الضحيه...

البارت الخامس

البارت الخامس
#الضحيه…
بقلمي #شمس

وصار يوم الخطوبه .. لبست فستان منفوش قصير لونه ابيض وبي شغل ذهبي .. حلو كولش وشعري سويته تسريحه بسيطه وميك اب خفيف ..
عزمت صديقاتي بالجامعه . وهو هم عازم جماعته ..
وجايب عمامه واهله كولهم حتى خالته وعلا جايات واخته عبير هم جايه الي سمعته رايح عازمهن بنفسه الخاطر امه… لان امه زعلانه
المهم .. صارت حفله حلوه كولش واجه محمد دخل وشافني تخبل همسلي ( هو اني كنت متمني اشوف شعره منج هسا السيقان والادين ووو كولشي شفته بعد شريد )
صدوگ ضحكني .. لبسني الذهب كان حلو كولش هو مختاره .. ولبسني الحلقه ولبسته .. بس الي ضوجني عيون 👀 علا تريد تاكلني وعبير هم اجت بوستني بس بثگل حسيت اني داخله ع معركه مو زواج بس من اشوف محمد وابتسامته وشلون فرحان .  اگول هذا المهم انه يحبني واحبه .. حنونه رگصت رگص مصاير حسيتها فرحانه صدوگ وعماته هم ومن طلع محمد للاستقبال ..
گامت حلا فديتها وهم لعبت لعب حتى مرت عم محمد خلت عينها عليها وگامت تسأل الي فهمته ابنهه هستوه مخلص طب وتريد تزوجه ..
خلصت الحفله وكولها طلعت واني تعبانه سبحت ودخلت انام حتى عشا گولتلهم مااريد بس اتصل محمد وبقى يسولف وفرحان ويتغزل بسيقاني يگلي ليش مالبستي شي طويل راح تخليني استعجل بالزواج ..
حياتنا حلوه بفتره الخطوبه نطلع ونمشي حتى مرات اهله يعزمونا بس ماارتاح هناك من امه بس حنونه تسليني ومرت اخوه هم تجي اسمها رحاب حبابه وتحبني نتونس وكنت دايما اتهرب من نضرات امه ..

بعد شهر اتصل بيه محمد وگلني ابن عمي امه شافت حلا وانعجبت بيها وهو سألني وامي مدحت بيها لان هي البنيه صدوگ حبابه .  ويريد يجي للجامعه يشوفها شتگولين ..
اني فرحت كولش حلا حبابه وتستاهل .. رديت جواب لمحمد گوتله عادي ..
واتصلت بحلا وگلتلها .. فرحت وحارت شتلبس وخبصتني خبص ..
حلا فقيره وع نياتها ابد ماحبت ترتبط من الجامعه كانت تگول اضم حبي كوله الزوجي المستقبلي وان شاء الله تتهنى ..
ثاني يوم اجه محمد وابن عمه اسمه سيف هم حلو وشخصيه .
واجو علينا سوينا نفسنا ماندري بس حلا ترجف وخجلانه ومنصيه راسهه حتى مااتباوعتله .. هو هم انعجب بيها هي حلوه ومن الخجل صارت حمره . 
گعدنا بالكافتريا .. اني ومحمد التهينا بغزلنا وسيف يحاول يسولف وي حلا بس هي خجلانه وتهز براسهه .. ولا تگول ذيج حلا ام السان وهي الي خلتني احب محمد ..
سيف انعجب بحلا وخبر امه تخطبها بعد ماسأل عليها وع اهلها وبعد شهر هم صارت خطوبه حلا من سيف وهالمره اني رگصت بخطوبتها ههههه ..

واخيرا صارت اختي وصديقتي قريبه عليه حتى بعد الزواج مانفترق ..
بقينا ع هذي الحاله ونسه وطلعه وحلا وسيف هم يطلعون ويانه . 
بس سيف ماصبر كم شهر وقرروا يتزوجون ..
وسوو حفله بالقاعه .. لبست فستان حلو لو اسود والبطانه مالته ماروني وحجاب ماروني واني بيضه ومحمد لبس قاط اسود وربطه ماروني طلع يخبل والناس كولهه تباوعلنا ..
وگمنا نرگص سلو ع اغنيه اليسا والعرسان هم رگصو .. وحلا فرحانه كولش .. دايما تگولي انتي سبب سعادتي اتمنالهه السعاده من گلبي لان تستاهل وام سيف حاضنتها وتبوس بيها ..
بس عمتي ولا مره حضنتني وبوستني هذا الشي كان مضوجني ..
رجعنا گعدنا .. واجت علا محمد ممكن ترگص وياي تريد تضوجني ..
محمد بقى صافن راد يتعذر .. اني گوتله عادي ارگص وياهه خطيه ..
گام رگص وياهه بس بگلبي ميته .. وهي تباوعلي وتبتسم عود تغيضني ..
رحاب وحنين يلومن بيه . مااتحملت گمت گولتلها ممكن اخذ حبيبي اشتاقيتله ..
هي رجعت ومحمد خربان من الضحك .. يگلي اذا تغارين ليش خليتيني ارگص وياهه .. گوتله كسرت خاطري بس متستاهل تباوعلي وتبتسم عود تغيضني ..
محمد .. خلي اغيضج هم اني لو شايفتهه شلون حاضنتني عبالك خطيبها لو زوجها ..
مروه .. محمد كافي بعد تحلم ترگص حتى وي اختك ههه
محمد . فديت الي يغار عليه وحضنتها ..

خلصت الحفله ووصلني محمد للبيت وحلا وسيف راحوا للفندق ..
بس محمد من شاف حلا وسيف غار يريد يتزوج ..
گوتله حبيبي مابقالي بس سنه اتحمل ..
لان بابا رافض الزواج الا لمن اكمل ..
خطيه تعب عليه ومتمني يشوفني محاميه ..

محمد تخرج .. بس اشتغل وي والده ميحب الوضيفه والتزام .. وبدأ يجهز الزواجنا وفرحان كلما يسوي شغله يخابرني رتب الطابق الفوگ وصبغه هو بي غرفه كبيره وغرفه صغيره وصاله وصحيات رتبهن وكان مقرر يخلي الغرفه الصغيره تصير الاولادنا ..
واني السنه الاخيره الي بس اني وحلا نداوم وحشه الجامعه بلا محمد بس هو بين فتره وفتره يجيني بس محمد بدا يغار عليه اذا شاف احد يسألني ع ماده او شي يضوج. واكو ولد حباب كولش بس هو ضعيف بالمواد اسمه طالب يطلب مني المحاضرات ..
محمد يموت منه ومره تعاركنا لان جرحني يگلي تخرجت من الجامعه وانتي گمتي تلعبين بكيفج ..
#شمس
يتبع..