الضحيه...

البارت الثاني.

البارت الثاني
#الضحيه ..
بقلمي #شمس

بقت واكفه گدامي ومرتبكه .. وگلتلي شرايد وهي منصيه راسهه ..
محمد .. ممكن احجي وياج .. من زمان اريد احجي  ومتردد ..
مروه .. ماكو شي احجي وياك ..
محمد… اسمعيني يبنت الناس اني نيتي صادقه بس اريد احجي وياج بالاول ..
مروه .. هههه هو كل الولد نيتهم صادقه تالي تخلص الجامعه تطفرون .. واني مو من ذولي اعتذر ..
عفته ومشيت ..
صارت گبالي حلا . وتضحك شنو گلج هذا الصاك عمي هنيالج ..
مروه .. شنو هنيالي تلگيه واحد من ذولي الي يتسلون وعباله يقشمرني ..
حلا .. اي لو شايفته شيريد احسن مما رديتيه بسرعه
مروه .. اووووف امشي خلينا ندخل المحاضره حتبدي .
#شمس
محمد .. من حاجيتها ردتني منطتني مجال احجي .. اني كانت نيتي صادقه فعلا ومن شفتها هيج بعد اصريت عليها اكثر .. وجماعتي هم بدوا يضحكون عليه يگلولي وسفه عليك محمد اول مره تعجب بوحده وتالي تنطيق بلوك 😂😂
محمد .. واذا اگلكم مروه حتصير الي واتزوجها هم شتسوون ..
.. اذا بيها تحدي احنا نسويلك حفله بزواجك مصايره شتريد بعد..
محمد .. اوك لعد حظروا نفسكم من هسا😉

مروه .. دخلنا للمحاضره واني افكر بي .. شكله حلو وعنده كاريزما والف وحده تتمناه ليش اختارني اني بالذات .. #شمس
ضربت ايدي حلا وهمستلي .. لازم دا تفكرين بي 😉
مروه .. ابتسمتلها وانتبهت لان كنت شارده..
خلصت المحاضره وطلعنا لگيته واكف بباب القاعه صدوگ ضجت .. اوووف هذا شيريد
حلا .. يمه الحب يمه .. لج هذا اتقرب النا
مروه .. امشي بسرعه لتباوعيله .. اشو هذا وگف گبال حلا وگللهه ممكن احجي وياج ..
اني عفتهم ومشيت . والله يربي منطيته مجال راح الحلا شگد حقير وزاحف امشي واغلط عليه بيني وبين نفسي وصاحت حلا ورايه .. التفتت ..
حلا .. مروه اوكفي شبيج ..
مروه .. مبقيتي وياه  .. لج متفتهمين هذا منطيته مجال اجه عليج .. #شمس
حلا .. ههههه لج شبيج تخربطين .. حجا وياي عمودج
مروه .. يأستغراب شنو عمودي
حلا .. اي طلب مني احجي وياج ويگول اني معجب بيها واذا تريد باجر اخطبها مستعد حتى اثبت حسن نيتي ..

مروه .. يعني هو هيج گال ☺️ #شمس
حلا .. اي وربي هيج گال لج هذا الولد شاريج ويريدج لتخسريه ..
اتعرفي عليه بالبدايه وشوفيه وهو مستعد يخطبج بس انتي اول مره اعرفي طباعه وبعدين قرري ..
مروه .. امشي لج شوشتي افكاري والخط حيروح واني لسا هنا أخرتيني .
طلعت من الجامعه ولگيته واگف حلا اجه ابوها اخذها وراحت واني صعدت بالخط مالتي .. وهو يباوع ماراح الا لمن حركت السياره مالتنا ..
بقى ع هذي الحاله كل يوم مايروح الا يجي الخط وامشي لان مرات يتأخر ..
وبدون مايحجي حتى بالجامعه بس نضراته تراقبني .. واني هم تعودت عليه اذا يوم مااشوفه تبقى عيوني تدور عليه وحلا من جهه تزن براسي عبالك هو دازهه عليه .  ماعندهه سالفه بس محمد
حلا .. لج مروه شوفيه شلون يباوعلج من تجين يگوم يوگف اذا گاعد وماشفته يوم واگف وي وحده ..
وطول النهار هذا كلامهه اجه محمد راح محمد😂

وبيوم اجينا للكافتريا گعدنا ناكل لفات وعصير .. هو دفع حسابهم حتى المي اذا اشتريه يدفع حسابه ومن غير ميحجي .. طبعا حلا كيفت ع السالفه .. بس اني حيل ضجت يعني احنا مابينا اي شي .. شلون هيج يسوي ..

مره واگفين ع الاستنساخ .. وولد وبنات هوايه واكفين هو ضاج 😡 من شافنه اجه بسرعه وهمسلي ابتعدوا منا اني اجيبلكم الي تردوه ..
التفتت عليه .. گوتله لا شكرا عدنا فلوس ونشتري .. اني ضجت لان كل يوم يدفع بس هو ضاج لان واگفين واكو ولد يباوعن عليه .
اتباوع الحلا وگللهه .. 😡 حلا اخذي مروه ورحوا اني اجيبلكم الملازم .. #شمس
حلا .. امشي لج لتعاندين ااااوف وين الگي واحد هيج يغار عليه 😍
مروه .. من گال اسمي حسيت كولشي بيه يرجف حلو اسمي بلسانه . وحسيت بغيرته عليه .. يعني صدوگ لو يريد يلعب او يتسلى ماكان صبر عليه كل هذي الفتره ..
هو خلاني ع راحتي وماضايقني وعيونه تراقبني اوووف عيونه 👀 تسحر .. اهتمامه واضح بس اني مشاعري مخربطه ومااعرف شنو احس اتجاهه ..
شويه واجه بأتجاهنا بأيديه الملازم .. نطاهن الحلا وعيونه تباوعلي اني نصيت عيوني مااتباوعتله استحي اتباوع بعيونه ..

مرت ايام وراح يصير شهر واني مرديتله جواب .. الى ان يوم دا اقرأ بالغرفه .. اجاني اتصال اتباوعت رقم غريب مرديت بقى يلح اخر شي دز رساله ..
مروه اني محمد اعتذر لان اخذت رقمج من حلا بس بعد مااتحمل لازم احجي وياج وبالجامعه متنطيني مجال احجي ردي اترجاج ..

مروه .. اووووف حلا .  اني اعلمج باجر .. #شمس

رجع اتصل رديت والخوف موتني .. الو
محمد .. رحمتك ربي واخيرا ..
مروه .. هههه☺️
محمد .. فديت هالضحكه
مروه .. سكتت
محمد .. يعني اليوم نگضيها سكته احجي خلي اسمع صوتج ..
مروه .. شنو احجي .. وبعدين هسا مااكدر لان اخاف احد يسمعني من اهلي وهم ممتعودين احد يتصل بس وي حلا ومو دايما ميقبلون ..
محمد .. زين بالليل كولش اتصل عليج . لان عندي هوايه كلام اريد اگوله ..
#شمس
يتبع..