#ملاك_من_السما
الجزء السادس
بقلمي ام ايه
هسات الليل(ام آيه)
حيدر:انجمعنه بيت الحجيه وتغدينا هالباميه الطيبه..
عاشت ايدج ام رواسي
بالعافيه حيدوري هني ومري
صدك ندى باجر حضريلي عشه مرتب واني اجيب سمجه مسكوفه من ابو حقي وسجليلي شنو نواقص داجيبها ويايه..
الحجيه:ليش وليدي منو راح يجي
يمه ولد صديقي محامي دنروح لبغداد ثاني يوم...هاصدك شبيه اني نسيت يصير نسابة ناصر ..عم العروسه...
الحجيه وندى:هله باليجي
ثاني يوم اجى مهند ابو احمد..واني متعود ضيوفي استقبلهم بيت الحجيه لان البيت جبير وهم اني متعود على هالشي..واستقبلته الحجيه..
هله يمه ابو حمودي هله بريحه الغالي استريح شرفتنا واعتبر البيت بيتك وليدي..
مهند:هله بيج حجيه الله يطول بعمرج ويحفظج
حيدر:سوت ندى اكل مرتب وصبت العشا
وكعدنه اني و مهند والحجيه بس.. لان مرتي مااخليها تختلط بمعارفي...
حيدر:دنتعشه وسولفنه بموضوع سولاف اني وحيدر والحجيه بس تسمع ووعدني يصير خير ..
تعشينا وشربنا الجاي ...
وندى فرشتلي اني ومهند بالصاله مال اهلي حتى نبات ونتوكل الصبح..
الحجيه:يمه مهند شنو قصه هالبنيه هوايه مهتم لاامرها حسيتك
حيدر: لايمه ماكو شي بس يتيمه ومظلومه وكسرت خاطري..
ودساعدها لوجه الله مثل ماعلمتيني
الحجيه:عفيه يمه كلبي وربي راضين عليك حيدوري
حيدر:طلعنه لبغداد ووصلنه للسجن ومهند طلب من المدير تتحرك القضيه بالاول رفض بس مهند اصر وقنعه ..
بقى مهند 3 ايام بغداد لان هو جان عنده شغل ثاني بالاصل..
الرجال ماقصر هم ظل يركض بشغلتي الما كدرنا نحصل استاناف ونطونه موعده وره شهر الجلسه...
مهند:ها حيدوري ان شاءالله ارتاحيت هسه شويه..القضيه وداعتك محسومه ان شاء الله..
بس راح انطيك شويه معلومات اريد تحصليها تفيدنه بالقضيه..
من ظمنها تحاول تحصلي شهاده احد من الجوارين او الاصدقاء لان شهادتهم تنزل من الحكم هوايه وهاي ورقه بيها شويه معلومات جيبلياها ...
ونلتقي بعد شهر
حيدر:تسلم ابو حمودي مقصرت خويه..يله امشي اغديك كباب زرزور واركبك سياره حوض تبريد للنجف وتددلل..
حيدر:الحمدلله حرك القضيه ووعدني خير لان هو محامي شاطر..
بس شلون راح اجيب شاهد ..لازم اسال سولاف..
دزيت على سولاف وجتني للمكتب..
سولاف:جان وكت مغرب واجتني مسؤله القاووش واخذتني على غرفه الضابط كالت رايدج...
حيلي كله يرجف وخفت والطريق كله ادعي ربي وانخي ،كلت هاهيه راح يعتدون عليه..
واني الي ضيعت عمري وصرت قاتله من وره شرفي..
هسه راح ينسلب مني وبدون مااحجي لازم..
وصلت الباب كوه اسحل بروحي..حتى المسؤله تكلي
متكوليلي شبيج لخاطر الله اسحل بيج سحل قابل موديتج للاعدام
سولاف:بكلبي اكول ياريت يعدموني واخلص ولا ابقى عمري كله اعيش روح بدون جسد..
وصلنا الغرفه وطبيت واني اشاهد على روحي. عافتني المسؤله وراحت
فتت واني مدنكه..
حيدر:طبت سولاف وعيونها بالكاع وكلبي يدك سريع وبمدي اركض احضنها لو مو العيبه..
تعالي سولاف استريحي
سولاف:من دخلت للغرفه انتهيت خلاص وراسي مااكدر اشيله دانتظر شلون راح يعتدي عليه وشلون راح اتصرف..
ومااسمع الا صوت يصيحني بااسمي والصوت دخل كلبي..رفعت راسي وشفته الملاك كدامي..وبلا شعور راسا بجيت
حيدر:ليش ليش تبجين شكو شصاير ...
سولاف:لا سيدي ماكو شي سلامتك بس جنت تعبانه وخايفه ومتحملت بجيت من شفتك..
حيدر:تعالي عيني اكعدي وهاج مي شربي وارتاحي ...
عندي موضوع وياج يفرحج
سولاف:شنو سياده الضابط؟؟؟؟
حطيتلج محامي واستأنف قضيتج وبعد شهر الحكم...بس رايدج بشغله تساعديني حتى تفيدنه بالقضيه..
صدك تحجي الحمدلله يارب يدري بيه مظلومه ..
بشنو اخدمك سيدي..
سولاف اريد تكوليلي منو من جوارينكم عده علاقه قويه بيكم حتى نجيبه يشهد على امج ورجلها شلون جانوا يعاملوج..
سيدي والله احنه ماعدنه اختلاط بالجيران اني سنين عايشه بيت عباس وماعرف الي بصفنه يسموهم بيت ابو منو...
وشغله ثانيه عباس محد يحبه شراني ومحد يدك بابنه..
حيدر:هسه شلون لعد مو المحامي كلي الشهاده حيل مهمه...
زين ماعندج احد مقرب عليج ومطلع على وضعج..
سولاف:اي سيدي صديقتي المقربه وهي بمثابه اختي..تعرف تفاصيل حياتي ومعاناتي..
عفيه عليج خوش شغله هاهيه لعد نوصللها وان شاءالله تنحل..
سولاف:بس
شنو بس سولاف
سيدي صديقتي متزوجه واخاف تاثر على حياتها..
زين سولاف عندج رقمها
اي سيدي مخزون بتلفوني وموجود بالامانات مال السجن...
خوش لعد هسه اخابرهم ويجيبوا..
دزيت جابولي تلفون سولاف..
حيدر: وهذا التلفون بس خل اشكل الشاحنه..
داشوف وين حاطها للشاحنه اذكر جانت عندي مالت نوكيا هسه اشوفها بالمجرات...اي اي لكيتها هياتها ..
وهذا التلفون ديشحن..هاج دكي وفتحي سبيكر واحجي..
تسلم سيدي هسه راح ادك...دكيت
#يتبع
أنت تقرأ
ملاك من السما
Romanceالقصه تتحدث عن فتاه عاشت في البؤس وساقها القدر الى السجن.. وبين كل الصعاب الي عاشتها ظهر لها ملاكها المنقذ اتركم مع الاحداث
