الضحيه...

البارت السادس 🔞

البارت السادس🔞
#الضحيه…
بقلمي .. شمس
زعلت من گال هيج معقوله كل هذي الفتره وياي وميعرفني ..
بقيت كم. يوم مااحجي وياه .. واتصلت عليه حنين وگلتلي اكو شي صاير بيناتكم لان محمد ضايج وامي استغلت هذي الفرصه وبقت تزن براسه .. لتطولون زعلكم وعلا هم كل يوم جايه بحجه تشوف خالتها هي وعبير .. وخطبتكم طولت لازم تشوفون حل ..

ضجت حيل من سمعت صدوگ الخطوبه اذا طالت تصير بيها مشاكل .. لان محمد يلح يريد يتزوج واني مااقبل بسبب بابا كم مره حجيت وياه يگلي لويش مستعجله خلصي وتزوجي .. مايتفاهم حجيت وي ماما هم ماكو عبالي اني مستعجله ..
ميدرون محمد دايضغط عليه .. ويگلي ليش متردين تتزوجين لازم بعد مترديني او اكو واحد غيري صار كلامه مزعج وماله معنى ..
بس لان احبه اتجاوز الامور ازعل كم يوم ويجي يراضيني ومن حبي اله بسرعه ارضى .
بقينا هاي السنه هيج بين زعل ورضى وبسبب امه بدا حتى يشك بيه تگله عفت بنت خالتك ورحت للغريبه الي مدولبتك ومتريد تتزوج تضحك عليك ..هو اجه گلي حتى امي شكك وبيومها گتله هي امك اصلا متحبني ومتريدني تريد بنت اختها .. وتعاركنا ..
حبنا كان حلو لان هو وياي بس من تخرج تغيير .. حلا صارت حامل وفرحانه .. وكانت دايما تگلي بس تتزوجون يرجع حبكم مثل قبل واكثر .. #شمس

ماصدگت خلص السنه حتى نتزوج وصدگ اخر يوم الامتحانات لگيته گاعد عدنا ويحجي وي بابا ويگله الاسبوع الجاي الزواج . لان بعد مااتحمل ..
زين اني بعدني ممكمله اموري صحيح بين فتره وفتره اطلع اجهز بس بعد عندي هواي شغلات المهم سايرته وجهزنا سويه ورجعت علاقتنا وحبنا وغزلنا وكملنا كولشي وقبل يوم الحنه رحنا للصالون وحلا وحنين عبير ويانا صحيح عبير شايله خشمها بس اني مدرت بال فرحتي محد يگدر يضيعها ..
صبغت شعري وحفيت وجهي وسويت وشم ع كتفي ..واني بيضه طلع كولش حلو ثاني يوم الحنه هم رحت سويت تسريحه ولبست بدله وري فاتح كولش حلوه والحفله بالقاعه واجه محمد شافني تخبل ويبوس بيه ويگلي باجر اطلع بيج فرق اربع سنوات الي شلعتي گلبي بيها وحنه اديه ورگصنا وتونسنا .
رجعت تعبانه سبحت وارتاحيت لليل گضيناهه مخابرات ونمنا لان باجر ورانا زفه… #شمس

وبيوم الزواج .. گعدت فرحانه بس احس شي مضايقني گمت صليت ركعتين حتى ارتاح لان اكيد هذا توتر وقلق الزواج .. اليوم فرحتي الي انتضرتها مستحيل اخلي شي يضوجني .
اتصلت بمحمد گعدته وگتله ياللة وراك هوايه شغل ههه وبعد مااتصل بيك راح اغلقه لان عندي تحضيرات وارتب ملابس بالجنط واروح للصالون ..
بوسته بالموبايل وگمت رتبت ملابسي كولهه حتى ماما وساره يرتبنهن بالغرفه بعد منروح للفندق واخذت جنطه صغيره خليت بيها احتياجاتي للفندق وملابسي ..
ورحت للصالون اني مختاره بدله مال محجبات بس كولش. حلوه وبيها شغل من جوه وطويله ورايه عجبتني حيل لان الحفله بالقاعه مختلط لان اصدقائه وفوا بوعدهم وحجزوله القاعه ع حسابهم ..
و محمد من شافني تخبل وكل ساعه يباوع للساعه ويگولي شوكت يخلصون بعد مااتحمل 😂
واخيرا خلصوا وتعشوا وزفونا للفندق . دخلنا واني بدأ التوتر عندي واكو شي مضايقني ..
محمد مصدگ حتى ماانتضر نتعشى گلي بعد مااتحمل لج اريد اطلع قهر السنوات بيج ..
مروه .. محمد عفيه شبيك متشوفني متوتره خلينا نسبح ونرتاح وبعدين .. وصدوگ سبح هو وطلع وبعدين اني وراه ولبست سيت نوم قصير وخبلته بالزايد خاف هو عايز وشعري ينقط مي حتى ماانتضرني انشفه ..
وبدا يبوس ويحضن وتالي مااتحمل اتقرب مني حسيت بجسمي خدر انتهيت هو رومانسي كولش .. واني منتهيه بين ايديه بس گام يوجعني صحت عليه محمد شبيك وابجي دا تأذيني .. هو بقى صافن بوجهي وملامحه تغيرت وگام يتباوع ع الفراش دور صار وجهه😡 مروه شنو هاي ..
مروه .. شبيك محمد شكو واني بين الم وبين الخوف من ملامحه . 
محمد .. لج شنو شبيك ماكو دم ..
مروه .. اتخربط وضعي وحسيت راح يغمى عليه ..
شنو ماكو دم اخاف مسويت عدل ..
محمد .. شنو اني زعطوط تعلميني لج متشوفين اذيتج كولش گلت بلكي هسا يطلع وماكو مرتين حاولت وماكو تضحكين عليه ..
مروه .. شنو اضحك عليك محمد .. شنو قصدك
محمد .. مروه فهميني السالفه شنو لان راح اتخبل لج شأكول للناس شلون اتباوع بوجوه العالم وجماعتي لج حاربت الدنيا وصبرت اربع سنوات تالي تطلعين مو بنيه ..
مروه .. من گال هيج اتهسترت وگمت اعيط عليه
لك اني اشرف وحده… محمد معقوله هيج تشك بيه احجي وابجي وهو گاعد ومخلي ايده ع راسه ومنصي

رفع راسه .. مروه فهميني شأكول لج قشمرتيني بالحجاب والخجل…  قاطعته
اششششش لاتكمل لك اني عمري مااحد لزم ايدي غيرك شنو قشمرتك انت وياي طول فتره الجامعه وشفتني ..

محمد .. لج ماادري من قبل وضامه عليه او بأخر سنه عفتج وهذا طالب يحوم وراج وانتي كل يوم تأجلين الزواج اخاف عمود هذا الشي ..
#شمس
يتبع ..