ملاك من السما

11

#ملاك_من_السما
الجزء الحادي عشر
بقلمي همسات الليل( ام آيه)

سولاف:كملت شغلي وحطيت الغده على النار وكملته وجتي الحجيه ام ناصر
ام ناصر:وينكم يااهل البيت فتحولي نارالدنيا
سولاف:تفضلي خاله زارتنه البرك
صبيتلهم الغده وشربنا الجاي وعفتهم ياخذون راحتهم واترخصت اروح امدد بالغرفه
ام حيدر:ها ام ناصر شلون شفتي البنيه،والله بنتي مدارتني مثلها
الدوه والاكل وحتى السبح هيه تسبحني والبيت شوفة عينج ريحته تخبل وينكط ورد صار اسبوعين يمي مشفت منها العيبه
ام ناصر:والله خيتي شنو اكلج مبين واضح كلشي مسويته وهي الصدك طب بالكلب وتنعجن بي
بس تعالي يخيتي اني سرج يمي بير شنو سالفتها
ام حيدر:والله ياخيتي السالفه ومابيها البنيه يتيمه (وصار............)
ام ناصر:سوده عليه شكد شافت قهر وضيم الله يعينها،
تدرين ترى وليدج عاشكها ..
ام حيدر:والله يابنت امي وابويه اني هم هيج اكول
ام ناصر :ليش متزوجيهيا وتجيبله الولد وتبقى عندج وتداريج
ام حيدر:والله السالفه بالي بس خاف يخجلني من اكله تدرين هو يحب بيته
ام ناصر :خليها عليه اني هسه اكولج شتسووين ونعرف يعشكها لو لا
سولاف:اجا خالد يومين كلش حباب
كاظي وكته كله بالغرفه وعرفت من خاله يحب وحده ويريد يزوجها من يتخرجون
اجا وراح مشفت منه العيبه كلش محترم
مرت الايام وحيدر صار انذار وطول 22 يوم ياله نزل مجاز.
حيدر:شعلوا اهل اهلي ياله نزلوني
نزلت ومنطيت علم بالبيت راح اجي..مشتاق لامي ولبناتي ولندى..بس سولاف ميت على شوفتها.
وصلت البيت وطبيت على امي كبل ،وصارت سولاف بوجهي
حيدر:شلونج سولاف،خرب اصلها شلون حليانه بنت اللذينه لو تلبس كونيه تطلع كمر..
اهلا ابو رواسي حمدلله على سلامتك.
الله يسلمج،وين الحجيه
جوه بالهول
حيدر:هله يمه مشتاكلج حبيبه احظن واشمشم بيها واباوع على سولاف داتخيل احظن بيها..
الحجيه:يمه وين شو طولت هالمره بالي يمك ..
حيدر:والله حجيه انذار شسوي ..شلونها سولاف وياج خو مامضوجتج احجي وابتسم لسولاف
الحجيه:رضاة الله عنها،بنتي مداريني مثلها
والله بكل صلاه اندعيلها يرزقها باابن الحلال الي يسعدها.
والله استجاب دعوتي،وناس رايديها،انتظرتك تجي واخذ رأيك
حيدر:ضربتني بسيف عبالك،معرفت احجي،كتلها يصير خير اروح ارتاح ونحجي بعدين
سولاف:روحي فرفحت بشوفته،بس خاله قهرتني من تكوله ناس رايديها
اتلكتني ندى والجهال (Om Ayaa)ولعبت ويه رهف شويه ورحت دانام
ندى: احجي بداخلي اوف الفراك شلع كلبي صار 22 انشعلت شعل،اليوم الا اخبله لحيدوري
حيدر:امي كلبت مصاريني بهالسالفه،تندمت نزلت حتى مفرحت باجازتي،اتكلب بالفراش مسوي نفسي نايم
ندى:حيدوري اكعد مشتاقه

حيدر:ندى تتحارش بيه وتحضن واني مو يمها واخرشي بجت، انت ممشتاقلي ومتغير صارلك فتره،كعدت كتلها جنت نعسان
ندى:والله داحسك بس جسمك يمي وبالك مو هنا،جنت من تجي شتسوي بيه ومتلهف وهسه احسك تريد تبتعد،صالحتها وانطيتها حقوقها ونمت..واتكلب بفراشي ..شلون ياربي شون حتصرف اذا انخطبت..بقيت للفجر اتكلب وانسطرت من التفكير ونمت.
الحجيه:يمه سولاف شو حيدر مااجه تغدينه وصار العصر ومبين،صيحيلي على رهف بصوتج
اي خاله ادللي
رهف رهوفه
اي خاله سولاف اجيت
حبيبتي تعالي شوفي بيبي تصيحج
حيدر:كاعد بالهول وسمعت سولاف تصيح على رهف ،اشتعل عمج على هالصوت
ها بيبي شتريدين
يمه رهوفه كوليله لاابوج بيبي تريدك بشغله
اي بيبي
بابا بابا بيبي تريدك بشغله
اي باباتي راح اروحلها
ندى:اوكف حيدر اجي وياك اليوم مرحتلهم
حيدر:ندى كعدي دزت عليه اريد اشوفها واجي ممنوع تجين
حيدر:هايمه شلونج حبيبه
هلا حيدوري شو مبينت اليوم
والله منمت للفجر وبقيت نايم قبل شويه كعدت تغديت ودشرب بالجاي ودزيتي عليه حتى مكملته
الحجيه:يمه سولافه استكانين جاي جيبي
سولاف:شلونك ابو رواسي
هله بسولاف شلونج
الحجيه:اراقبهم اثنينهم من جوه الجو النظرات،اني اعلمك يبن بطني
سولاف:حسيت خاله عدها حجي ويه ابنها سحبت نفسي ورحت داحضر كبه للعشه
الحجيه:حيدر يمه هاي البنيه ذهب صافي ومداريتني مدارا الله يرضه عليها،بس يمه اني مدايمتلها ومن يجيها نصيب زين لازم انطيها خطيه
حيدر:زين الياخذها ميريد يعرف منين مامين
الحجيه:يمه الياخذها منا وبينه مو غريب
منو يمه،منو طب البيت بغيابي
محد طب غير خالد اخوك
شتقصدين يمه خاف تقصدين خالد
لاوليدي اخوك عاشك وحده ويا بالكليه ومياخذ غيرها
لعد منو تقصدين منا وبينا

وليدي خالتك ام ناصر خطبتها لمؤيد ابن حماها اليتيم العايش وياها،جتي وشافتها شلون مراعيتني،وكلتلي نخطبها لمؤيد واثنينهم ايتام ونكسب اجر ومتروح بعيد تبقى بيت خالتك وخالتك عرفت سالفتها كلها
حيدر:امي تحجي واني اغلي وساكت
هايمه شتكول ترى الولد ميتفوت تربات خالتك
حيدر:يمه مادري عود اردلج الجواب ،هسه لازم اروح اسوك،خل سولاف تكتبلي النقص العدكم وتدز بيد رهف،
اني رايح
الله وياك وليدي..
اخ اخ ابن بطني غركان فرد نوب..
حيدر:والله امي ناويه تجلطني ،شلون جبت قهر ياربي لنفسي...
ثاني يوم رحت اسلم على الحجيه وهم فتحت الموضوع..واني ثولت
اخر شي دزت عليه الصبح

🌸🌸🌸🌸🌸🌸🌸🌸🌸🌸🌸🌸