ثمن عمري

5

ثمن عمري
بقلمي (ام آيه)

سحر:بقه عندي اخر امل ونويت ادور عليها واوصللها
سحر:ظربتنا امريكا بالتسعين وساءت الاوضاع  وصار الحصار والعالم ماتت من الجوع
وره فتره رحت على عنوان بيت الدكتور والدكتوره وسالت الجوارين وكالوا سافروا
متت من القهر وتمرضت ،بس لازم اصير قويه لخاطر بناتي الباقيات
عفت شغله بنتي فتره والتهيت بالعيشه لان صارت حيل صعبه من وره الحصار
ورجعت اخبز للناس واسوي كبب وكليجه وخواتي ممقصرات ويايه بشي
كل فتره اروح اسال على بيت الدكتور ويكولولي مسافرين
مرت سنين ورعد تمرض وضل سنتين متعلعل  لان صار بي تشمع بالقلب من وره الشرب ومات بسنه 2000
صح جان هو والماكو سوا بس هسه غيابه كسر خاطر بناته وصاروا ايتام بس ان شاءالله اني ماقصر وياهم
كبروا بناتي ومهاوي صارت ثالث متوسط وهداوي اول متوسط..
مقصرت وياهم بشي بقيت اشتغل ليل ونهار وهم تقاعد ابوهم يعيني شويه واني تعلمت الخياطه و كمت اخيط لبناتي وللناس
مها:ماما ضايجين اليوم خميس ودينا لبيت خاله رقيه
سحر:العصر نروح بس اكمل الخبز مال بيت ام مهند
سحر:بناتي مقصرت بشي وياهم صحيح يتيمات بس احلى لبس البسهم
فنيت عمري كاسره ظهري عليهم
وشلت الهم من عمري 18 سنه ،الله يسامحك يابه انت وبشرى على هالزيجه وتعب سنيني كله بركابهم
سحر:رحنا العصر لبيت اختي رقيه وجانت ام مروان خطيه كلش تعبانه هي عدها عجز بالكلى وكل اسبوع يسولها غسل كلى ،جانت متخربطه حيل
ومروان مقهور فد مره عليها ورقيه هم ومخبوصين بيها
احمد:هلو مها شلونج
مها :زينه الحمدلله انت شلونك
سحر:اني ورقيه حاسين اكو ود بين احمد ومهاوي ولان اعرف احمد عاقل ومها حبابه عفنا هذا الحب يكبر لان مالكه احسن من احمدلبنتي من تكبر..
مها:احمد يخاف عليه هوايه ويحاسبني من يشوف لبسي بي شي لو صوتي عالي وضحكتي تعلى ،
اني عندي مشاعر حلوه اله ومشايفه غيره من طفولتي بعيوني بس هوه..
سحر:اخذت البنات ورحت بالليل بيت اهلي بتت لان بيت ابو احمد هوسه وبتهم المزوجه يمهم لان امها متخربطه..
سحر:ابويه كبر وتعبان فد مره من وره الضغط والسكر ..فرح من شافني اني والبنات وصار يحن عليهم من تيتموا..
سحر:حسيت على صوت الاذان كمت توضيت وصليت ورجعت تمددت بفراشي بالكاع وسمعت عيطه وصياح جاي من بيت مروان
رحنه اني وخالتي نركض،شفنه ام مروان مسلمتها للوجه الكريم..
راحت لدار حقها وخوش انسانه مغثت احد وتعذبت بمرضها الله يرحمها
صارت الفاتحه وبقيت وياهم اساعدهم رقيه مقهوره حيل لان جانت ام مروان معتبرتها مثل بتها واحسن معامله تعاملها،ومروان كلش نقهر على وفاه امه
مرت الايام وجتي الايام واني طول السنين مكطعت الامل وكل فتره اروح اسال بيت الدكتور رجعوا لو لا
ومره بظهريه طلعت رحت شفت ماكو زنجيل وقفل على بابهم فرحت حيل
كمت ادك بالباب وطلعتلي بنيه جنها الملاك عمرها بعمر بنتي تطلع سادس ابتدائي..الظفيره متينه ولونها جوزي وعيونها عسليه ولونها خمري هوايه بيها شبه مني
باوعت على ركبتها وجان اشوف الكلاده وانفجرت بالبجي وحتى كلبي زادت دكاته
روحي مفرفحه ومثل ميت وردتله روحه اوف ياكلبي شكد شفت ضيم وقهر
اوف يابنيتي شتمنيت هاي اللحظه وخفت اموت وتبقى شوفتج بحسرتي
تمنيت احضنها واشم ريحتها بس خفت لتخاف مني وعبالهم اريد ابوكها
الدكتوره:سالي ماماتي منو على الباب
سالي:ماما هاي خاله دتبجي تعالي شوفيها
سحر:اوف ياكلبي اسمها سالي
ام سالي:تفضلي عيني،محتاجه شي ،هسه اجيبلج فلوس من جوه
سحر:اسفه واعتذر كلش بس اني مو داكه بابكم للجديه،محتاجه اشتغل،اني عندي بنات ايتام ودربيهم بتعبي مو حسنه من الناس،ياريت تشغلوني بالبيت وجربيني وشوفيني
كل شاطره بشغل البيت وبالطبخ وبالكبه وحتى خبز اخبز
ام سالي:تعالي فوتي جوه بالمطبخ
ام سالي:والله ياريت تشتغلين عندي لان احنه جنه مسافرين لليمن صار 11 سنه وقبل اسبوع رجعنا
ومحتاجه احد بالبيت بس كون تطلعين امينه اهم شي عندي الامانه
سحر:والله اذا تشغليني يمج متندمين
ام سالي :هاهيه باجر تعالي ساعه 9 لان احنه ماشين بنظام ،اثبتي جدارتج لان اني راح احطج تحت الاختبار ،منا لااسبوعين تبدي مباشرتي بالمستشفى
بالمناسبه شنو اسم بنتج الجبيره
سحر :اسمها مها
ام سالي:عاشت الاسامي ام مها منتظرج باجر على الموعد ان شاءالله
ان شاءالله دكتوره
سحر:رجعت للبيت وجنت طايره من الفرح،وبس اريد اشارك احد  بفرحتي  بس ماكدر احجي ويه مهاوي وهداوي لان ميعرفون بقصتي ويه اختهم
واكيد من راح يعرفون يكرهوني لان انطاني كلبي اتخلى عن ظنايه..
المهم ماعندي غير خواتي يشاركوني فرحتي
سحر:مهاوي وهداوي عدكم وكت منا للعصر خلصوا دروسكم علمود نروح يم خالاتكم مادام باجر انتوا ظهري حتى نرجع الصبح
مها وهدى:هيااااااااا عفيه بماما الورده
سحر:رحنا لمنطقه اهلي ورحت لاابويه اول سلمت وكعدنه شويه وشربنا جاي وبعدين رحت لبيت اختي وجانت النفوس هاديه وراح تمر سنه على وفاه ام مروان
سحر:دزينه على زينب وجتي بيت رقيه تبات ويانه على الواهس..
مروان:لمه خير اليوم كعدن سولفن وكصن بالعالم ههههه ،اني طالع ام حمودي ولتسوين عشه راح اجيبلكم كباب ويايه
سحر:والله دنزاحمك ابو حمودي ،بس والله مشتهين لفات فلافل ام العنبه عليك الله جيبلنا
ابو احمد:يمعوده شدتحجين
زينب:اي والله لفات فلافل اطيب وجيبلنه وياك ببسي من ابو المكينه(قبل القواطي غاليه)
ابو احمد:غاليات والطلب رخيص
سحر:ولدنا وبناتنه كبروا وكلهم متوسطه وكاعدين بغرفه احمد يلعبون (سيكا)
سحر:تعالوا ياحبيباتي عندي بشاره وفرحه عمري
رقيه:يالله بشريني حبيبه
سحر:كمت ابجي واحجي،يولن لكيت بنتي
زينب:اللهم صلي على محمد
رقيه:يايوم الله يفرحج يحبيتنه،شلون يولي و وين
سحر:حجيتلهم كلشي وبجن على بجي وفرحن لفرحتي (والله خواتي وبناتي هن عزوتي بالدنيا)
سحر:تعشيناوسوالف وحب وضحك