ثمن عمري

7

ثمن عمري
بقلمي(ام آيه)

سحر:رده فعله الدكتوره قاسيه وصارت اعصاب وصياحها عليه شعلاته واني بس ابجي
ام سالي:بعصبيه وصياح يله بدون مقدمات لمي غراضج وروحي اطلعي بره بيتي اني مستغنيه عن خدمتج ماريدج تدوسين عتبه هالبيت ماكو شي يثبت هيه بنتح
وترجيه حطيها بأذنج سالي بنتي ومتصير بنتج الما اني اموت
سحر:ابجي واتوسل وابوس بأيدها وبرجلها،والله مااخذها منج  هيه تدفع بيه دتطلعني من البيت
ابوس رجلج بس بقيني خدامه بيتج واني اخدمكم ولاتحرميني منها ..
كلبي مثل النار وانتي هم ام وحاسه بلوعه كلبي ابوس تراب رجلج لتحرميني من ضنايه
بس  بقيني اخدمكم ووعد مني ماخليها تعرف اني امها
ام سالي:من حجتلي انصدمت وفقدت وتصرفت باانانيه
بس من شفت دموعها وحركة كلبها، كلبي حن عليها،وشفت هيه هم امها وباجر الله يحاسبني من احرمها منها
هي أمن وحده على البيت وبنتي بغيابي
ام سالي:هاهيه تبقين هنا بس بشروطي
سحر:شتحطين شروط اني موافقه
ام سالي :اول شي تكتبين تعهد متاخذين البنيه ومتكوليلها انتي تصيرين امها،تبقين على طول بس مربيتها
والشرط الثاني تكتبين على نفسج مبلغ في حال خالفتي الشرط الاول
تتغرمين مبلغ يعادل كيلوين ذهب باي وقت كان
سحر:شفت شروطها صعبه وغاليه واحد اصعب من الثاني وثنينهم يكسرون ظهري
 بس مجبوره اقبل لخاطر بنتي
سحر:ياربي مكتوب عليه الشكى وماكو راحه طول عمري
قبلت وقعت على التعهد والكمبياله الي كتبتها عليه الدكتورع
سحر:اتحملت كلشي لعيون بنتي
ابو احمد:رحت لبيت سحر وفتحتلي الباب مها
ابو احمد:ها مهاوي شلونج
مها :هلا بيك عمو الحمدلله تفضل
صيحيلي امج
مها:عمو والله ماما بعدها مجايه من شغلها
ابو احمد:ليش وين تشتغل ،و وين اكو لهسه دوام راح تصير 5 العصر
مها:خجلت عبالي يعرف،عمو امي صار سنتين تشتغل بيت دكتوره
ابو احمد:انصدمت تشتغل بالبيوت،خير ان شاءالله امر الها غير وكت
مها :عمو هيه على جيه ابقى انتظرها
ابو احمد:لاباباتي اروح وخليها اذا تكدر تخابرني من جوارينكم وره 7
مها:ان شاءالله عمو راح ابلغها
ابو احمد:هاي شلون شغله صار لازم تكعد قريبه يمنه حتى احط عيني عليها وعلى بناتها
مو راهمه مريه بالثلاثين تعيش وحدها هيه وبناتها
وفوكاها تشتغل خدامه بالبيوت
سحر:رجعت تعبانه وكلتلي مها على جيه ابو احمد ورحت خابرته من جيرانه
سحر:شلونج رقاوي شخباركم سمعت ابو احمد مار عليه ورايدني اخابره
رقيه:اي سحر هسه اصيحه
ابو احمد:ها ام مها شلونج ان شاءالله بخير هذا البيت اجه عليه خوش مشتري شوكت اجيبه يشوفه حتى اذا اتفقنا نكمل اجراءات البيع
سحر:باجر جيبه ساعه 5 العصر موجوده ان شاءالله
سحر:اخذت اذن وطلعت بوكت واجه مروان والمشتري عجبه البيت وخلال اسبوع رتبنا امر البيعه
ونطاني المشتري مهله 3 اشهر اطلع من البيت
وبهالفتره ابو احمد سبع وميقصر اخذلنا كاع بمنطقه اهلي وقسمها بالنص وفرزها
وذب كل مواد البناء وخوش اشتغلوا لان لزم مقاول
سحر:صباح الخيرسالي حبيبتي شو ممداومه اليوم
سالي:خاله مريضه راسي وبطني وماما انطتني دوه وراح تاخذلي اجازه
سحر:اسم الله ياروحي
اخاف عليها من الهوى الطاير ،داريتها وسويتلها شوربه وسوائل دافيه
سالي:خاله اني كلش احبج واحسج قريبه مني
سحر:والله انتي بغلاه بناتي ياعمري انتي
سالي:خاله مادام ماعدج شغل احجيلي عنج وعن بناتج
سحر:ياربي الدم يحن،اي ياروح خالتج
حبيبتي اني اتزوجت وجبت مهاوي كلش حلوه بس مو احلى منج ياكلبي وهسه
هي صف خامس ادبي وراها جبت هداوي وهيه صف ثالث
سالي:خاله بناتج كبار بس انتي بعدج صغيره
سحر:ههههه منيلي صغيره من وره حياتي ماحس روحي بالتلاثينات عبالك عمري 60 سنه
سالي :كملي خاله حلوه قصتج
0تعبت على بناتي لان رجلي جان مريض واشتغلت كلشي علمودهم
وبعدين اجتني ملاك تجنن بس ضاعت مني
سالي:اوي خاله الله يساعدج شلون ضاعت
سحر:ضاعت حبيبتي وخلاص (خفت اكمل ليوصل الحجي للدكتوره)
سالي:مقهوره عليها خاله
سحر:شلون لعد هيه كل حياتي وهي الي كسرت ظهري
سالي:الله يريح كلبج ويجمعج بيها ان شاءالله
سحر:حضنتها يمه كبرانه حبيبتي وصايره تسولف
سالي:خاله جيبي بناتج اريد اشوفهن حبابه
سحر:ان شاءالله اليوم اخذ رخصه من امج
واشوف بناتي اذا ماعدهن امتحان باجر عود اجيبهم ان شاءالله..
اخذت رخصه من الدكتوره وقبلت والله شاهد المره كلش تحبني ومأمنتي على حالها ومالها
سحر:رجعت تعبانه مهدهده من التعب
مها :ماما اذا بقت من فلوس البيت كم فلس افتحيلج بيها شغله وعوفج من الخدمه بالبيوت
والله ترى اني استحي لحد يسمع من صديقاتي ويصيحولي بعدين بنت الخدامه،ماما لتزعلين بس محد يرحم
سحر:غثني كلام مها بس هيه حقها،يصير خير ان شاءالله..
شوفي مها اذا ماعدج انتي واختج امتحان حت اخذكم الصبح ويايه لبيت الدكتوره لان سالي تريد تشوفكم
مها: ماعندي امتحان بس ماروح
ليش بنتي متروحين والله خوش ناس وحبابين
مها :ميعجبني اروح وهناك يسمونه بنات الخدامه
سحر:هوايه دتجرحيني بالكلام (مها كبرانه ومتغيره)
حبيبتي اني مدبره المنزل ومربيه سالي
مها: اووو شخبصتينه بسالي عبالك بتج شد تذكريها وتمدحين بيها
سحر:دست على نفسي وانجرحت هوايه من بنتي ،وبالكوه كدرت اقنعها تروح وياينه اني وهدى
سحر:وصلنا للبيت وجانوا الكل بالدوام واني عندي نسخه المفتاح لان مأمنين بيه وحتى الدكتور يعرف قصتي لان ام سالي مسولفتله كلشي
مها:شلون بيت وشلون عايشن عبالك قصر بالعافيه عليهم
سحر:الحمدلله على عيشتنه كلمن ياخذ نصيبه
مها:اجيت مجبوره ومن شفت البيت صار بداخلي غل وحقد على سالي
من جتي من المدرسه وشفتها شكد حلوه ومحبوبه ..حبيتها ودخلت كلبي
بس امي حيل تحبها وتعاملها مثل متعاملني اني وهدى ..
وهي تلكت ماما بالاحضان وتبوس
سحر:كلش تونست ويه بنات خاله ام مها وحسيت اعرفهم من زمان