ملاك من السما

14

#ملاك_من_السما
الجزء الرابع عشر
بقلمي همسات الليل(ام ايه)

حيدر: خابرتني سولاف
سولاف:شلونك حبيبي
حيدر:هلا بهالصوت الحلو شلوني حال الضيم حالي راح انفجر من الاشتياق فراكج دمرني بي اشتياق مو طبيعي راح اطلعه بوحده من السجينات
واضحك
سولاف:لا حيدر لتحجي هيج عابتلك ترى اضوج اني من ندى وامووت الف موته
سولاف:عبالي اكلك شغله بس خربت واهسي روح زاعلتك
حيدر:اشتعلو عشيرتي لتدلعين وتتنعوصين ترى هسه اطلعلج من التلفون
سولاف:لهالدرجه مشتاقلي
حيدر:لج بابا راح انفجر اذا المدير منزلني هاليومين اسمط ابو ابو..
سولاف:انت فدمره طالعه عيونك حيدوري ومتستحي
حيدر:من وراج ظلتلي عيون، بقالي عقل، نسيتيني اسمي، راح اموت بسببج
سولاف:اسم الله عليك لتجيب طاري الموت اتشائم..
حبي دودي اني حامل
حيدر:هله هله هم دودي وهم حامل وتريدني ماانجن..
سوسو اموت على ربج الخلقج ..اليوم انتظريني بس اجيج..

هسه افوت للضابط افر راسه بسالفه واجيج
حيدر:كوه حصلت اجازه اليوم والصبح ارجع رحت بقيت سيارتي يم صديقي بالغسل وفتت العصريه كبل على بيت امي سلمت وكتلها يوم ندى متدري بيه جاي فايت على سولاف
حيدر:فتحت الباب ولكيت كتكوتي نايمه وجنها الملاك ولعبت بشعرها واتلمسها وطبكتOm Ayaa شفافي عليها وحست انصدمت وفرحت..بقيت يمها 3 ساعات عوضتها فتره غيابي
حيدر:يله حبي كافي رايح لان الصبح ارجع من وراج انشلع كلبي
ديري بالج على نفسج وعلى ابني
سولاف:كملنا التلفون وكلي اليوم اجي بس اتصورته ديشاقه..
تغدينه اني وخاله ولملمت وطبيت اتمدد بالغرفه..
وماحس غير بلمسه حيدر
تصورت حلم بس بعدين حسيته حقيقه..
شنو احجي عنه، بحر رقه وحنان، وبس يبوس بطني عبالك اول طفل اله..الله لايحرمني منه...
ندى:هله برجلي شنو هالمفاجئه شجابك
حيدر:جيت داخذ مسجونه من الحله والصبح ارجع..
بشرفج حضريلي الحمام لان تعبان واريد انام..
...
مرت الايام...
الحجيه :يمه سولاف راح اطلع حجايه انو رجلج طالع تهريب للخارج وغركان بالبحر ...
يمه علمود نحل سالفتج بسهوله...شنو تكولين ؟؟؟
الي تشوفي خاله...
سولاف:طشت السالفه الحجيه ...وندى جن اجنونها ورجعت الغيره والمكايد ويوميه جايبتلي خطابه
وصرت حامل 6 اشهر وبطني كبيره كلش...
ندى: اكلج تروحين اوديج نسوي سونار
سولاف: ماكو داعي..كل شهر اروح للمستوصف تجيكني الدكتوره وتنطيني مقويات ماكو داعي...
ندى:بكيفج عبالي اوديج

ندى:سولاف لتفهمين كلامي غلط ..
بس ابنج من ينولد غير يريد اب على راسه وهو خطيه يتيم..فصار لازم تزوجين احد يربي ابنج
سولاف:كم مره كتلج اني اربي بوحدي وربج ميكطع
ندى:براحتج
خابرت ندى على اختها هدى
ندى:شلونج هدى يولي ترى اني نفسيتي ادمرت وبس اريد اشلع هالعله الجتني من البيت دبريني شسوي..
هدى:والله شمدريني،
سويلها سالفه وبوكيها بلكت تطلع من البيت
ندى :خوش لعد ..هسه ادبرلها سالفه وبلكت تولي وارتاح..
هاي اذا جابت الولد باجر ،خالتي تطمع بيها وتكول عليها بطنها تشيل خير وتزوجها لحيدر..
ندى:ظليت افكرلها بسالفه الما وصلت للحل...
مال اتهمها بايكه شي من بيتي لا مو راهمه لان متفوت لبيتنا...
بس ابوكها بشي من بيت عيالي ارهم..
سولاف:مرت كم يوم واجه حيدر وحبنا يزيد واهتمامه بي يكبر بس كام يضايق من بطني ..لان تعيقه ههههه...
ندى:باجر جمعه راح اسوي باجه وانت اشوي سمجه جبيره علمود نتغده يم خالتي..
حيدر:اي خوش فكره ...
استغربت لان ندى مسوتها ومااكلنا سوه بيت امي من طبت سولاف للبيت..يله الله يقرب البعيد..
سولاف:كعدت الصبح نظفت ولملمت ماعندي شي لان الغده راح يجيبوا بيت حيدر..
كلت افوت اتمدد شويه
سولاف:فاتتلي رهوفه كلش محبوبه واحبها لان دمها على ابوها بقت كاعده يمي تلعب هي من تجي يمي تحب تفوت جوه جربايتي لان حديد وعاليه وتحب تلعب بيت بيوت لو ترسم
سمعت صوتهم طبوا كمت علمود نصب الغده
رهف:خاله ميخالف ابقى العب جو جربايتج
اي حبيبتي ابقي..عفتها وطلعت
سولاف:سلمت عليهم ورحت للمطبخ ولحكتني ندى
هي بدت تثرد بالخبز وصبت الباجه وتوصخت ايدها وراحت تغسل واني حضرت الزلايط و السمجه
ومديت السفره ورواسي وعذراء رتبوا المواعين لان اني فد مره ثكيله حركتي..
ندى:داصب بالباجه تعمدت وصخت ايدي
وكمت اغسل نزعت محبسي على اساس عفته على المغسله واني اخذته بسكوت طبيت وحطيته بكنتور سولاف وطلعت..
سولاف:كملنه الغده وغسلنا المواعين وشربنا الجاي ..
وحيدر حبيبي متمدد على القنفه ويباوعلي من جوه الجو ويغمز لو يعضلي شفه..
واني بداخلي خربانه من الضحك
ندى:عزه العزاني وين محبسي شو مو بيدي
الحجيه:اكو وحده يوكع محبسها ومتحس بي
ندى:ها.... لاخاله شلون ماحس،
اتذكرت من غسلت نسيته على المغسله هسه اروح اجيبه..
سولاف:كلبي لعبني لان هيه حاطتني براسها بقيت بمكاني وجان نسمعها تعيط
ماكو كلبت الممر والمغسله وماكو حتى بسله الوسخ مال مغسله دورت..
🌸🌸🌸🌸🌸🌸🌸
اوقات ممتعه