ثمن عمري

2

ثمن عمري
بقلمي(ام آيه)

سحر:صارت الامتحانات وامتحنت ونجحت وجبت معدل 73 وفرحت لان راح ابدي حياه جديده
بشرى:صارت بعائلتنه فاتحه رجل بنت خالتي ورحت للعزه مال النسوان والعزه كله مكظيها سوالف وقشبه وهناك شفت بنت عمتها لامي
اسمها ام رعد وسولفتلها على زواجي من ابو رقيه ،ومن سمعت بيها عدها ولد حجيتلها على البنات وعلى سحر بالذات
ام رعد:مادام عدكم هيج بنيه ،رتبيلي الشغله حتى ازوجها لابني رعد
وهو موظف بالبلديه وبيتنا ملك وبس اله واني خطار وعلى ساعه ربج ياخذ أمانته ويبقى البيت بس الهم،
بس ها دكولج حتى لتكولين غشتنا
ترى هو اتأذه وره موتت مرته
شفتي بعدهم عرسان الهم شهرين واخذها للخضر وانكلب البلم بالشط وغركت وترى يظل مقهور عليها
بشرى:وشنو يعني المره الشاطره تنسي الرجال،شوفيني اشلون اني نسيت ابو رقيه حتى اسمه
ام رعد:نزول عليج والله صحيح
بشرى:رجعت للبيت وفتحت الموضوع ويه ابو رقيه ورفض بالبدايه
ابو رقيه:البنيه صغيره توها 18 سنه واريدها تدرس وتكمل
بشرى:ياعيني شنو صغيره هاهيه ترى مستحقه زواج وترى الدراسه متفيدها،خوش نصيب وتوكل بالله
الكليه ترى تطلع عيون البنيه
سحر:تفاجئت ناس راح يجون يمشون عليه
بجيت وتوسلت باابويه علمود ميزوجني
ونخيت خواتي علمود يحجون ويه ابويه ويغير رأيه وحجوا ويا خواتي بس هو مصر على رأيه ويشوفه هو الصح لان خالتي تشوفه شايفته صح
سحر:صارت الخطوبه وراها عقدنا محكمه وسوينه كعده بيناتنه
الولد شكله مقبول بس قليل كلامه واني اعرف مرته ماتت و جان حيل يحبها
اجاني مرتين بالخطوبه ويسألني شنو محتاجه ويكعد شويه ويروح،وحسيته معقد
كمل امور الزواج وخلال شهرين تزوجنا وصار يوم العرس واخذوني لبيتهم وهو ولا كأنوا عرسه بارد ومفرحان
سحر:من دست عتبه بيتهم اتلكتني خالتي ام رعد حضن و تبوس وهلاهل كلش حبابه..
وراها صعدنه للغرفه
رعد:اني جان زواجي اجباري بس حتى ارضي امي موت مرتي سد نفسي عن كلشي لان جنت حيل احبها وكرهت كلشي وراها
سحر:فتنه للغرفه وعاملني بكل برود وجانت ليلتنه مابيها اي مشاعر مجرد واجب ومجبور يقضي
باركلي وعافني
وراها بدت معاناتي تعاستي ويا
رعد طول الوكت عايش للشرب وميهتم بيه وماكو كلام يريح الكلب اسمعه منه
بالمختصر حياتي ملل ومشاعر ماكو ونادرا ميضحك
بس الي مصبرني خالتي كلش حبابه وطيبه وشفت بيها حنيه امي الله يرحمها
سحر:صرت حامل راسا وجبت بنيه سميتها مها
ورقيه اختي جابت ولد اسمه احمد اكبر من مها بسنه وشويه وزينب تاخرت هسه يالله حامل 4 اشهر
سحر:توقعت راح يحبني ويتغير من جبت بس بقى على وضعه واحسه مريض نفسي
وعيشته كلها بس شرب حتى راتبه منحصل منه شي لان يادوب يشتري بي زقنبوت الشرب
سحر:خالتي جانت تصرف على البيت تخيط للناس خطيه وممقصره
كبرت مهاوي وصار عمرها سنتين وشرفت هدى
واتمنيت من الله يتغير بس ساعه يضحك وساعات الباقيه كئيب ولاهي بس بالشرب
وره مجبت هداوي خالتي تمرضت فجأءه كامت تشكي من بطنها وراجعنه بيها الاطباء وخلال شهر ماتت طلع بيها ذاك المرض(الخبيث)ومنتشر بامعائها ومتلاحكولها
الله يرحمها جانت شايله هم شكبره ويايه وموتها كسرني..
وزادت حاله رعد سوء اكثر لان جان يحب امه..
سحر: كالعاده بقى هاملني اني وبناته وميصرف على البيت وكمت اشتغل بالبيت اسوي كبب واخبز للناس
وشكد رادوني انظف بالبيوت وبراتب زين بس جنت ارفض لان عندي بنات وماريدهم يربون ببيوت العالم.
عايشه علمودهم الي احصله من شغلي ماقصر عليهم والحمدلله بيتنه ملك مو ايجار والا جان دحنا بالشارع اني وبناتي
سحر:رعد اني رح اخذ البنات واروح لاهلي اريد اشوف خواتي ابات وباجر ارجع
رعد:اي اي روحي
سحر:اخذت البنات ورحت سلمت على ابويه وخالتي واتغديت واني بطبيعتي اروح يم رقيه ابات لان تجي زينب وننجمع بيت رقيه والجهال يتونسون..
ماعدها احد وياها بس عمتها ام مروان ورده مال الله..
بالمناسبه رقاوي عدها صاروا3( احمد 4 سنين وطه سنتين وانوسه بالكماط)
وزنوبه جابت توم ولد وبنيه (كرم وبسمه) اصغر من مها بكم شهر..
سحر:انجمعنا احنه الخوات بيت رقيه ومروان ورده مال الله كلما ننجمع يفرح بلمتنه وميقبل نسوي عشه هوه يجيبلنه كباب من السوك يكول تونسن واشبعن شوف ..
والجهال كلهم يلعبون بالحديقه ونبقى احنه وحدنه نسولف..
رقيه:ماما حمودي انت الجبير لتفتحون باب الشارع وعينك على الجهال
احمد:اي ماما اني ومها ندير بالنه عليهم
رقيه:عفيه بالحبابين
رقيه:سحر كلما زالج تضعفين وتتعبين،بله العينتين بعده على حطته مووو
سحر:متكوليلي ابو طبع شيغيره،استغفر الله على قسمتي السوده
من الله يبلاج بلوه ياخالتي على هالقسمه ياله ياله تخلص من عدنه وذبتني هالذبه احجي وابجي
زينب:حبيبتي سحوره لتبجين قسمتج هاي واتحملي لخاطر بناتج ،بس الله يحفظهم تعبي عليهم وهمه يشيلوج بعدين..
وديري بالج تسوين طفل بعد
سحر:هو اني جايه علمود رقيه تاخذني الصبح للمستشفى حتى اسوي اللازم لان اني تعبت من المسؤوليه ومن رعد الي بلافايده..
سحر:عفنا زينب نايمه يم الجهال ورحت ويه رقيه لدوامها وفتت للدكتوره علمود اسوي منع الحمل
الدكتوره:ماما ترى انتي حامل بالشهر الثاني
سحر:شلون دكتوره الله يخليج،اني ماخذه حذري
دكتوره :هذه وسائلكم مو مضمونه ،وهسه انتي حامل حبيبتي
سحر:الله يخليج دكتوره نزلي ماريده
الدكتور:لا ماما شتحجين انتي، حرام عمره 8 اسابيع وبي نبض وروح..
وهذه جريمه واني مااشارك بيها
سحر:رقيه داومت نص دوام ورجعنه والقهر كاتلني بس شسوي حكم الله،وخواتي صبروني
صار العصر ورجعت وخواتي ممقصرات ويايه لان يعرفون ظروفي
رجعنا للبيت وسويتلهم العشه وناموا البنات
سحر:رعد جان شويه صاحي نص ونص ويتفرج اخبار..اكلك رعد ترى اني حامل
رعد:شنو انتي بزونه بس تخلفين،روحي نزلي
سحر:متقبل الدكتوره تكول حرام لان بي نبض
رعد:شوفي اذا جتي بنيه ترى لو اذبحها لو اطلكج
فنزليها من هسه احسن
سحر:ياربي شهالورطه شسوي ظليت بين نارين
ياربي ارمي حمولي عليك وانت حلها
سحر:كبرت بطني وكالعاده رعد عايش بس للشرب
واني يادوب ملحكه على العيشه ومكسور ظهري
هالنوبه ورايه ولاده ولازم اجمع فلوس لولادتي
كمت اشتغل اكثر وحتى كمت اخبز للمطاعم باليوم اوكف على التنور 4 لو 5 مرات وكل خبزه ب40 خبزه..علمود اكدر اجمع فلوس للولاده
دائما ابجي على حظي وادعي على خالتي الله يشلع كلبها مثل مشلعت كلبي بهالذبه وهالقسمه السوده.
خلت ابويه يحقد علينه حتى عيدالله واكبر ميشيل عيديه ويفرح احفاده بيها رغم حالته زينه وراتبه التقاعدي مكفيه وزايد

اوقات ممتعه