ثمن عمري

3

ثمن عمري
بقلمي(ام آيه)

سحر: وبسنه 90 وبليله شته وبارده
صار موعد ولادتي والبنات نايمات واني ابجي والوب واتلوه ورعد ولا يمه
جانت خالتي ام رعد الله يرحمها مبتليه بيه تفورلي اعشاب وتنطيني ،وتروح توديني للقابله (الله يرحمج خالتي)
سحر:رعد حرام عليك والله انوجعت حيل دكوم وعوف هالزقنبوت راح اموت بعد مابيها مجال
رعد:متكليلي شكد تلحين لخاطر الله كومي يله دنولي متخلين واحد مرتاح
سحر:طلعنه ساعه2 بالليل وقفلنا الباب على البنات و وداني مشي ،القابله ام ستار كدامنه ب 3 فروع موصلت الها الا روحي طالعه
ام ستار طببتني ورعد راح،وقبل ليروح سمعني حجي وغثني
رعد:شوفي اذا جبتيها بنيه وجيتيني وروح امي  لو اذبحها لو اطلكج
سحر:حسبي الله ونعم الوكيل
ام ستار:الله يرحمها لام رعد ماتت وكطعت بيج ،بس ولايهمج ربج موجود واني ماقصر،الله يعينج على هالرجال
سحر:اتوجع وابجي وادعي ربي يجيني الولد لان هذا مخبل ويسويها ويحرك كلبي
سحر:الله سهلها وجبت وطلعت بنيه ،حضنتها وبس ابجي
ام ستار:لتبجين بنيتي ،ربج حميد
سحر:خاله فدوه كوليلي شسوي اذا ذبحها اموت وراها واذا طلكني ابقى مكفخه اني وبناتي جوه ايد مرت ابويه
واني باقيه ويه قسمتي السوده بس علمود البيت لان ملك وضمان لبناتي من الزمن القاسي
ام ستار:والله يابنتي ماعرف شنو اكلج
سحر:بقيت للصبح يم ام ستار وصارت بال7 وطلعت انطيتها فلوس تعبها وحلفت متاخذها كالت هاي للبنيه..وتشكرتها وطلعت
سحر:مشيت ملفلفه بنتي وماعرف شلون اتصرف وبس دموعي تجري
دامشي وماشوف الارجلي ذبتني يم الجامع، بقيت متردده
اخر شي اتخذت قرار جريء وادري راح اندم عمري كله عليه
شفت باكيت وحطيت بي بنتي الغاليه ولبستها كلاده ذهب صغيره ملبستنياها امي
[من صرنا اني وخواتي امي صاغتنه 3 كلايد من تنطبك وحده يم الثانيه تصير 3 بنات متكاودات] يعني كل وحده يمها بنيه وبقينا لابساتها كلنا
ودورت بجنطتي ولكيت ورقه وقلم وكتبت بيها ودموعي تجري
(مو هين عليه ذبيت لحمي ودمي بس ظروفي الصعبه خانتي
يلي راح تاخذ ضنليه عليك الله حافظ عليها والطفله بنت حلال بس ابوها قسى عليها..وياريت الزمن ميقسى عليها..امانه الله تبقى الكلاده بركبتها ومتنزعها طول عمرها)
خليت الورقه يمها وشفت كارتونه اكبر وحطيتها فوك الكارتونه البيها ملاكي وزرفتها حتى يفوتلها الهوى وخفت عليها لتجيها بزونه تأذيها
اوف اصعب شعورر مر عليه حتى من ماتت امي منهاريت هيجي لو دافنتها بيدي ولاذابتها هالذبه مشيت وجاره ورايه الخيبه والقهر والمرار
كلبي مثل النار يالغالي عليك
سحر:وصلت الباب وطبيت كلهم نايمين وبس ابجي كعدت مهاوي على ونتي ومهاوي عمرها 4 سنين
مها:شبيج ماما حبيبتي ليش تبجين،وين النونو
سحر:ماكو حبيبتي راحت يم رب العالمين فوك
مها:حبيبتي ماما الله يخليج لتبجين
رعد:ها شبيج تنوحين
مها:بابا ماما تكول النونيه راحت يم رب العالمين
رعد:احسن راحت،وينها لعد
سحر:اباوع عليه واريد اقتله والحقد مالي كلبي عليه ومن اليوم حرمته عليه بعد ليوم الدين
سحر:اخذتها ورحت للشيخ معروف دفنتها ورجعت
سحر:ابجي والمرار كاتلني والحليب بده ينزل وكلبي يتكطع ومها تواسيني بس محد حاس بنار الي دتشب بظلوعي،ويه كل نقطه حليب تنزل وتدور ضنايه اني دانذبح ذبح
مرت 3 ايام ورحت على الجامع ادعي من الله احد ينطيني خبر عن بنتي
رحت بالظهريه وشفت طفل يطلع عمره 10 سنين حاط بسطيه يم باب الجامع يبيع بخور ومسك وسبح ،رحت اشتريت بخور وسحبت منه حجي
سحر:اكلك سمعت اكو طفل ذابي بالجامع وجيت اريد اخذه واربي
الطفل:اي خاله اخذهم شيخ الجامع
سحر:اطمئن كلبي وفرحت
الطفل:خاله همه اثنين جانوا اول بارحه بنيه والبارحه هم بنيه،واليوم اجوي عائلتين اخذوهم
كل عائله اخذت طفله ومبينين اثنينهم حالتهم زينه
سحر:خلاني بحيره وماعرف ياهو بنتي والمن راحت،بس شويه اطمنت لان ناس مرتاحين،بس نار كلبي متطفه ابد
سحر:رجعت للبيت وكتله لرعد رايحه لاهلي كم يوم ارتاح
رعد:شعندج رايحه غير هن خواتج يجون يداروج لو
بالعكس
سحر: وشمدريهم اني جبت حتى تلفون ماعدنه ،ثانيا وين يجون يكابلون شربك وقرفك
سحر:اخذت بناتي ورحت بوجهي لبيت رقيه
رقيه:هله بخيتي اسم الله الرحمن وين الطفل
مها:خاله النونيه يم رب العالمين
سحر:انفجرت بالبجي
رقيه:اسم الله اختي فدواتج حبيبتي
رقيه:حمودي اركب بايسكلك وروح صيح خالتك زينب
احمد:شلونك عمو ياسر وين خالتي زينب اريدها
ياسر:تعال فوت حمودي هيانها جوه
زينب :ها حمودي شجابك
احمد:امي تكول تعالي بسرعه خالتي سحر اجتي يمنا
زينب:صدك حمودي ،جابت نونو مو
احمد:لاخاله مها تكول النونيه يم رب العالمين
زينب:يايمه سوده عليه ياسحوره
حمودي انت هسه روح عمك ياسر يذبني
ياسر:يله تحظري داوديج ولتنسين انطيها الي الله قاسمه
زينب :الله لايحرمني منك ومن طيبتك ابو كرومي
رحت لبيت رقيه وشفت سحر تبجي ومردت كلوبنا ومبيدنه شي بس نصبر بيها
رقيه:يله ياجهال اصعدوا بالغرفه فوك لعبوا لان بارده بره وبلا صوت وحمودي عينك عليهم لحد يوكع من الدرج
احمد:اي ماما
سحر:بقيت بس اني وخواتي وخاله ام مروان جانت مو هنا جانت يم بتها ومروان بالمحل
كمت ابجي وحجيتلهم الي سويته من وره رعد
زينب:عزه العزاج سحر على هالسالفه وين جان عقلج،انعل ابو الرجال وميطلكج طز بي
رقيه:لو الله ياخذ رجلج هالعار ونرتاح،ربي لايوفقه وينتقم منه
سحر:ترى البيه كافيني
يذبحلياها لو يطلكني ويذبني على بشرى تذلني وتذل بناتي ،كله من وراها منشلع كلبي حسبي الله ونعم الوكيل عليها
زينب:وكلام الله لو جايبتلياها اني اربيها وحتى رجلج العار ميعرف هاي بنته
سحر:شمدريني مفكرت جنت حايره والدنيا ظلمه بعيوني
رقيه:مردته لكلبي سحر ماشافت يوم حلو بحياتها
يله سحوره لتبجين ووكلي امرج بيد ربج هو يحلها
ومدام ملبستها الكلاده هاهيه نكدر كلنا نساعدج وندور عليها حبيبتي
سحر:هسه بشنو تنصحوني اسوي
رقيه:ترتاحين كم يوم عندي وراها تروحين لشيخ الجامع وتحجيله قصتج بالمضبوط وهو اكيد عنده العنوان
ابورقيه:اكلج بشرى شفت جهال سحر باب بيت رقيه، شنو مبينت يمنه
بشرى:والله مادري هسه ازركلهم واشوف شجابهم لازم جايبه
بشرى:حمودي وين امك
احمد:جوه بيبي وياها خالاتي
بشرى:خوش ملمومات العصابه
بشرى:هله بالغاليات بنات الغاليه لمه خير ان شاءالله شلونجن
ها سحر وين بطنج شنو جبتي؟؟
زينب:اي جابت بنيه وماتت
بشرى:وداده صخام بوجهج سحر ،يله الحمدلله كمتي سالمه
سحر:اجاملها واباوعلها بحقد هي سبب تعاستي كلها
سحر:بقيت 3 ايام يم رقيه ورجعت لبيتي
للشفيه وقهره
........