#ملاك_من_السما
الجزء الثامن
بقلمي همسات الليل( ام ايه)
النطق بالحكم
قررت المحمه بالحكم على المتهمه سولاف سعدون حقي بالبراءه...
سولاف:من سمعت الحكم اغمى عليه ورشوا مي بوجهي ومن صحيت..شفت ميس والضابط والمحامي..اني ابجي وميس تبجي
ميس:الحمدلله حبيبتي ربج ميرضه بالظلم طلعت براءتج...
المحامي وحيدر :كملوا الاجراءات ..وهسه سولاف حره
حيدر:شكد فرحان براءة سولاف شكد ما حزن جبير بكلبي لان لهنا وينتهي كلشي
شكرتني سولاف وبقت تدعيلي وتبجي.
اني اسمعها وكلبي ينزف شلون راح افاركها ومااشوفها بعد...
حيدر:سولاف شراح تسوين هسه من تطلعين
سولاف :بعد اذن ميس اروح اليوم وياها وبلكت اشوف ميتم لو دار عجزه اشتغل بي..
ميس:بتلعثم..ها اي اي بعيوني احطج
حيدر :ممكن احجايه وحدنا
سولاف:اتفضل
حيدر:سولاف هذا رقمي ورقمج عندي واي شي تحتاجي خابريني الله عليج...
وهذا مبلغ بسيط مشي حالج بي
سولاف:اخذت الرقم وشكرته ،
كتله اني ماعندي بس الله وانت..بس الفلوس اعذرني مااكدر اخذها.
اعتبريها دين ومن تشتغلين وفيني
اذا هيج اقبل شكرا على كلشي..
وصار وكت الفراك
حيدر:يله سولاف اتمنالج الموفقيه واشوفج بخير
سولاف:مع السلامه وبصوت ناصي يااروع انسان
حيدر:ودعتها بدون ماباوع لان روحي تكطعت على فراكها...واني ماشي وسمعتها تكولي اروع انسان..
حيدر:طلعنا من المحكمه ومهند طلب اوصله للكراج ديطلع للنجف وصلته وشكرته وبالطريق بين عليه ضايج لان بس ساكت فاجئني مهند بسؤاله
مهند:انت تحبها
حيدر :انصدمت مكدرت اجاوب
مهند:حبك فاضحك
حيدر:بس منتوالم عالمنا ميرحم
مهند:الحب يجي مره وحده وانته روحك بيها لتضيعها..
حيدر :عيوني مدمعه وساكت ..صعدته لمهند بسيارات النجف وراح...
واني كملت طريقي راجع للسجن
مكدرت ارجع وهي مو هناك..دزيت رساله لضابط تحسين كتله اخذلي اجازه 5 ايام الحجيه متخربطه...
رجعت للبيت كبل لبيت امي مكدرت اطب لبيتنا خفت لتنتبه ندى اني ضايج ..وتظل تلح واني تعبان ومالي خلك دوخه راس..
الحجيه:هله يمه وليدي هله حيدوري نور البيت بيك
حيدر:هله بيج حبيبه
الحجيه:يمه اسم الله اشو مو على بعضك وحاستك مهموم خير ان شاءالله..
حيدر: يمه مابيه شي شويه مشاكل بالشغل..واني جيت كبل تعبان ومرحت للبيت من السؤال والجواب
الحجيه :اصلاندى راحت اليوم لبيت اهلها وكالت المغرب ترجع
حيدر:اي صحيح خابرتني الصبح وكتلها روحي
نمت بيت الحجيه وحتى غده ممشتهي اكل ..نمتلي ساعتين وكعدت وستلمتني امي..
حجيه:صح النوم حيدوري
حيدر:صح بدنج يمه
الحجيه:وليدي اني ام من اشوف ضنايه مقهور ابقى اكل بكلبي..يمه واني القهر يرفع سكري..وانت مترضاها
حيدر:اسم الله عليج يمه..لتكولين هيج..
بقت امي تحجي ويايه بحنيه وبعد متحملت لان القهر كاتلني..وكتلها على سولاف..
الحجيه:يايمه كلبك محترك هيج عليها سوده عليه ..راحتك بيدي...
حيدر:شلون يمه الله يخليج
الحجيه:جيبها هنا يمنا
لايوم شلون اجيبها مترهم وندى شلون
الحجيه:جيبها الي
شلون يعني
الحجيه:ممرضه الي هم تداريني وهم نكسب اجر من وراهااا مادام يتيمه ومظلومه..
ياريت يايمه بس شنكول للناس ولندى ؟؟؟
عود اني ادبرها ..
بس جيبها ومعليك...عود لمن تجيبها واخابر ام ناصر خالتك واتفق وياها
حيدر:متحملت طرت من الفرح وروحي رجعت الي ..امي اختصرتلي وسهلتي هوايه...
متحملت دكيت على سولاف..
سولاف:رحت ويه ميس ورجلها..رجلها حباب بس حسيتهم منحرجين...
من وصلنا لبيت ميس ساكنه ويا عيالها...
الناس رحبوا بيه عمتها وعمها مبينين حبابين..وميس فهمتهم راح ابقى يومين يمهم لان عساس بيت اهلي بالمنطقه
ديدورون على ارهابي واني اخاف لان عايشه وحدي...
ميس نطتني هدوم وسبحت،، ومن دروح لغرفتها سمعت رجلها يكوللها لازم نشوفلها حل ميصير تبقى يمنى اهلي يحسون،،
ميس:والله ياعادل مااعرف شكلك
عادل:من باجر اطلع اشوف ميتم لو دار عجزه وبلكت يشغلوهاااا
سولاف:سمعتهم وابجي وحقهم العالم ..
الوكت صعب ومحد يتحمل مسؤليه احد بهالزمن..وهمه خلف الله عليهم ماقصروا ابد ويايه..
دك تلفوني رحت داشوف منو ..واتفاجاءت مكتوب
ملاكي يتصل بك
رقم حيدر مسجلته ملاكي
فرفحت روحي من الفرحه ومتلهفه اسمع صوته
فتحت الخط وجاوبت..
🌸🌸🌸🌸🌸🌸🌸
همسات الليل(ام ايه)
أنت تقرأ
ملاك من السما
Romanceالقصه تتحدث عن فتاه عاشت في البؤس وساقها القدر الى السجن.. وبين كل الصعاب الي عاشتها ظهر لها ملاكها المنقذ اتركم مع الاحداث
