الضحيه...

البارت الاول

البارت الاول
#الضحيه .. 
بقلمي #شمس

مرحبا حبايب اليوم قصتنا واقعيه .. تتحدث عن فتاة عانت من تخلف المجتمع وجهله وهذا القصه ممكن تحصل لكثير من البنات .. ربي يستر الجميع .. وهسا راح اترككم مع صاحبه القصه لتتحدث عن مأساتها ..

ياللة مروة القلم✏️ الج ..
مروه .. شكرا الج شموسه حياتي لو ماانتي كان ماتجرأت وكتبت قصتي الي احسها هم كبير ع گلبي وبلكي اذا احجيها ارتاح ..
اني مروه عمري حاليا 25 سنه من بغداد .. عائلتي بسيطه والدي مدرس ووالدتي معلمه عندهم العادات والتقاليد اهم شي مايقبلون ع الغلط ويخافون الله حتى حجاب لبسونا واحنا بالمتوسطه ويتابعونا بدراستنا وبحياتنا ابد ماهملونا يعني علمونا ع الصح والغلط .. اني الكبيره عندي اخوات اثنين نور بالمتوسطه وساره بالاعداديه وحيدر الصغير اخر العنقود ..

راح ارجعلكم شويه للجامعه .. اني بكليه القانون جامعه بغداد .. #شمس
اني مواصفاتي طبيعيه بس بيضه والحجاب لايگ عليه لان وجهي دائري .. بالجامعه اكو بنات لابسات حجاب بس يعني بس بالاسم يعني لابسه قصير وحجاب او بنطرون وحجاب اني لا كنت البس فساتين طويله واني اصلا طولي حلو وجسمي هم حلو يعني لايگه عليه الفساتين مرات البس تنانير وستره او قميص يعني هيج لبسي وكنت ملتزمه ومحافضه ع نفسي لان اعرف الشباب يحبون يتونسون ويضحكون ع البنات .. #شمس
بأول مرحله تعرفت ع بنيه حبابه صحيح هي ماحجبه بس قمه بالاخلاق والادب وهذا يبين ايضا مانقيس تعاملنا ع وحده لابسه حجاب او ملابسه كل شخص يعكس اخلاقه ..
البنيه اسمها حلا .. هي حلوه كولش .. بالصدفه گعدت يمي وطلبت مني قلم وتعرفنا ع بعض وگمنا كل يوم نتقابل ونمشي ونگعد سويه لان مااعرف غيرها واني مو من النوع اختلط بسرعه بس هاي حلا ارتاحيتلها حيل ..

كنا نخلص محاضره نگعد بالكافتريا نشرب عصير او ناكل شي ونطلع مانطول .. نبقى نفتر وكانت اكو مساطب نگعد عليها ومتونسين نضحك ونسولف مر اكثر من شهر وتعودت عليها بنيه مرحه وطيوبه ..
الى ان بيوم لاحضت ولد وين مااروح وراي ويباوعلي ادير وجهي وارجع اتباوع الگيه يتباوع ..
مروه .. لج حلا باعي هذا الولد يباوعلي دايما وين منروح ورانا هم ملاحظه لو اني متوهمه ..
حلا .. بلي ملاحظه ..  اكيد حاط عينه عليج اوووف لو اني هذا الصاك يباوعلي هنيالج 😍 .
مروه .. لا متوهمه شنو حاط عينه عليه قابل شنو شاف بيه شوفي البنات لبسهم وشعرهم ..
اني حتى ميك اب مااخلي .. #شمس
حلا .. ههههه شنو هاي ترطدين عيون 👀 ترى اني مااحسد لج انتي تخبلين من خير ميك اب وبيضه والحجاب زايدج جمال وخدودج يخبلن وشفايفج عبالك محمرات..
مروه .. اصبغي اصبغي قابل اني بحلاتج ..
حلا .. وشنو فادني الحلا لج كل يوم البس شكل واسرح شعري ومحد يتباوعلي راح البس حجاب مثلج حتى الولد تباوعلي ههههه 😂..
مروه .. كافي لج تضحكين بيه كولها تباوعلنا . بس صدوگ هو يامرحله ..
حلا.. اعتقد مرحله ثانيه عندي اقربائنا مرحله ثانيه امشي نسألها ..
مروه .. لا عيني شنو نسأل متشوفيه يتباوعلنا هسا بس نروح يشوفنا وي وحده من دفعته يگول مهتميله ودا نسأل ..
حلا .. اوك لعد انتي ابقي هنا واني اروح اسألها ..
مروه .. لج حلا تعالي حلا .. اوووه راحت وتركتني وحدي شلون ياربي .. وهذا بعده يباوع اووووف منين طلعلي .. بعد شأسوي اتبوش ..
هاي شنو😨 اشو هذا اجه بأتجاهي ياربي وين اروح ردت اگوم .. اجه وگف گبالي ..
بقيت واكفه صافنه بوجهه ومرتبكه مااعرف وين اروح احس وجهي صار احمر ..

اوووف خلي يعرفكم ع نفسه وبعدن نشوف شيريد مني ☹️
مرحبا اني اسمي محمد طالب مرحله ثانيه قانون طولي حلو وحنطاوي وعندي لحيه وشوارب خفيفه عندي كاريزما  معجباتي هواي بس مايربطني بيهن بس زماله عندي اخ اكبر مني احمد طالع بيت وحده .. واخت مزوجه اسمها عبير وبقت عندي بس اخت اصغر مني اسمها حنين تدرس بعدها ..
مستوانا المعيشي زين الحمد لله ابويه واخويه عندهم معرض سيارات واني وقت فراغي هم اروح اشتغل وياهم .. #شمس
من دخلت الجامعه البنات داير مدايري بس ولا وحده عجبتني اريد وحده احبها وابني حياتي وياها .. امي تريد تزوجني بنت اختها اسمها علا بس اني مااريد متمني اتزوج عن حب مو تقليدي وصراحه ماگدرت احبها البنت خالتي ..
خلصت السنه الاولى واني مشدتني وحده .. لكن بالمرحله الثانيه وبدوا المرحله الاولى يداومون لاحظت اكو بنيه محجبه وحلوه كولش جمالهه ممزوج ببرائه وجهها دائري وعندها خدود حمر سامعين اغنيه ( من غير حمره محمره ) هههه هي مثلها ..
سألت عليها عرفت اسمها مروه راقبتها طول شهر واكثر من المحاظره للكافتريا تاكل شي وترجع تگعد ع مساطب يم القاعات وي بنيه اسمها حلا بنيه هم زينه وحبابه ..
اني طبعي شويه معقد متعجبني اي بنيه لان شفت اشكال بنات عقدني وكل ساعه وحده وي واحد وعافها وراحت للاخ يعني ماعجبتني اي وحده بس هاي واصريت عليها وگلت اصارحها قبل لتطير مني اني كولها تگول عليه مغرور بس اني اشوف العكس مو غرور وانما مااريد انطي مجال الوحده وتالي تبليني وتعال اخطبني وكذا وتدخلني بمشاكل ..  #شمس
مره من المرات شفت صديقتها عافتها وراحت .. استغليت الفرصه واتقربت منها هي شافتني اجيت بأتجاهه گامت رادت تروح صرت بسرعه گدامها هي بقت صافنه بوجهي ومرتبكه ..
#شمس
يتبع…

#غير محلل نشر القصه من دون اسمي. #شمس 😍