من الحقيقه الي عرفتها بخصوص حياته....ماشاءالله بس ابد ممبين عليك
حيدر:اي كلهم يكولون ..لان اني تزوجت صغير ..
سولاف اني رايح وعلى وعدي ان شاءالله..
سولاف:من راح من يمي بقيت منقهره وبجيت بحركه ..وصحيت على روحي..(واحجي ويه نفسي
سولاف شبيج اتخبلتي شلون يحبج وانتي مجرمه..هاهيه الرجال ديساعدج شفقه اصحي على روحج)
حيدر:كاعد بمكتبي والف حسبه براسي ..
السالفه ورطت نفسي بيها ولسه مااعرف شلون راح احلها...
وصافن واجه على بالي مهند..
حيدر:اي وربي اني شلون راحت من بالي ..حاير ومسطور والحل عندي..اخابره وبلكت يكدر يسوي شي...
حيدر:دكيت على تلفون حيدر وجاوبني
مهند:هله والله بالغالي مشتاقين
حيدر:هله بيك هنودي الداع اشوق...محتاجك بشغله وان شاءالله متفشلني
#اماسي_الليل
مهند:ادلل اغاتي واعتبرها مكظيه
حيدر :السالفه ومابيها اكو بنيه سجينه عندي (وسالفتها............................)
مهند:يمعود ابو رواسي اعتبرها مكظيه..
راح اكعد امخمخلها وحتى راح اشتغلها لله لان يتيمه ومن طرفك..
حيدر: دتخجلني ياغالي... جزاك الله خير ماانسالكياها
ومردوده بالخير ان شاءالله
مهند:شوف يايوم من تنزل لاهلك ومن تريد ترجع للشغل خابرني اجيك ابات يمك ونتوكل الصبح لبغداد..
حيدر:يصير خير ابو حمودي اودعناك .
مهند:الله وياك..
كطعت دوامي ونزلت يومين...
وصلت البيت متعود كبل اطب للحجيه اول..
حيدر:هلا يمه شلونج حبيبه
ام حيدر:هلا بشمعة بيتي هلا بالغالي هالمره جاي بسرعه
اي والله حجيه عندي شغله يومين وارجع
ها بيها الخير الله يوفقك وليدي..
شلونج يمه خو ما رجع اصبعج الجبير التهب ..
لا وليدي
اشو خلي اشوفه والله مااتحمل يصيرلج شي حبيبه كلبي..
يمه الله يحفظك لشبابك وميحرمني طبتك ويرزقك وليد الي يشل اسمك
الله كريم يمه الحمدلله بس الله يوفقني اربي بناتي صح واطب من وراهم الجنه..
يمه الله يعنك ويقدرك بترباتهم ...
بس وليدي لازم ولد من صلبك يشيل اسمك ويحيي ذكراك وعمرك طويل وليدي...
الله كريم يمه هسه انطيني جهاز السكر دقيسلج سكرج..
يمه مرتك ماقصرت قبل لتريكني قاسته وطلع 300 وريكتني وضربتني انسولين.
حيدر: والله دمرني هالسكر مينزل ولايهمج حجيه ذكرولي طبيب باايران بس اجمعلي جم فلس اوديج بعيوني..
ام حيدر:يمه ريتك سالم يالحنين ..والله سكري يبقى معلك الما اشوف ولد يشيل اسمك..

حيدر:حجيه الله كريم...
رهف:هلووووو بابا
هله هله برهوفه لازم شفتي سيارتي وجيتي حبيبتي اوف شهالشمه والريحه الحلوه...
يله يمه اروح اسبح ونجي نتغده وياج...
ندى:هله حيدوري حمدلله على سلامتك شنو هالمفاجئه الحلوه...
موزين ارجع ..
لاعليك الله ...
يمه اليوم بلياك عليه بسنه نورت بيتك....
ندى بين مااسبح حضري الغده ميت جوع دنروح نتغده ويه الحجيه..
من عيوني...
🌸🌸🌸🌸🌸🌸