الضحيه...

البارت التاسع

البارت التاسع ..
#الضحيه…
بقلمي #شمس
انقهرت وعيطت عليها .. انتي شدتحجين شنو نزوه .. نسيتي هو الي قتل نفسه عليه مو اني ..
بهذي الاثناء اجه محمد ولزمني من ايدي وگلي مروه اذا عيطتي ع امي مره لخ ميصير خير ..
كلام امي يمشي ع الكل فاهمه ..
گوتله .. يوووه كافي اذا متريدني طلگني لتعذبني ..
محمد .. والله الا مااطلگج واخليج هيج معلگه .. وانتي مو گلتي محرمه عليك .. اني اعلمج شلون محرمه والا اكسر خشمج .. #شمس
مروه .. لا مستحيل تكون محمد الي حبيته مستحيل . عفته وصعدت الغرفتي ابجي وماانزل ابد بس عليه الغدا وتنضيف الصبح . واصعد الغرفتي حتى اكل مااكل قليل ماكو احد الي بس حنين اشكيلها ومرات تجي مرت احمد نگعد نسولف شويه .. وهملته لمحمد گانه مموجود ..
اشو بعد فتره جابو غرفه جديده للغرفه الي جوه ونصبوها وجهزوها واني مثل الاطرش بالزفه .. الى ان اجه محمد بيوم وگلي .. اني قررت اتزوج ..
مروه .. شنو ههه انت تحجي صدوگ
محمد .. ترى اني مدا اخذ الاذن منج بس حبيت اخبرج ..
مروه .. ومنو الي فضلتها عليه .
محمد. علا بنت خالتي #شمس
مروه .. هههه هاي كولهه اسوالف امك. مو بقت وراك الى ان قنعت تزوجها العلا .. لعد ليش ضحكت عليه مااتزوجتها قبل
محمد .. لان انخدعت بيج وماسمعت كلام امي ..
مروه .. خلص طلگني وارتاح وي زوجتك الجديده ..
محمد .. مستحيل اطلگج تبقين ع ذمتي الى ان اموت ..
مروه .. هي بكيفك ارفع قضيه عليك
محمد .. هههه وشنو تگوليلهم زوجي تزوج عليه لان اكتشف انه اني مو بنيه . 
مروه .. فقدت .. گلتله لك انجب وماحسيت الا ضربه ع وجهي اجت .. واغمى عليه
گعدت لگيت نفسي بالمستشفى .. من ضربني محمد وگعت ع الطبله ومتعوره براسي .. والدكتوره گلتلي انريد ننطيج ادويه .. واخاف حامل لان گلولنا صارلج شهر ونص حامل . #شمس
مروه .. ماادري .. بس تذكرت اني غايبه عليه وخفت لاصدگ 
الدكتوره .. اوك لعد خلينا نسوي تحاليل ونتأكد حتى ننطيج ادويه ..
سوو التحاليل واجت الدكتوره گالت مبروك انتي حامل اتفاجأ محمد وبقى يباوعلي وحنونه وياي فرحت وحضنتني .. بس اني مافرحت . #شمس
الدكتوره .. بس هاي شنو متاكلين عندج فقر دم وهبوط لازم تنتبهين النفسج .
خلصنا طلعنا .. جرني محمد گال مبروك .. گوتله اصلا مااريد طفل يربطني بيك بس ..
محمد .. اياج تفكرين تستغنين عنه .. هذا ابني واذا مترديه انطينياه من تولدين وولي ..
مروه .. ههههه من كل عقلك انطييك ابني الك والعلا .  حتى تبهذلوه مثل مابهذلتني ..
وثاني شي عند علا تجيبلك درزن اطفال اني ماافيدك بعد ..
وعفته وصعدت بالسياره واتصلت ع ماما وحلا وفرحوا كولش ماگلتلكم حلا صار عندهه ولد وگلتلي اذا جبتي بنيه النا محجوزه هههه ..

بعد كم يوم تزوج محمد هيج بيناتهم ماسووه حفله واني بغرفتي ابجي وميته يعني معقوله هيج نطاه گلبه يعاقبني طلعت صورنا واتذكر ايام الجامعه وابجي الى ان غفيت ماحسيت الا ايد تمسح براسي التفتت لگيته يشم بشعري .. #شمس
ابتعدت عنه وگتله اشو هنا .. مو اليوم زواجك عايف عروستك وجاي ..
گلولي اليوم كوله ماطلعتي من غرفتج .. ومااكلتي شي
مروه .. وانت خايف عليه لو على ابنك
محمد .. هاي جبتلج اكل اكلي.
مروه .. شكرا ماكو داعي التعبك ..
بقى يتباوع للصور ويگلي .. ليش هيج وصلتينا مروه ليش هيج صار بينا .. #شمس
مروه .. اسأل نفسك .. انت السبب ومشيت ورى كلام امك وتزوجت بعد ماكو شي يربطنا غير الطفل يمكن كنت عاذرتك قبل وگلت رجال وماهان عليه بس من تزوجت ضيعت كولشي وكرهتك ..
محمد .. انتي السبب شلون تقبيليها اكتشف انه انتي مو بنيه واسكت. .
مروه .. لاتدور رجوله براسي محمد لو صدگ كان طلگتني هاي الرجوله مو مخليني ع ذمتك وتذل بيه . ماينفع الحجي بعد محمد روح المرتك .. اني انساني ..
محمد .. بس گلبي مايگدر ينساج .. #شمس
مروه .. ههههه انت تضحك عليه لو ع نفسك محمد گوم الله يخليك واذا ع حبنا لتضوج .. گمت وشگگت الصور كولها وگتله خلص حبنا انتهى ارتاح .. وگمت اعيط اطلع وادفع بي اطلع وسديت الباب وراه ..
حاليا ماافكر بس بطفلي لان هو الي يواسيني . ثاني يوم گعدت من النوم نزلت .. لگيت علا تضحك وتگول واخيرا الي اخذتي رجعلي ..
مروه .. هههه والدليل عافج بالليل واجاني دروحي بابا بالعافيه عليج محمد طردته بالگوه يالله طلع ..
علا عصبت .. هو لو يحبج صدوگ ماكان تزوجني ..
مروه .. هههه لو ماعمتي ماتزوجج وبعدين الي يهمني حاليا الي ببطني مو انتو واشرت ع بطني ..
هي ماتت واني ميته اكثر منها بس ماردت اصير ذليله اكثر من هيج ..
هي راحت الخالتها وتحجي وتعيط .. واجت حنين گلتلي هاي شسويتي راح تموت قهر البارحه محمد نزل من عندج وطلع ماراحلها للغرفه وانتي خبرتيها بخبر الحمل تخبلت ..
مروه .. ليش هي متدري اني حامل .
حنين .. لا امي گالت لتگولون ..
#شمس
يتبع…