الضحيه...

البارت العاشر

البارت العاشر
#الضحيه ..
بقلمي #شمس
مرت ايام وايام .. ومحمد تغيير ويتودد الي واني اصده عمري مااسامحه صحيح حقه الي سواه بس مو يذلني ويتزوج عليه ..
وكبرت بطني وبدا النونو يتحرك واني فرحانه وبديت اجهز .. ومره من المرات طلعت من الحمام 
وكنت لابسه البرنص .. ولافه راسي بالمنشفه ودخلت غرفتي لان ماكو احد بالطابق الفوگ بس اني وحنين ..
اشو اول مادخلت انسدت الباب التفتت لگيت محمد ورى الباب .. #شمس
گوتله محمد اطلع .. روح الغرفتك ومرتك ..
محمد .. لج شنو مرتي من وراج حتى مااگدر اتقربلها .. كلما اتقرب اتذكرج اخاف الگيها مثلج وانصدم مااگدر ..
مروه .. شنو مثلي قابل شنو لگيتني وي واحد لو شنو عبالي ماتگدر تتقربلها لان بعدك تحبني وتريدني عبالي تندمت بس بعدك نفسك مرت كم شهر وانت نفسك عبالك خاينتك واني حلفتلك بس انت ماتصدگ ماادري اذا واني طفله صايرلي حادث او شي ماادري حتى استحي اسأل ماما شنو اگولهه ماادري فهمني شنو تريد اسويه حتى ترتاح محمد .. الله يخليك اطلع اريد ابدل واطلع عندي موعد للدكتوره ..
محمد .. اوك لاتعصبين كافي بس اني اخذج للدكتوره
مروه .. ماكو داعي اني اروح وي ماما
محمد .. گوتلج اني اروح وياج فاهمه ..

بدلت ونزلت واخذني محمد وعلا تحجي وتعيط ورانا ..
فحصتني الدكتوره وسوتلي سونار وگالت الطفله مابيهه شي وبصحه جيده ..
مروه .. يعني بنيه واضحك
الدكتوره بلي بنيه .
محمد . كم شهر صارلهه حامل دكتوره ..
مروه .. اني خزرته وضجت حيل معقوله هيج يفكر يشك بالطفله مو منه ..
محمد .. لا بس ردت اعرف الحساب يعني بعد شوكت وتولد . #شمس
بقى يجيب منا ويحط هنا .. اعرف قصده شنو بس من شافني ضجت راد يغير ..
گلتله الدكتوره كملت اربعه اشهر ..
اتباوعتله وهمستله .. واحنه صارلنا متزوجين خمس اشهر ..
طلعنا من الدكتوره التفتت عليه وگوتله .. خلص محمد خلص هالمره كولشي انتهى بينا كرهتك تعرف شنو كرهتك .. راد يحجي ويبرر ماخليته ..
صعدت السياره ..
هو صعد وگام يضرب ع السياره لج مو حقي لج راح اتخبل رغم مااحبج بس مااكدر ماافكر حسبه تاخذني وحسبه تجيبني ..
لا انتي راضيه تحجين وتقنعيني اريد ارتاح نوم مااكدر انام ..
مروه . هاي مشكلتك گلتلك طلگني . 
وتالي تشك ببنتي مو منك ..ولو ليش مستغربه مو انت نفس الانسان الي طعني بشرفي وضربني بليله زواجي .. #شمس
محمد .. كافي هم مذنبه وهم قويه ..
مروه .. هههه اتباوعتله ماادري شأحجي يعني مصر اني مذنبه ..
گوتله يالله محمد امشي .. الحجي وياك ميفيد ..
دخلت للبيت ضايجه من محمد وتلكتني امه ها لازم بنيه من وجهج ..
التفتت عليها .. اي بنيه وشبيها
علا .. خاله لتضوجين الولد ان شاء الله مني .
مروه .. باوعت عليها ههههه ان شاء الله بس انتي شدي حيلج وخلي يتقربلج ..
علا تخبلت .. وتلگت محمد تعيط هاي انت تسولفلها مو زين مني ساكته عليك ..
امه .. هذا الحجي صدوگ محمد
محمد .. يمه الخاطر الله عوفيني اني رايح للمعرض اشرد احسن ..#شمس

لليل جبرته عمتي واسمعه تصيح باجر اريد اشوف النيشان وهو دخل .. شگد اشمئزيت منه
دخلت ابجي .. اني السبب حجيت وحيتقربلها .. اووف مروه وانتي ليش ضايجه عليه مو هذا الي ذلج وعذبج وطعنج بشرفج ..
مو هذا الي نسى حب السنين وباعج باللحظه ..
بس هو هم حقه لان اي رجال مايقبلها ع نفسه ..
بس اني واثقه من نفسي محد لامسني ليش احجي هيج ..
بقت الافكار تدمرني الى ان نمت ..
گعدت الصبح نزلت اني وحنين تلگتنا علا .. 
اه بعدني نعسانه من ورى محمد للصبح سهرانين ويگولي اريد ولد مو بنيه ..
قاطعتها حنين .. #شمس
وانتي صارلج اربع اشهر البارحه ياللة هههه قصفتها ..
بوستني وطلعت گالت مروه حياتي راح اتأخر ع الدوام وديري بالج ع بنت اخويه لان هذي بنت العزيزه ..
علا ..ماتت وگلتلي راح ارجع انام وانتي كملي تنضيف واطبخي .. عمتي هم النهار كوله حاطه رجل ع رجل وتتفرج .
وتسمعني حجي .. ابني مايرفضلي طلب اتزوج الي اريدها والبارحه طلبت منه ومارفضلي وان شاء الله يجبيلنه الولد .
اني مااهتميت كملت شغلي وطبخت الغدا للضهر اجه محمد .. سلم مارديت السلام ..
گال .. شيج
اتباوعتله گوتله ماكو شي بس روح الزوجتك كمل سهرت الليل ..
محمد .. غير كوله بسببج انتي الي شعلتي النار رحتي حجيتي وخليتي امي تجبرني ..
التفتت عليه وگوتله وان شاء الله  طلعت بنيه وشريفه مو مثلي ..
محمد .. شلج بهذا الحجي
مروه .. محمد روح بالعافيه عليك الشريفه .. انساني احسلك اعتبرني خدامه مو انت گلت تبقين هنا خدامه راح اسمع كلامك ..
عفته وصعدت گال متتغدين .. گوتله لا. اريد انام تعبت ضهري يوجعني ..
صعدت وسمعت يحجي وي امه .. يمه ميصير مروه حامل وبطنها كبرت وتتعب وعلا عليهه بس العشا
امه .. يمه انت لاتتدخل بشغل البيت احنا نسوان بيناتنا لو راحت شكتلك ..
محمد .. يوووه ياكلمه ردي المكانج ..
#شمس
يتبع…