ثمن عمري

9

ثمن_عمري
الحلقه التاسعه
بقلمي(ام آيه)

سحر:دك تلفوني وجاوبت
سحر:نعم تفضلوا
سالي:انتي خاله ام مها
اي عيني منووو
سالي:حبيبتي خاله اني سالي
سحر:من كالت اسمها وكف كلبي ،يمه بنيتي رجعتوا
سالي:اي خاله الصبح طبينه بغداد وبين مشترالي بابا الخط وتفعل راسا خابرتج
سحر:يمه بعد روحي هسه اجيج بنيتي
سالي:لاخاله الوكت راح يصير ليل ،عود الصبح تعالي منتظرتج بفارغ الصبر
مها:ها يوم راح ترجعين تخدمين بالبيوت
احمد:خاله انتي ممحتاجه تخدمين بالبيوت
رقيه:معليكم انتوا هي عدها ظروفها
مها:شنيه ظروفها الي تجبرها تخدم ببيوت الناس وهي ممحتاجه ،بيت جديد مأثث و عدها وارد شهري واضافه لكل هذا تقاعد ابويه موجود
سحر:انغثيت من مها واحمد لان ضاجوا مني وهمه حقهم بس مجبوره اني على هالشي
سحر:الليل شطوله وشعرضه عليه مصدكت طلعت الشمس ورحتلهم ركض
سحر:ادك بالباب وكلبي يرجف بقيت ربع ساعه ادك واخر شي طلعلي ابو سالي يفرك بعيونه شكد عيب من النعاس
سحر:اسفه ابو سالي زعجتكم الحمدلله على سلامتكم بس كلبي مثل النار على شوفه سالي
ابو سالي:اهلا ام مها تفضلي البيت بيتج وحقج
سحر:سالي نايمه بغرفتها وصعدت اركض فتحت الباب وشفتها مثل الملاك نايمه وصايره صبيه
هاي 4 سنين مفاركتها يعني عمر
بقيت العب بشعرها وبودي احضنها بس خاف تفز بستها من خدها من فدوه لخدها عزيزه كلبي..
سالي:نايمه وحسيت احد يلعب بشعري وباسني من خدي،فتحت عيوني وشفتها خاله ام مها  وراسا حضنتها وكامت تبجي وبجتني وياها
سالي:خاله لو تدرين شكد محتاجتج لان انتي الوحيده الي احس بيج تحبيني وتخافين عليه مثل امي
ام مها:اني يمج حبيبتي وماعوفج العمر كله ياغاليه
ام مها:ماشاءالله صايره ملاك شنو هالحسن والرقه عيني عليج بارده..
سالي:عيونج الحلوات حبيبتي خالتووو
سالي:خاله تدرين طلعت معدل عالي بالاردن وراح اداوم صيدله بجامعه بغداد
ام مها:ماشاءالله تستاهلين كل الخير يعني يحقلج
اي خاله ان شاءالله،
متشوفين رجعنه ،لان مقبلت اداوم الا بغداد
بيها الخير حبيبتي ان شاءالله
سحر:بقيت يمهم 3 ايام بايته لان البيت بي هوايه شغل متروك صارله 4 سنين..
وهداوي باتت يم بيت خالتها رقيه..
سحر:رجعت وره كم يوم ورحت لبيت اختي وشفت الوجوه مكلوبه فد مره من بناتي واحمد
مها:شلونها سالي ان شاءالله ارتاحت من خدمتيها
هدى:ماما اني كلبي مينطيني اشغلج بالبيت وانتي تركضين تخدمين سالي
احمد:خاله ترى عيب تشتغلين بالبيوت باجر ابني من يجي للدنيا شراح اكوله بيبيتك خدامه
ابو احمد:اسمع حجيهم وساكت لان سحر كلش خوش انسانه بس هاي غلطتها الوحيده هي الخدمه بالبيوت
رقيه:اسمع حجيهم وسحر ساكته وخانكتها العبره،
وجان اعيط بصوت عالي
رقيه:سدوا حلكم وكلمه زايده اني اعرف شلون اتصرف وياكم من أبني لجنتي لبنت اختي
اختي مغلطانه و ما مشت بالحرام
هاي جزاتها الكم فوك متحملت قهر وضيم من ابوكم مشافته وحده هيج تجازوها
مها:خاله امي بعيونه نحطها بس خدمه البيوت صعبه
سحر:مدنكه راسي ودموعي تجري واسمع بالتجريح من اقرب الناس الي..متحملت كلامهم
سحر:تريدون تعرفون منو سالي ، اكوللهم رقيه
رقيه:كولي حبيبه وذبي هالحمل من جتوفج
اليعجبه يعجبه والميعجبه يركع راسه بالحايط...
الكل على وجوهم علامه الاستغراب ويريدون يعرفون منو سالي فاتحين حلوكهم وينتظرون..
سحر:سالي قطعه مني بنتي الي الزمن بعدها عني،بسبب ابوكم وانانيته حكم عليه وعليها بالعذاب لو يذبحها لو يطلكني
واذا يذبحها يعني اموت واذا طلكني معناها تنحرمون من بيت ابوجن
بسبب انانيته ضحيت  بنتي وعفتها بالشارع وفنيت عمري ادور عليها
ظليت سنين انام ودموعي مغركه المخده ومحسست وحده بيكم اني موجوعه..
كسرت ظهري عليكم وضيعت شبابي صرتلكم الام والاب وماقصرت بشي وهسه تاليها تجرحوني وتهينوني هالاهانه هاي
احجي وابجي وانهاريت من البجي..
مها وهدى:ثنينه مصدومات عبالك دنشوف فلم
شلون امي شالت الهم واتحملت وشلون قسى ابونا والوكت عليها..
رحنا نركض نحضن بيها ونبوس باايدها ورجلها وبجتوفها ونطلب رضاها..
ماما انتي اعظم ام سامحينه حبيبتي ، مجنا نعرف
و انتي مخليتينا نشاركج همج من البدايه ..
احمد:خجلت من نفسي ورحت اعتذرت من خالتي وبست راسها
ابو احمد:اني بطبعي كلش حساس وكلبي رهيف،من دتحجي سحر نزلت دمعتي وكتلها
الي سويتي والي مريتي بي ميتحمله احد انتي علم ومثال المره الصبوره عفيه عليج ام مها ،انتي تاج على روسنا ..
سحر:يسلم راسك يالغالي ،انت اخويه الي مجابته امي
سحر:الحمدلله تفهموا بناتي الموقف لان اني ربيتهم على الحنيه والطيب..
ورادوا مني اكول لسالي اني امها الحقيقيه بس فهمتهم بسالفة الكمبياله.
.وتفاجئوا بس كتلهم خلوا كلشي للوكت
سحر:ايام ويبدي دوام الجامعه مال سالي حبيبتي وكمت اطلع وياها حتى تكمل شغلاتها،واني دائما معتنيه بمظهري ومرتبه حتى من جانت ظروفي جتعبانه..
سالي:خاله شوفي هذا البنطلون حلو اخذه ويه هذا القميص..
ام مها:اي حبيبتي كلش حلو وانتي حلوه وكلشي يرهملج..
سحر:من دندفع الحساب ،الكاشير كالتنا سبحان الله  مبينات ام وبنتها لان حيل تشابهون
سالي:ضحكت ومشيت
سحر:اكثر من مره يكولونه نتشابه
سالي:خاله هاي كم مره عبالهم انتي امي ويكلون علينه نتشابه
سحر:اي حبيبتي من العشره..
سالي:بدت حياتي الجديده بالكليه وجنت فرحانه بشكل
العيون كلها عليه واني مجنت اهتم لاي احد
تعرفت على بنيه ويانه من البصره وساكنه يم اهل امها بغداد اسمها همسه كلش حبابه
وصارت علاقتي بيها كلش قويه،نكعد سوه ونقره وناكل كله سوه..
كم ولد من غير مراحل حاولوا ويايه بس اني جنت اصدهم وماانطي مجال
اني صحيح من توفت امي جنت بعدني بدايه مراهقتي ومحد علمني
بس خاله ام مها معافتني ابد وظلت تنصحني..ودائما تكلي سالفه وماانساها
[البنيه مثل الورده ميشمها بس رجال واحد ،من يشموها اكثر من واحد راح تذبل وتفقد رونقها]
اني دائما خاله بالي هالكلام..
سالي:دائما احمد الله خالتي موجوده بحياتي ولو بابا ممقصر بشي
بس اقرباءنا احسهم بعيدين عليه وحتى من نتشاوف تعاملهم رسمي،
فلذلك اهلي مبتعدين عن الكرابه..
فديوم كاعدين اني وهمسه بكافتريا الكليه وجانت مفتوحه يعني بس سقيفه
سالي:اكلج همسه شنو سالفه مهند يبقى دائما عازل روحه
همسه:يعني عليج الله هالشباب كلها ملفتوا انتباهج ،مهند هو الي لفت انتباهج
سالي:لا يولي شلون تفكير وصخ ،بس حاسته غامض
همسه:لا حبيبتي لاغامض ولاشي بس هو فطحل وبس يقره متشوفين درجاته كلها (فول مارك )
سالي:راح اروح احجي ويا
همسه:لج بابا تعالي هسه يحجي وياج كله بالمصطلحات والقوانين تعالي هبوله..

🌸🌸🌸🌸🌸