الضحيه...

البارت الثالث

البارت الثالث
#الضحيه…
بقلمي #شمس
مروه… اوك اذا صارت فرصه اتصل .. بهذي الاثناء دخلت ساره اختي ارتبكت .. گولتله اوك حلا بعدين اتصل بيج .. وغلقته ..
اشو ساره تباوعلي وتضحك .. اي عيني مرواي اشو ارتبكتي معقوله هذي حلا.
مروه .. لج شبيج ليش منو عندي غير حلا تتصل بيه .
ساره .. اوك ع راحتج بس اذا حبيتي تحجين اختج هنا بالخدمه وتأشر ع نفسهه ..
مروه .. دگومي يالله اريد اكمل دراسه..
ماگدرت اقرأ كولشي .. بس افكر بمحمد وشنو يريد يحجي وياي .. لليل نامت كولهه واخواتي يمي ينامن اتأكدت نامن .. فتحت الجهاز كلما اريد اضغط ع زر الاتصال اسحب ايدي ..
متردده .. تالي اجاني مسج فتحته من محمد .. مو وعدتيني تتصلين اشو لسا ماكو منتضرج ..
اتجرأت وتصلت .. هو ماصدگ بسرعه فتحه ..
محمد .. الو مراوي موتيني ..
مروه .. هلاو محمد
محمد .. اوووف اول مره اعرف اسمي حلو 😍
مروه .. امممم وتالي وياك محمد
محمد .. مروه اذا اگلج حبيتج من غير مااجحجي وياج تصدگيني .. #شمس
مروه .. سكتت
محمد .. مروه لتسكتين احجي شنو رأيج بيه .. مروه اني من بدايه السنه لسا متابعج واعرف كولشي عنج واني مادا العب عليج اني نيتي صادقه وگوتلج قبل هسا ومارديتي عليه .. انطي فرصه النفسج تعرفيني وشوفي مشاعرج ناحيتي وقرري بعدين لتردين اي شي هسا ..
الو مروه الو… . #شمس
مروه .. هههه وياك شبيك ..
محمد .. اشو ساكته عبالي انقطع الخط واني احجي وحدي ..
مروه .. محمد عفيه لتخجلني خلي الامور طبيعيه وتمشي وحدها واذا الله شي الله قاسمه النا ميضيع بس لتضغط عليه ..
محمد .. اوك وربي مااضغط عليج ع راحتج بس لانحرميني من صوتج ونضراتج خليني اتصل بيج واسمع صوتج حتى اذا متحجين عادي بس اني احجي مثل هسا 😂
مروه… 😂😂
محمد ... فديت هالضحكه .. اوك لعد باجر اريد اشوفج حتى اذا اگعد وياج شويه ..
مروه .. اممممم ماادري اشوف ..
وبقينا نسولف الى ان اذن الفجر نسينا نفسنا .. بس من سمعت صوت بابا يكح . بسرعه غلقته ونمت نوم 💤 منايمته قبل صح هن ساعتين بس ارتاحيت بيهن وگعدت بسرعه بدلت وخليت بس كحل ومرطب وطلعت لان ابو الخط خبصني وماما گامت تحجي عليه تگولي اول مره تتأخرين هيج بالنوم .. بس ساره تباوعلي وتضحك يمكن سمعتني انخطف لوني ..
طلعت بسرعه .. #شمس
وصلت للجامعه لگيته منتضر بالباب يم سيارته واگف لابس قميص سمائي والجو حلو بعده مو بارد كولش وبي هوا يطير شعره يخبل احس روحي رجعتلي ..
من شفته ابتسمت .. وصلت يمه گوتله صباح الخير ..
محمد .. يااحلى صباح .. صباح الانوار والورد وووو
مروه .. هههه هاي شبيك محمد ترى اني اخجل مو گتلك خلي الامور طبيعيه بدون غزل ..
محمد .. والله مو بيدي مااگدر اشوف هذا الجمال يمي واسكت واصلا اني ممصدگ واگف وياج كل ساعه اگول حتطرديني مثل ذيج المره ..
مروه .. هههه دمشي ياللة حنتأخر ..
مشينا سويه ووصلني للقاعه والكل تباوعلنا ممصدگين اني امشي وي ولد حتى زماله ماعندي من قاعتي استحي .. #شمس
وشافتنا حلا واجت طايره ممصدكه .ههه
حلا .. ياهلا واخيرا طيور الحب التقوا ..
محمد .. ههههه بفضلج غير ماانسى وگفتج تسلمين خيتي .
مروه .. تباوعتلهه صفح وگلتلها بعدين حسابج ست حلا
حلا .. اشو واحد يشكرني وواحد يحاسبني 😂
مروه .. دمشي ياللة .. ودخلنا للقاعه ..
ومن طلعنا من المحاظره .. لگيت الكل يباركلي .. بقيت مستغربه .. ومحمد اصدقائه هم يباركوله شنو السالفه ..
اجه محمد من شافني .. هلو مراوي #شمس
مروه .. هلاو محمد شنو السالفه اشو الكل يباركلنا ..
محمد .. اي غير صرتي خطيبتي .
مروه .. ههههه هاي شبيك محمد ..
محمد .. مروه گوتلج اني نيتي صادقه .. بس انتضرتج تعرفيني وبما انه راح نلتقي هوايه بالجامعه گولتلهم انخطبنا بس مو رسمي يعني حجيت بيها وطلبتها من اهلها وصارت الي ..
مروه .. امممم وبقيت صافنه بعيونه .. ياربي معقوله هيج يحبني ويخاف عليه حتى من كلام الطلاب ..
كبر بعيني .. وصرت كل الي يسألني اگول مخطوبه لمحمد .. #شمس
خلص اليوم .. ورجعت للبيت فرحانه .. وتلگتني ساره تحقق وسولفتلهه كولشي وهي فديتها ماقصرت وگفت وياي .. وساندتني وصارت كاتمه اسراري .. وحلا هم اخت ونعم الاخت ..
وتطورت علاقتنا .. ومرت اشهر وبديت احبه ومااگدر استغنى عنه اذا لحظه مشفته .. احس شي ناقصني غير الاتصالات بينا بس بالليل بالنهار مااگدر..
بالجامعه كولهه حاسدتنا ع حبنا الكل يسولف بمحمد ومروه .. صرنا مثل روميو وجوليت 😍

وحمدت ربي وشكرته ع محمد لان فعلا غمرني بحبه وطول فتره الجامعه مااتباوع الغيري وابد مهملني كل يوم زاد حبه الي اكثر واكثر .. واني مااتوقعت يجي يوم هيج احبه .. #شمس
سنتين حبنا ماخلص ولا انتهى .. وقرر محمد يخطبني لان بعد ميتحمل يگول ننخطب حتى نطلع ونمشي بكيفنا بس احنا مقررين الزواج بعد الجامعه وهو هم يخلص قبلي حتى يشتغل وي ابوه ويجهز نفسه الى ان اخلص اني وبدينا نخطط المستقبلنا .. وزواجنا وكان يحلم انه يكون زواج خورافي الكل تسولف بي ..
#شمس
يتبع ..