الضحيه...

البارت الثامن

البارت الثامن
# الضحيه…
بقلمي .. #شمس
تغدت الناس ومشت وصعدنا الغرفتنا .. مسويها كولش حلوه ومخلي صورنا الخطوبه ع الحايط كانت فد شي اووووف ياربي شيصير لو داخله الهاي غرفتي بفرح ومحمد يشيلني ويحضني ..
بس محمد كبل بدل ونام لان الليل كوله منايم اني هم بدلت ونمت ع القنفه مخليها بالغرفه بس عيوني ماغمضت من التفكير واتباوع لمحمد معقوله هذا الانسان الي حبيته هيج يسوي بيه ويذلني ..

شويه اندگت الباب .. فتحتها حنونه گالت بدلي ونزلي اجو خطار ..
بدلت وسرحت شعري وخليت ميك آب خفيف ونزلت مالي خلگ كولشي مو هاي حياتي الي اتمناهه بس شأسوي لازم اتحمل عمود اهلي منو الي يصدگ اني بريئه وماكو شي يثبت اني عذراء.. #شمس

نزلت امه تسمعني حجي وين ساعه تنزلين لمن تمشي الناس وعبير وعلا گاعدات يضحكن ..
رحاب گالتلها .. عمه غير عروس ونايمه يم رجلها .. وتغمزلي .. عود لتضوجين عبالهه اني ضايجه من كلام عمتي متدري اني الي بيه اكبر .. سكتت محجيت .. نزل محمد لابس دشداشه يخبل طالع وحتى مااتباوع بوجهي سلم ع خالته كاعده ام علا وعلى علا ويضحك يريد يضوجني ونجح بهذا الشي ..
ودخل للاستقبال .. #شمس
اني هم طلعت النسوان صعدت الغرفتي اتصلت عليه حلا بقينا نسولف اني وياهه ودخل محمد شافني اتصل جر الموبايل مني ورجعه من سمع صوت حلا ..
معقوله يشك بيه وصلت الهذي الدرجه .. بسرعه اترخصت من حلا وغلقته گولتلها اجه محمد ويريدني وتگلي اي عيني بعدكم عرسان روحوا تونسوا ..
غلقته واتباوعتله .. محمد مااسمحلك تشك بيه وتسوي هيج ..
محمد . هه والج عين وتحجين وجرني من شعري لج اني مو زين مخليج ع ذمتي وگبالي كل مااشوفج اتخيل الف شغله وشغله ..
گوتله ..آآي محمد دتأذيني .. سحب ايده اول مره احد يجر شعري هيج .. توضيت وگعدت ع سجادتي ابجي وادعي ربي حلها بعد مااتحمل .. #شمس.

بقينا اسبوع ع هذا الوضع .. حتى السفره لغاهه كان محضرلي مفاجأه نسافر شهر عسل بس ماادري وين .. عساس مفاجأه تالي الي صار اكبر ..
لليل اجه طلع جنطته ولم ملابسه .. گوتله محمد شنو وين رايح ..
التفت عليه .. وگال مسافر عندج مانع اريد اغير جو وانساج وانسى الي صار وانتي تردين تبقين هنا ترحين الاهلج بكيفج ..
مروه .. وشأكلهم واني بعدني عروس ..
محمد..  مااعرف شتردين گولي گولي مايهمني ..
اجيت عليه وجريته وابجي .. محمد انت شنو ماعندك رحمه .. جاي تعذبني من غير ماتتأكد ..
محمد .. شلون اتأكد يعني انام وياج مره لخ حتى تتأكدين انتي مو بنيه .. #شمس
مروه .. كافي الخاطر الله كافي
اشو هذا جرني ووگعني ع السرير ووووو .. شفته بعيونه محمد الي يحبني حاولت انسى واعيش وياه اللحظه وهو هم حضني بحب احس بگلبه يدوگ حيل بس من خلص .. گلي موگتلج مو بنيه وهالمره طولت حتى تتأكدين ..
دفعته حيل وگتله شگد حقير .. عبالي بعدك تحبني واتندمت .. مع الاسف حبيت شخص مثلك واعيط
هو تخبل من گوتله حقير وضربني حيل .. منو الحقير لج
گوتله . تحرم عليه محمد لا انت زوجي ولا اعرفك بهذا الاسبوع خليتني اكرهك .. واشمئز منك .. #شمس

دخل سبح وطلع بدل ونام .. اني هم دخلت للحمام بقيت ابجي طلعت من الحمام نزلت لجوه بالحديقه ..
اجت حنونه يمي .. گالت مروه شبيكم اشو احس مو ذاك حبكم وين ايامكم ذيج ..
مروه .. ههه يعني مبين علينا .. واني ماردت احسس احد ..
حنين .. اخاف خالتي مسويتلكم سحر هههه ممعقوله بسرعه هيج يصير بينكم فتوور ..
مروه .. اني ماأمن بالسحر..  بس يمكن انغشيت بمحمد
وصيتي الج حنين ديري بالج تحبين واحد بالجامعه لان الحب بعد الزواج يمكن يتغير ومايبقى نفسه ..
حنين..  شبسرعه تندمتوا اذا ماطلعت خالتي مسويتلكم مااسمي حنين .. #شمس
مروه .. عفيه حنين هذا الكلام بينا مااريده يطلع لان حبيت افضفض ..
حنين .. عادي حبي ولا يهمج ..
رجعنا للبيت ولگيت عمتي واكفه بباب المطبخ يمكن سمعت كلامنا بس حسيت الشماته بعينها عفتها وصعدت الغرفتي او سجني ..
للصبح .. حضرت ملابسي ووصلني محمد الاهلي وهو سافر گلت الاهلي محمد عنده شغل وسافر واني راح ابقى يمكم .. #شمس

گضيت هاي الفتره كولها .. بالبيت وطلعت النتيجه ناجحه وتقديري جيد جدا فرحت ..
واهلي هم فرحوا بعدين فكرت اقدم ع تعين وقدملي بابا لان محمد ماكو صارله اسبوعين حتى اهلي شكو .. يعني معقوله بعدج عروس ويعوفج اسبوعين .. #شمس

اتصلت ع حنين گالت .. محمد راجع صارله يومين بس اكو وضع غريب بالبيت اشو صعدوا غرفتي فوگ بالغرفه الصغيره خلوني وصبغوا غرفتي الجوه ورتبوها واسألهم يگلولي مالج دخل ..
صدوگ ضجت معقوله عزل غرفته عني مو هو گلي لا تبينين الاحد .. وصارله كم يوم راجع ومااجه اخذني
لميت غراضي وگلت لازم ارجع مااخليه وحده لازم اخلي حد للي ديصير ..
رجعت للبيت تلكتني عمتي .. گالت زين ذكرتي عندج بيت وزوج ورجعتي .. بس الحمد لله الي فتح عيون محمد .هي نزوه وتعدي ونخلص منج ..
#شمس
يتبع…