الضحيه...

البارت الحادي عشر

البارت الحادي عشر
#الضحيه ..
بقلمي #شمس
الصبح نزلت من وقت ردت الحگ ع محمد .. انتضرته بالمطبخ .. شافني
گلي هاي شنو منتضرتني تودعيني لو تسويلي ريوگ
مروه .. عندك مرتك تسويلك ريوگ لو مابيها حيل..
المهم مالي علاقه بيها ..
اريد احجي وياك بموضوع ..
محمد .. احجي .. اريد اتعيين بابا شافلي تعيين بمكتب محامي صديقه ..#شمس
محمد .. توء توء توء انسي .. مستحيل اخليج تطلعين وانتي بهاي حالتج ..
وثاني شي اشو نطيتج عين والسانج طال وتحجين اني منج اطم روحي ..
مروه . تباوعتله بكره وگوتله حرام عليك كل ساعه تذكرني وتذلني .. حسبي الله اريده هو الي ينصرني عليك ..
محمد .. ههههه يعني شلون ينصرج مثلا
مروه .. عفته ومشيت بعد ماگوتله هو مو صوجك صوج الي تجي وياك .
صعدت الغرفتي ابجي ياربي شنو هذا العذاب ..
لو تموتني لو تريحني ..
غسلت ونزلت عندي تنضيف وطبخ .. نضفت الصاله وسمعت صوت من غرفه علا .. تحجي وتضحك گولت اكيد وي امها ..
بعدين سمعت .. تگول لا حبيبي محمد طلع من الصبح كولشي ممستفاده منه هو مجرد البنگ مالتي ..
تخبلت من سمعت هيج .. حتى اذا اسولف لمحمد ميصدگني ..
واستغفر الله ربي اني الي بيه مكفيني مااگدر افضح وحده واني طالبه الستر .. #شمس
عفتهه وكملت شغلي كان يوم جمعه نزلت حنونه ..
مااتحملت سولفتلها بس مگلتلها سمعت شنو گلتلها تسولف وتضحك بلموبايل ..
حنين .. يعني انتي هم ملاحظه ..
مروه .. شنو انتي هم سامعتهه
حنين .. اي مو اگعد من الصبح للدوام مرات اسمعهابالحمام الي جوه مدخله الموبايل وتحجي بس مااسمع شنو تحجي لان تفتح المي ..
بس لازم اكشفها سالفتها مو خاليه .
سكتت محجيت خفت .. وبهذي الاثناء اندگت الباب
اجت ماما وهي تحجي وتعتب لان مااروحلهم وگلتلي گاطعه بينا واليوم عطله واجيت اشوفج ..
بهذي الاثناء طلعت علا ..
شافتها ماما بروب النوم .. اشرتلي گالت هاي شنو بايته عندكم .. اني ماگولت الاهلي محمد تزوج ..
علا شافتها اشرتلي .. اتعمدت تحجي .. گالت .. خليني اتريگ واغسل ملابس محمد
ماما .. وانتي شنو تغسليها عنده مره تغسلهن
علا .. هههه اني مرته خاله مروه صارت اكسباير من زمان .
اني اتخربطت احوالي جريت ماما گولتلها يوم تعالي افهمج اصعدينا للغرفه ..
ماما .. لج شنو غرفه مو هذا نفسه الي يحبج وكتل نفسه عليج شلون تزوج عليج وانتي شلون ساكته ومتحمله عندج بيت اهل ممجبوره تبقين .
.. #شمس
ماما اسمعيني
لج شنو اسمع گومي لمي ملابسج مااخليج هنا ..
ماما مااكدر
لج ليش متگدرين
ماما محمد يريد ولد واني گوتله تزوج
ههههه لج اني طفله تضحكين عليه بعدج اول طفل وراهه يجيكم ولد .. #شمس
شويه اجت عمتي بدت تعيط ع امي  ..
لتعيطين هاي بنتج ترديها اخذيهه .. اني صدوگ انهضمت وبس ابجي وحنونه تهدي بماما تالي اتصلت ع محمد اجه بسرعه وماما خابرت بابا اجه صارت هسوه ..
جرني محمد ع جهه وگلي اختاري ياتبقين هنا يا احجيلهم. كولشي وانتي بكيفج .. #شمس
مروه .. واني ابجي محمد عفيه شتريد مني مو كافي مذله عذبتني وكسرتني واخذت حقك خليني اروح وياهم متشوفهم خطيه شلون يفرفحون ..
محمد .. وانتي مافكرتي بيهم من سويتي سوايتج ..
مروه .. كافي الله يخليك لتبدي خلص اني راح احجي وياهم .. مسحت دموعي وحاجيت الاهلي گولتلهم اني مااروح انتو مو گولتوا هذا اختيارج وانتي تحملي .. خلص خلوني اتحمل نتائج اختياري ..
حاول بابا وياي رفضت .. أخر شي گلي خلص لعد لتگولين عندي اهل بعد .. وعافوني وطلعوا واني طلعت ابجي وراهم وجرتني حنين وحضنتي .. #شمس
والتفتت ع اهلها وگلتلهم .. وين ترحون من الله وانت محمد كنت مخدوعه بيك .. وين حبك المروه ليش هيح دا تعذبها .. هو مااتحمل ضربها وگللها لتتدخلين واخذي مروه واصعدي ..
ردنا نصعد علا تتباوع وتضحك .. گالتلها حنين .. يجي يومج ام السحوره اكيد لو ماالسحر مااجيتي لهنا ..
بس خافي مني ياعلا .
وصعدنا اني تعبت حيل وصارت عندي آلآم وبقت حنين يمي ماعافتني حتى نامت بالغرفه وياي ..
گعدت للعصر سوتلنا حنين غدا وتغدينا اني وياهه ..
اجت علا گعدت يمنا .
علا ..صدوگ اكو سوأل مدوخني مروه ليش محمد هيج كرهج. بعد ماقتل روحه عليج ..
اخاف لازم عليج شي .. اني ارتبكت وماعرفت شأحجي ..
حنين ردت عليها وگلتلها .. #شمس
اي مو هي مثلج ليل ونهار تخابر حتى من الصبح بالحمام بالله المن تخابرين متگوليلنا ..
هي تخبلت وگامت اني ضحكت من منضرها ..  بس هي اتباوعتلي وگالت بسيطه مروه مثل ماخلاج تتبرأين من اهلج راح اخليه يطردج انتي والي ببطنج من البيت واريد اشوف من يلفيج انتي وبنتج ..
اني مااهتميت الكلامهه وگلت الحنين عوفيها خلي تولي لتردين عليها ..
اشو لليل اجه محمد دفر باب غرفتي ودخل يعيط وين موبايلج انطينياه . 
اجت حنين ع عياطه وگلتله شكو شبيك حرام عليك شتريد من البنيه كل ساعه جاي تعيط ..
#شمس
يتبع…