ثمن عمري

الحلقه الاولى

ثمن عمري
بقلمي(ام آيه)

القصه حقيقيه وواقعيه
رعد الله يخليك وديني حيل موجوعه والله حاسه نفسي راح اموت
كافي هالزقنبوت الي تبربع بي دخيل الله ارحمني
رعد:قزرقرط شبيج شكد لغيتي متخلين واحد مرتاح
لازم تعكرين مزاجي يا بومه

اني سحر متزوجه من شخص عديم المسؤليه والفائده همه الوحيد الشرب محاط بااعتباره لا اني ولااطفاله
من طريقه كلامي عرفتوني اني مثقفه
بدت قصتي من توفت امي الله يرحمها حبيبه كلبي وعافتنه 3 بنات صار بيها التهاب الكبد الفايروسي
هسه راح نعرفكم على نفسنه احنه البنات

اني الجبيره رقيه ويكولون خواتي انا احلى وحده طويله وعيوني وساع سود وشعري فاحم
متعينه بالمستشفى ومتخرجه من اعداديه التمريض
اني الوسطانيه زينب مربربه وسمره بس يكولولي حلوه ودمي يلعب،واخر سنه الي بمعهد معلمات
اني سحر اخر العنقود حنطاويه وطويله وعيوني عسليه بس تبقى رقيه احلى وحده وجذابه واني طالبه بالاعداديه
بيوم وفاه امي وبعدها الجنازه بالبيت جنا ملتمين عليها احنا ونبجي وابويه واكف مقهور على الباب
وخالتي هم موجوده اسمها بشرى عمرها نهايه الاربعين اكبر من امي وعانس كاعده يمنه على اساس مقهوره على اختها
اجه ابويه عليها وكلها اذا مقهوره على بنات اختج صيري بمكانها لاختج
خالتي باوعت على ابويه مبين معجبها الحجي وكامت
موتت امي كسرتنه وحياتنه صارت جحيم لان الام شمعه وبغيابها تطفه الدنيا وتصير ظلمه
يعني يروح الحنان ،ويضيع الامان وماكو دفو ومحد يسمعج من تحزنين ومحد يفرح بفرحج
بالمختصر كلشي بالبيت يموت
بعد وفاه امي ب4 اشهر
ابو رقيه:بنات اني حاجيت خالكم رزاق وهو وافق يزوجني خالتكم بشرى واخذت موافقتها هم
سحر:هاي شنو يابه بالقليل خل تمر 6 شهور احتراما لذكره امي
الاب:اني رجال ومعذور وانتوا بنات ولازم اكو ام فوك روسكم
رقيه:بس يابه احنه كبار ونفتهم ومسؤولات عن نفسنه ونعرف نصرف
زينب:يابه شايف الخير بس حجايه وحده اكولها الك لتخلي زواجك يأثر على علاقتك بينا وتصير انت ومرتك والزمن علينه
ابو رقيه:انتو بناتي وقطعه مني ومعاملتي الكم متتغير ان شاءالله
سحر:كعدنه اني وخواتي بغرفتنه مقهورات ونبجي على امنا وعلى حضنا
رقيه:اني امكم واختكم الجبيره ولتخافون طول مااني عايشه ماخلي احد يذلكم
سحر:وبيوم العرس ابويه راح وحده مقبلنه نروح ويا
جاب خالتي بسكوت بدون زفه
جانت لابسه تنوره وقميص مشجره (كوستم )وعليها عبايه راس وحاطه مكياج خفيف
ابو رقيه:تفضلي بشرى،هذا بيتج ،وينكم يابنات تعالوا سلموا على خالتكم وباركولها
رقيه،زينب،سحر :مبروك وشايفين كل الخير
بشرى:الله يباركلكم عيوني(بس بداخلي حاقده عليهم لان ماحب امهم لان احلى مني وقسم الزواج تجيها بس الها،من وراهاوكفت قسمتي)واني قبلت برجلها حتى اخلي يحبني اكثر منها
مرت فتره على زواجهم وخالتي مدلله ابويه وشايلته على كفوف الراحه وهو مشايف بس هيه كدامه حتى امي نساها
بشرى:ذني عثره بطريقي،لازم ازوجهن واخلص منهن
رقيه:مره رجعت من دوامي بالفورتات وصيف حاره وصار بنجر بالكوستر واتاخرت عن وكتي
رجعت كلش تعبانه وتلكتني خالتي
بشرى:وينج طابه بعز الظهاري الناس شتكول علينا ماعندج اهل،ويامن جنتي
رقيه:خاله عيب عليج هالحجي،قابل وين جنت وتدرين اصعد وانزل بالفورتات قابل عندي سياره خاصه واجي بسرعه،عفتها ومشيت
رقيه:فتت للغرفه وشفت البنات ديقرون جنت كلش مغثوثه،بس ماحبيت احسسهم ،بس طلعوا سامعين الصوت
سحر:شبيها تصيح عليج الحيه
رقيه:مابيها شي لان تاخرت
رقيه:نمت الظهر بدون غده ومغثوثه وكعدت العصر سويتلي كوب جاي واخذت كم كليجه وكعدت بالحديقه
احنه بيتنا بمنطقه شعبيه وتصير الحدايق صغار والجوارين لزك
رقيه:اني كاعده وانشمرت حجاره صغيره على جتفي..باوعت وشفته مروان ابن جوارينه وهذا قصتي ويا طويله
من جنت بالابتدائيه يبقى يمشي ورايه ويسمعني حجي
كبرت وصرت بالمتوسطه وصارحني واتعلقت بي ،هو مكمل ثالث متوسط وبطل لان ابوه اسير وهو الوحيد يعيل امه واخته وعنده محل تصليج مجمدات
يوم بعد يوم اتعلق بي لان يحبني بحرص وخوف صرت باعداديه التمريض ويوميه يمشي ورايه بالروحه وبالرجعه
رقيه:اضطرينا نسافر سنه لسوريا نعالج امي وكلت هسه نساني لان ماكو تواصل وقبل ماكو تلفونات
رجعنا وره السنه لكيته خاطب بنت عمته كوثر وكلش انقهرت لان غدر بيه
تعبت هوايه،وراها بفتره سمعت فصخ الخطوبه جانت توصلني الاخبار من اخته امل صديقتي
حاول هوايه يكعد ويايه ويبررلي بس منطيته فرصه
وبعدين سمعته بعد واسطات وملحه مو طبيعيه
وشرحلي
مروان:جنت حيل متأذي بغيابج وبنت عمتي تدري احبج تعرف من اختي امل
ولعبت لعبه شكبرها وبعدين كشفتها وعفتها
مروان:اكتشفت كوثر دازه واحد مأجرته على بيتنه وبذيج الظهريه واطلعله اني
مروان:تفضل اخويه
العفو اني خطيب رقيه جوارينكم وجاي اطمئن على بيتهم ووصوني اكلكم تخلون عينكم على البيت
مروان:من سمعت هيج اتخبلت وبدت كوثر تتقرب مني واني اتقربتلها حتى اشغل الفراغ العاطفي
وخطبتها
بس من رجعتوا وعرفت من امل انتي مو مخطوبه،شكيت بكوثر وردت اوكعها
بالحجي،وكشفتها
مروان:فصخت الخطوبه لان ما أمن أبني عائله ويه هيج مره
رقيه:رجع كلبي صفاله وبرد،اجه تقدملي بس والدي عارض لان ممكمل دراسه واني بعدني ادرس
بس مأيس بقى معتز بيه
صادفت وفاه امي وراها والموضوع اتاجل تلقائيا
بس بقيت يوميه لازم اشوفه حتى اخذ جرعه الحياه وانتعش وخواتي يعرفون بقصتي
مروان:شلونج حب شو ضايجه
رقيه:هلو حبيبي والله خالتي ملعبه نفسي هوايه
مروان:اني مكمل كلشي حتى فلوس الذهب والنيشان جامعه بس تطلع السنه راح احشر على ابوج لو يزوجج الي لو اطشره
رقيه:هههه عابتلك ،وخواتي والله مينطيني كلبي اعوفهم
مروان:وين تعوفيهم انتي بصفهم
بشرى:حاسه برقيه عدها شي ويه ابن الجيران ،لان يوميه تخنس بالحديقه،راح اطلع بسكوت وافاجئها
رقيه:يله مروان روح خالتي اذا شافتك تسويلي سالفه واني مناقصتها هي يوميه مطلعتلها حجه عليه
رقيه:طلعت خالتي وشافتني احجي ويه مروان،،عزه اليوم عركه للستار شراح يفضها
مروان:شفت خالتها ونزلت وجنت حيل خايف على رقيه وردت اروح احجي ويه خالتها بس ترددت لتكبر السالفه
رقيه:صاحتني خالتي وطبت للهول وسدت الباب واني منتظره الهوسه الي راح تسويها
بشرى:لازم العبها صح واكسبها حتى اخلص منها بهدوء
بشرى:رقيه بنتي انتي جبيره مو صغيره وعلاقتج باابن الجيران اكيد علاقه جديه مو طربكه،واذا الولد شاريج اني اساعدكم
رقيه:بصراحه تفاجئت بخالتي وبرده فعلها متوقعت هيج راح يكون موقفها
رقيه:صدك خاله تحجين،وحجيتلها كل السالفه
بشرى:بعد شهرين تطلع السنه مالت امج والحي ابقى من الميت،وابوج خلي عليه
رقيه :متفاجئه من تصرفها،بس المهم اخذ الي احبه
بشرى:بالليل وفتحت الموضوع ويه ابو رقيه
 وعارض بالبدايه وبعدين قنعته وانطاني خبر الخميس يمشون
رقيه:ثاني يوم مصدكت الي كالته خالتي ووانطيت خبر لمروان
رقيه:صارت الخطبه وخلال شهر كلشي مكملين واتزوجنا وعشت ويه حبيبي والحمدلله مرتاحه راحه مالها وصف،وخواتي يوميه احجي وياهم واشوفهم..
بشرى:همزين خلصت من عثره بعد عثرتين
لازم اخلص هسه من زينب
بشرى:زينب باجر مسوين النسوان بالفرع سفره للامام علي (عليه السلام) واني دخلتج ويانه تحضري الصبح نروح
سحر:واني اريد اروح وياكم
بشرى:لا انتي ابقي يم ابوج داري،على المره الجايه اخذج بعد اسبوعين نروح لملويه سامر ونزور الامامين العسكريين
زينب :صار الصبح واتحضرنه ورحنا والطريق متونسين ويه النسوان وغناهم وسوالفهم واتمنيت سحر ويانه
بشرى:اني حاطه عيني على سايق الكوستر ياسر ابن ام ياسر الي تنظم السفرات جوارينه بالشارع وخوش ناس وحالتهم زينه
زينب:بس اني البنيه الوحيده والباقين كلهم كبار
جنت لابسه تنوره سوده طويله وقميص شرابي وبدون حجاب لان قبل قليل محجبات وماخذه عبايه راس البسها بالامام ومربره والنسوان كلهن عينهن عليه
زينب:طول الطريق روحه ورجعه السايق عينه عليه وابد منزل عيونه..رجعنا للبيت وتونسنه
وره يومين اندك الباب العصر وطلعت افتح الباب وشفتها ام ياسر وتريد خالتي
رحبت بيها وطببتها جوه واجتي عليها خالتي وعفتهم ورحت للغرفه
بشرى:جتي ام ياسر وخطبت مني زينب،دنتعشى وفتحت الموضوع
بشرى:ابو رقيه اليوم جوي خطابه على زينب وخوش ناس الولد مكمل صناعه وعنده كوستر يشتغل بيها واموره عدله
زينب:سمعت حجي خالتي وكمت اركض ميته خجل
زينب:ابويه سأل عليهم همه بفرعنه وخوش ناس ومروان رجل رقيه مدح بي وطلعوا عرف واكو سلام بيناتهم
وافق ابويه والي تشوفه خالتي صح خلاص ايصير ميهما رأينا
زينب:طولت خطوبتنا 3 اشهر وشفته ورده وينحب والحمدلله اتزوجنا وكلش مرتاحه ويا،ماعدهم احد بالبيت بس امه واخو بعده طالب
بشرى:اووف يهم البنات،خلصت من اثنين وبقت الاخيره بقالها شهرين تكمل مدرسه وعود امخمخ الها
بزيجه
سحر:البيت صار مو حلو وره متزوجوا خواتي ولو رقيه يوميه اذا متجي تبقى تحجي ويايه من السياج
بس صارت حامل وهسه قلت جياتها لان تتعب من وره الدوام والحمل
وزينب رجلها يجيبها كل اثنين وخميس علمودي